Kryeministri i Ukrainës, Denys Shmyhal, zhvilloi këtë të martë një konferencë me gazetarët, ku foli mbi ndërprerjen e ndihmës ushtarake amerikane për Ukrainën

Shmyhal qetësoi qytetarët ukrainas duke thënë se ushtria i ka aktualisht armatimet dhe mjetet e nevojshme për të mbajtur vijat e para në front pavarësisht pezullimit të ndihmave.

Kryeministri bëri të ditur se Ukraina do të vazhdojë të bashkëpunojë me Shtetet e Bashkuara përmes të gjitha kanaleve diplomatike të disponueshme. Ai nënvizoi se vendi i tij është i gatshëm të nënshkruajë marrëveshjen për minerale me SHBA-në, e cila do t’i mundësonte Shteteve të Bashkuara akses në depozitat e mineraleve të rralla të Ukrainës.

Kryeministri ftoi palën amerikane për firmosjen e marrëveshjes, duke nënvizuar se ndihma ushtarake amerikane është “kritike” për Ukrainën, për të shpëtuar mijëra jetë njerëzish. Ai deklaroi se Ukraina është shumë e vendosur të vazhdojë bashkëpunimin me SHBA-të arritjen e një paqeje të qëndrueshme.

Shmyhal falënderoi SHBA-në për mbështetje të vazhdueshme gjatë tre viteve të fundit dhe e quajti ndihmën e tyre “jetike” për Ukrainën.

Ai gjithashtu i shprehu mirënjohjen Evropës për mbështetjen dhe vlerësoi planet e shpallura nga Presidentja e Komisionit Evropian, Ursula von der Leyen, për një financim shtesë prej 800 mld euro për mbrojtjen evropiane.

Vendimi i Presidentit amerikan Donald Trump për të ndërprerë ndihmën ushtarake për Ukrainën ka shkaktuar reagime të forta ndërkombëtare, duke shtuar presionin për ndryshime në politikat e sigurisë evropiane.

Kryeministri çek, Petr Fiala, ka deklaruar se ky vendim “thekson nevojën urgjente për një ndryshim thelbësor në politikën aktuale të Evropës”. Në një postim në X, Fiala theksoi se Evropa duhet të “forcojë aftësitë e saj ekonomike dhe ushtarake dhe të marrë përgjegjësinë e plotë për sigurinë e saj”.

Ai shtoi se ky ndryshim kërkon rritje të shpenzimeve për mbrojtjen dhe mbështetje më të madhe për Ukrainën në luftën e saj kundër pushtimit rus.

“Ne nuk mund të lejojmë që politika agresive e Rusisë, e cila na kërcënon të gjithëve, të ketë sukses,” shkroi Fiala,.

“Epoka e mbështetjes tek të tjerët për të adresuar sfidat themelore ndërkombëtare në emrin tonë ka përfunduar,” theksoi ai.

Fiala përfundoi duke thënë se “tani është koha që Evropa të kalojë me vendosmëri nga fjalët në veprim”, duke i bërë thirrje vendeve të Bashkimit Evropian që të rrisin angazhimin e tyre për sigurinë e kontinentit.

Kryeministri i Ukrainës, Denys Shmyhal, zhvilloi këtë të martë një konferencë me gazetarët, ku foli mbi ndërprerjen e ndihmës ushtarake amerikane për Ukrainën.

Shmyhal u pyet mbi për pasojat e mundshme të ndërprerjes së mbështetjes, duke theksuar se një vendim i tillë do të kishte një ndikim negativ të madh në jetët e civilëve.

Shmyhal nënvizoi se mbështetja ushtarake e SHBA-së ka shpëtuar tashmë “mijëra, ndoshta dhjetëra mijëra” jetë, duke kontribuar në mbrojtjen e qyteteve ukrainase dhe përpjekjet e ushtarëve ukrainas në vijën e frontit.

Ai theksoi rëndësinë e shkëmbimit të të dhënave për mbrojtjen ajrore ndaj sulmeve me dron dhe raketa nga Rusia.

Ai tha se Ukraina është “shumë mirënjohëse” ndaj popullit amerikan, Kongresit dhe administratës për mbështetjen e vazhdueshme gjatë më shumë se tre viteve të luftës kundër pushtimit rus. Kryeministri ukrainas theksoi se SHBA mbetet partneri strategjik më i rëndësishëm i Ukrainës. AI siguroi se Ukraina do të vazhdojë të punojë për të ruajtur dhe zgjeruar këtë bashkëpunim në mënyrë të qetë dhe diplomatike.

Shmyal bëri të ditur se Kievi është i gatshëm të nënshkruajë një marrëveshje për ndarjen e mineraleve me SHBA-në, duke shtuar se ky është një tjetër hap i rëndësishëm për forcimin e lidhjeve mes dy vendeve.

Presidenti amerikan, Donald Trump, tha se shpenzimet e Bashkimit Evropian (BE) për naftën dhe gazin nga Rusia janë shumë më të larta se shpenzimet e saj për mbrojtjen e Ukrainës.

Trump ndau një postim në llogarinë e tij në rrjetin social “Truth Social”, ndërkohë që debati me presidentin ukrainas, Volodymyr Zelenskyy në Shtëpinë e Bardhë vazhdon të mbetet në rendin e ditës.

Trump kritikoi BE-në për vazhdimin e marrëdhënieve të saj tregtare me Rusinë ndërsa mbështet Ukrainën në luftë, duke theksuar: “Evropa ka shpenzuar më shumë para për të blerë naftë dhe gaz nga Rusia sesa ka shpenzuar për të mbrojtur Ukrainën”.

Mes Trumpit dhe Zelenskyyt shpërtheu një debat gjatë takimit që u mbajt në Zyrën Ovale më 28 shkurt dhe pas kësaj u anulua konferenca e përbashkët për media e planifikuar më parë, ndërsa Zelenskyy u largua nga Shtëpia e Bardhë.

Gjatë debatit Trump kritikoi qëndrimin e liderit ukrainas, ndërsa Zelenskyy shprehu pritshmërinë e tij për mbështetje për vendin e tij.

Pas diskutimit, nuk u nënshkrua as marrëveshja për elementet e rralla të tokës që ishte paralajmëruar të nënshkruhej.

Pas debatit të nxehtë në Zyrën Ovale, Trump në një deklaratë nga llogaria e tij në “Truth Social” mbrojti idenë se Zelenskyy nuk ishte ende gati për paqe.

Ndërsa Zelenskyy në përgjigje të pyetjes gjatë një interviste për “Fox News” nëse do të kërkojë apo jo falje ndaj Trumpit, tha se nuk ka bërë asgjë të keqe për të cilën ai duhet të kërkojë falje.

Pas debatit, shumë liderë evropianë publikuan mesazhe mbështetjeje për Ukrainën.