Aktualitet

BE: Shqipëria plotëson të gjitha kushtet për negociatat e anëtarësimit

Michel, theksoi se Shqipëria është pjesë e familjes europiane.

Published

on

Shqipëria ka plotësuar të gjitha kushtet për hapjen e negociatave të anëtarësimit në BE, tha të premten Presidenti i Këshillit Europian, Charles Michel.

“Bisedimet e anëtarësimit duhet të fillojnë sa më shpejt që të jetë e mundur”, tha Michel.

Deklaratat e tij erdhën në një konferencë shtypi me kryeministrin Edi Rama në kryeqytetin e Shqipërisë, Tiranë, gjatë ndalesës së tij të dytë në një turne në vendet e Ballkanit Perëndimor.

Michel tha se BE-ja po punon për të siguruar përfitime të prekshme për të gjithë shqiptarët dhe partnerët në rajon.

”Kjo do të thotë të përshpejtojmë integrimin tani në vend që të presim derisa negociatat e anëtarësimit të përfundojnë plotësisht. Në qershor, do të organizojmë një takim të 27 liderëve të BE-së në Bruksel me ju dhe liderët e tjerë të Ballkanit Perëndimor”, shtoi Michel, i cili theksoi se Shqipëria është pjesë e familjes europiane.

“BE mbetet partneri më i madh tregtar i Shqipërisë dhe ofruesi më i madh i asistencës financiare. Është më e rëndësishme se kurrë që të ringjallet procesi i zgjerimit. Sfidat e sotme na detyrojnë të mendojmë përtej modeleve tradicionale për mënyra novatore të të menduarit dhe mënyra novatore të punës, dhe krijimi i stimujve të rinj për reformat për të përshpejtuar integrimin në BE”, përfundoi ai. /UBTNews/

Bota

Izraeli pretendon për “shkelje” të traktatit të paqes nga Egjipti

Published

on

By

Izraeli pretendon se ka zbuluar ato që ai i quajti “shkelje egjiptiane” të traktatit të paqes të vitit 1979.

Transmetuesi publik izraelit KAN citoi një zyrtar të nivelit të lartë, i cili i cilësoi shkeljet e supozuara si “jo serioze”.

Ne nuk shohim ndonjë qëllim nga pala egjiptiane për të minuar marrëveshjen e paqes”, tha zyrtari.

Ai tha se Izraeli i ka kërkuar Egjiptit t’u përmbahet kushteve të traktatit të paqes.

Megjithatë, këto shkelje nuk mund të konsiderohen të rëndësishme,” shtoi ai.

Egjipti ishte vendi i parë arab që nënshkroi një traktat të paqen me Izraelin në vitin 1979 për t’i dhënë fund konflikteve të tyre ushtarake.

Kushtet kryesore të traktatit përfshinin ndërprerjen e armiqësive, normalizimin e marrëdhënieve, tërheqjen e plotë të Izraelit nga Gadishulli Sinai dhe krijimin e një zone të çmilitarizuar përgjatë kufirit.

Transmetuesi izraelit nuk specifikoi natyrën e shkeljeve të supozuara, por përduruesit izraelitë të mediave sociale shpërndanë një video që supozohet se tregonte tanke egjiptiane në Gadishullin Sinai, megjithëse autenticiteti i tyre nuk mund të verifikohej.

Deri më tani pala egjiptiane nuk është prononcuar lidhur me raportin egjiptian.

Më 11 shkurt, sipas ushtrisë egjiptiane, ministri egjiptian i Mbrojtjes, Abdel Majeed Saqr, i bëri thirrje ushtrisë “të ruajë nivelet më të larta të gatishmërisë luftarake në mënyrë që forcat e armatosura të mbeten të afta për të përmbushur detyrat dhe përgjegjësitë e tyre në çdo rrethanë”.

Egjipti kufizohet me Rripin e Gazës, ku lufta brutale ka vrarë të paktën 48.300 njerëz, kryesisht gra dhe fëmijë, si dhe e ka lënë enklavën në gërmadha.

Lufta në Gaza është ndalur në bazë të marrëveshjes së armëpushimit dhe shkëmbimit të të burgosurve që është në fuqi që më 19 janar.

Continue Reading

Bota

Kryeparlamentari i Ukrainës i përgjigjet Trump: Na duhen plumba, jo fletëvotime

Published

on

By

Kryetari i Parlamentit të Ukrainës, Ruslan Stefanchuk, ka reaguar ndaj sugjerimeve për mbajtjen e zgjedhjeve të reja në Ukrainë, duke deklaruar se vendit të tij i nevojiten armë për të vazhduar luftën për liri, jo procese elektorale.

Në një postim në platformën X, Stefanchuk theksoi se presidenti Volodymyr Zelenskyy është zgjedhur përmes zgjedhjeve demokratike dhe aktualisht po udhëheq vendin në luftën kundër agresionit rus. Ai gjithashtu akuzoi Moskën se nuk ka qenë kurrë e interesuar për paqe dhe bëri thirrje për rritje të mbështetjes me armë dhe sanksione nga Perëndimi.

Reagimi i tij vjen pasi ish-presidenti amerikan, Donald Trump, pretendoi se popullariteti i Zelenskyyt është vetëm 4%, duke sugjeruar mbajtjen e zgjedhjeve të reja. Ky pretendim është hedhur poshtë nga Zelenskyy, i cili e cilësoi atë si dezinformatë të përhapur nga Rusia, duke theksuar se Ukraina ka prova që tregojnë se këto shifra janë diskutuar gjatë një takimi mes zyrtarëve amerikanë dhe rusë.

Edhe sipas mediave amerikane, një nga temat kryesore të diskutimit në negociatat SHBA-Rusi, në Riad, ishte organizimi i zgjedhjeve të reja në Ukrainë, me argumentin se Zelenskyy ka gjasa të ulëta për t’u rizgjedhur. Sipas Moskës, një kandidat tjetër mund të ishte më fleksibël dhe i gatshëm për negociata.

Sipas burimeve diplomatike, plani i diskutuar përfshin tre hapa kryesorë: shpalljen e një armëpushimi në Ukrainë, mbajtjen e zgjedhjeve të reja dhe, më pas, firmosjen e një marrëveshjeje paqeje.

Continue Reading

Bota

Franca: Evropa nuk duhet të jetë më e varur nga SHBA-ja për sigurinë e saj

Published

on

By

Zëdhënësja e qeverisë franceze, Sophie Primas tha se Evropa nuk duhet të jetë më e varur nga SHBA-ja për sigurinë e saj.

Duke folur në një konferencë për media pas mbledhjes së Këshillit të Ministrave në Francë, Primas foli për zhvillimet e fundit në lidhje me Ukrainën dhe sigurinë evropiane.

Ajo vuri në dukje se kapaciteti i Evropës për të siguruar mbrojtjen e saj është vënë në një situatë të vështirë nga administrata e re e SHBA-së. “Evropa po kupton se nuk mund t’ia dorëzojë sigurinë e saj fuqive të tjera”, tha Primas.

Pasi theksoi se një paqe e mundshme midis Rusisë dhe Ukrainës duhet të shoqërohet me garanci solide, Primas tha: “E vërteta është se bëhet fjalë për sigurinë e Evropës dhe kapacitetin tonë për t’u vetëmbrojtur. Edhe pse amerikanët (SHBA) janë aleatët tanë, ne nuk duhet të varemi më prej tyre për sigurinë tonë. Zgjimi i Evropës kalon nëpërmjet rritjes së shpenzimeve të mbrojtjes”.

Franca qëndron në solidaritet me Ukrainën e cila po lufton për lirinë e saj dhe sigurinë e Evropës. Në këtë periudhë të paqëndrueshme dhe shumë të rrezikshme, është thelbësore të marrim përsipër fuqinë që është e jona dhe të rindërtojmë modelin tonë të sovranitetit dhe pavarësisë“, theksoi Primas.

Ajo shtoi se duan një paqe të fortë në lidhje me luftën Rusi-Ukrainë. “Nuk mund të ketë paqe të qëndrueshme në Ukrainë pa ukrainasit dhe evropianët”, tha Primas.

Zëdhënësja e qeverisë franceze mbrojti idenë se sovraniteti i Ukrainës dhe siguria e Evropës janë të ndërlidhura dhe tha se vetëm ukrainasit mund të vendosin për kohën dhe kushtet në çështjen e negociatave të paqes në lidhje me luftën Rusi-Ukrainë.

Continue Reading

Bota

“Organizoi grusht shteti”, kryeprokurori i Brazilit akuzon ish-presidentin Bolsonaro

Published

on

By

Kryeprokurori i Brazilit ka akuzuar ish-presidentin Jair Bolsonaro se ka udhëhequr një tentativë për grusht shteti pasi ish-udhëheqësi u mund nga rivali i tij i majtë në zgjedhjet presidenciale të vitit 2022.

Sipas BBC, prokurori ka shpjeguar se komploti i supozuar synonte të pengonte pasardhësin e Bolsonaros në detyrë, Presidentin Luiz Inácio Lula da Silva, të merrte detyrën dhe përfshinte një plan për të helmuar Lulën.

Bolsonaro, 69 vjeç, mohon çdo keqbërje dhe thotë se është viktimë e një gjuetie shtrigash politike.

Tani i takon Gjykatës së Lartë të Brazilit të vendosë nëse do të pranojë akuzat e prokurorit dhe nëse Bolsonaro dhe 33 të akuzuar të tjerë do të gjykohen.

Fokusi është tani tek gjyqtari i Gjykatës së Lartë, Alexandre de Moraes, i cili do të duhet të peshojë meritat e akuzave të bëra nga kryeprokurori dhe të vendosë nëse çështja duhet të kalojë në fazën e gjykimit.

Nuk ka asnjë afat që zoti Moraes të marrë vendimin e tij, por ekspertët ligjorë të cituar në mediat braziliane thanë se prisnin që ai të vendoste në favor të një gjyqi, i cili mund të fillojë më vonë këtë vit.

Analistët politikë thonë se një gjyq i mundshëm mund të ketë ndikim në zgjedhjet presidenciale të vitit 2026.

Ndërsa Bolsonaro i ndalohet të kandidojë për postin deri në vitin 2030 për pretendimin e rremë se sistemi i votimit të Brazilit ishte i prekshëm nga mashtrimi, ai mbetet një forcë e fortë politike.

Continue Reading

Të kërkuara