Lajmet

BE pret që të adresohen rekomandimet për reformën zgjedhore

Sipas Mandl, prej 2013 kur kanë nisur vëzhgimin e zgjedhjeve në Kosovë, rekomandimet e BE-së për proceset zgjedhore nuk janë zbatuar.

Published

on

Bashkimi Evropian pret që të adresohen gjitha rekomandimet ndër vite të tyre për reformën zgjedhore në Kosovë, megjithëse deri tash nuk ka pasur përparim në adresimin e tyre nga institucionet përgjegjëse.

Shefi i misionit përcjellës të zgjedhjeve të Bashkimit Evropian, Lukas Mandl, tha se prej vitit 2013 kur kanë nisur vëzhgimin e zgjedhjeve në Kosovë, rekomandimet e BE-së për proceset zgjedhore nuk janë zbatuar, për shkak të paqëndrueshmërisë së koalicioneve qeveritare.

“Prej vitit 2013 kemi vëzhguar gjitha zgjedhjet në Kosovë, deri tani nuk ka ndonjë përparim drejt zbatimit të rekomandimeve, kjo për faktin e paqëndrueshmërisë së koalicioneve qeveritare. Në vitin 2022 kemi misionin e parë pasues në Kosovë duket se është moment i duhur që Kosova të merr parasysh rekomandimet e BE-së. Kjo na jep një optimizëm për proceset e ardhshme, duke pasur parasysh se shumica e rekomandimeve ende mbesin jo të adresuara”, tha ai.

Megjithatë, eurodeputeti Mandl, në konferencë për medie të premten, tha se tani është momenti i duhur që Kosova të bëjë hapa përpara.

Ai përmendi disa nga rekomandimet e BE-së për reformën zgjedhore, mes tyre edhe regjistrimi i votuesve nga jashtë vendimit, pastrimi i listave votuese dhe transparenca më e madhe në financimin e partive politike.

“Misioni ka propozuar 23 rekomandime, duke përfshirë gjashtë prioritete. Ato janë të ngjashme me rekomandimet e mëparshme. Ne vazhdojmë t’i kontribuojmë proceseve demokratike në Kosovë, duke ndihmuar në kornizën e përmirësimit të zgjedhjeve. Rekomandimet fokusohen në regjistrimin e votuesve jashtë Kosovës. Mbikëqyrje efektive të financimit të partive, reklamimet në platformat online. Caktimi i anëtarëve të komisioneve dhe anëtarëve të komisionit të apelit, po ashtu ridizajnimit apo pastrimi i listës së votuese”, shtoi Mandl.

Në anën tjetër, shefi i Zyrës së BE-së në Kosovë. Tomas Szunyog, tha se mirëpresim vullnetin e komisionit at-hoc të formuar në Kuvend për reformën zgjedhore.

“Ne jemi shumë të kënaqur të shohim fillimin e punës dhe përmirësimin e procesit zgjedhor. Dëshirojmë të shohim edhe një reformë si rezultat i këtyre rekomandimeve”, tha ai.

Ai foli edhe për zgjedhjet e jashtëzakonshme në veri të vendit, ku tha për shkak të afateve të shkurta kohore nuk janë në gjendje të angazhojnë një mision të plotë të vëzhgimit.

“Ne po diskutojmë dhe monitorojmë ngushtë përgatitjet e këtyre zgjedhjeve. Për shkak të kohës së shkurt të datës së caktuar të zgjedhjeve ne nuk do të jemi në gjendje të angazhojmë një mision të plotë të vëzhgimit për ato zgjedhje. Por sërish, ende jemi në konsultime me KQZ-në dhe autoritete të tjera dhe Brukselin se çfarë do të bëjmë”, theksoi ai.

Lajmet

Aksion kundër lojërave të fatit, arrestohen 34 persona

Published

on

By

Policia e Kosovës ka realizuar një operacion të gjerë policor në funksion të luftimit të veprimtarive të kundërligjshme që ndërlidhen me organizimin e skemave piramidale dhe lojërave të fatit-bixhozit të jashtëligjshëm në rajonin e Prishtinës. Sipas policisë, janë arrestuar 34 persona, të dyshuar për përfshirje direkte në këto aktivitete të paligjshme. Nga ta, 8 janë ndaluar me masë mbajtjeje prej 48 orësh, ndërsa 26 të tjerë janë liruar në procedurë të rregullt.

Sipas njoftimit, operacioni është zhvilluar në vazhdimësi që nga data 25.04.2025, pas pranimit të informatave të besueshme për zhvillimin e aktiviteteve të tilla të kundërligjshme në disa lokacione të Rajonit të Prishtinës.

Operacioni ka rezultuar tejet i suksesshëm, me ç’ rast; Janë vëzhguar-verifikuar, 91 lokale të ndryshme. Në 60 prej tyre janë ndërmarrë kontrolle të detajuara. 15 lokale janë mbyllur nga inspektorët e Ministrisë së Industrisë, Ndërmarrësisë dhe Tregtisë, dhe inspektoratet komunal për mungesë të dokumentacionit përkatës ose licencave”, thuhet në njoftim.

Po ashtu sipas policisë, janë iniciuar 25 raste penale, janë evidentuar shënime zyrtare dhe raporte operative që lidhen me vepra penale të ndryshme, si: organizim i lojërave të fatit, posedim i paautorizuar i substancave narkotike, armëmbajtje pa leje, kultivim, përpunim dhe shitje e substancave narkotike.

Përgjatë operacionit janë sekuestruar në cilësi të provave të rëndësishme edhe: 18 aparate për lojëra të fatit; 1 armë automatike AK-47, 1 armë e shkurtë, pajisje te laboratorit për kultivim, përpunim te substancave narkotike, para 5544.40 euro, 3 laptop, 2 printer për shtypje te tiketave, 3 aparate skenimi te tiketave, 16 telefona mobil të dyshuar se janë përdorur për pagesa online në bastore sportive.

Më tej thuhet se Policia e Kosovës mbetet e përkushtuar dhe e palëkundur në angazhimin e saj për parandalimin dhe luftimin e veprimtarive të jashtëligjshme që cenojnë rendin dhe sigurinë publike. Ky operacion dëshmon edhe njëherë profesionalizmin, bashkëpunimin institucional dhe përkushtimin e zyrtarëve policorë në mbrojtje të ligjshmërisë dhe interesit të qytetarëve.

Continue Reading

Lajmet

Osmani takon ambasadorin e Francës

Published

on

By

Presidentja e vendit, Vjosa Osmani priti në takim ambasadorin e Francës në Kosovë, Olivier Guerot, me të cilin bisedoi për zhvillimet e fundit politike në vend dhe në rajon, si dhe për raportet bilaterale ndërmjet Kosovës dhe Francës, njoftoi Presidenca të hënën, më 7 korrik.

Sipas njoftimit, Osmani dhe Guerot diskutuan edhe lidhur me konsultimet që presidentja ka zhvilluar me subjektet politike “në funksion të zbatimit të vendimit të fundit të Gjykatës Kushtetuese”.

Ajo ritheksoi se respektimi i rendit kushtetues dhe demokratik është thelbësor për stabilitetin institucional dhe kredibilitetin ndërkombëtar të Republikës së Kosovës”, thuhet në njoftim.

Në këtë periudhë të ngërçit politik, Osmani ka takuar përfaqësuesit e partive politike – në takim të përbashkët dhe të ndarë.

Ajo ka bërë thirrje për respektim të aktgjykimit të Kushtetueses – që Kuvendi të konstituohet deri më 26 korrik.

Deputetët janë mbledhur edhe sot, më 7 korrik, në tentimin e 43-të për konstituim, por pa ndonjë rezultat.

Procesi ka ngecur te zgjedhja e kryetarit të Kuvendit, për çka Lëvizja Vetëvendosje, në koalicion me Guxo dhe Alternativa, nuk po mund t’i sigurojnë 61 votat e nevojshme – në votim të hapur – për ta zgjedhur Albulena Haxhiun në krye të këtij institucioni.

Ata po kërkojnë që votimi të bëhet në mënyrë të fshehtë, por kjo po kundërshtohet nga partitë e tjera parlamentare.

Thirrje për të dalë nga kjo krizë institucionale ka brenda dhe jashtë Kosovës.

Continue Reading

Lajmet

Aksident mes dy veturave në Podujevë, një i lënduar

Published

on

By

Një person ka pësuar lëndime trupore si pasojë e një aksidenti mes dy veturave në Podujevë.

Agron Borovci, zëdhënës i Policisë për rajonin e Prishtinës konfirmoi për “Betimi për Drejtësi” se rasti ka ndodhur në rrugën “Ilir Konushevci”.

Sot rreth orës 10:20,  Policia ka pranuar informatën se në rrugën “Ilir Konushevci” në Podujevë, ka ndodhur një aksident trafiku rrugor me lëndime. Në këtë aksident kanë qenë të përfshira dy automjete, kurse si pasojë është lënduar një person, i cili ka pranuar tretmanin e nevojshëm  mjekësor. Njësia e Trafikut Rajonal ka dalë në vendin e ngjarjes dhe po ndërmerr veprimet e nevojshme për hetimin e shkaqeve që kanë sjellë deri te ky aksident”, tha ai.

Continue Reading

Lajmet

Komuna e Prishtinës zgjat orarin e punës për disa shërbime komunale

Published

on

By

Për shkak të fluksit të shtuar të qytetarëve gjatë sezonit veror dhe numrit të madh të bashkatdhetarëve nga diaspora, Komuna e Prishtinës ka vendosur të zgjasë orarin e punës për disa shërbime komunale.

Sipas njoftimit zyrtar, duke filluar nga data 8 korrik 2025, disa sportele do të funksionojnë me orar të zgjatur, nga e hëna deri të premten, prej orës 08:00 deri në 17:00.

Sportelet që do të punojnë me këtë orar të zgjatur janë: Komuna e vjetër: qendra për shërbime me qytetarë, gjendja civile, Komuna e re: qendra për shërbime me qytetarë, gjendja civile, bashkësia lokale – Lagjja e Muhaxherëve”, thuhet në njoftim.

Ky vendim thuhet se synon të përmbushë kërkesat e qytetarëve për dokumente dhe shërbime administrative, siç theksohet, duke ofruar kohë shtesë për të gjithë ata që kanë nevojë për t’i kryer punët e tyre gjatë kësaj periudhe.

Continue Reading

Të kërkuara