Drejtori i Përgjithshëm i Administratës Tatimore të Kosovës Ilir Murtezaj është duke marr pjesë në Samitin Regjional të Financave, Guvernatorëve të Bankave Qendrore dhe Drejtorëve të Administratave Tatimore  në Beçiç i cili po mbahet me datat 14 dhe 15 Qershor, ku tema e radhës këtë vit është  “Stabiliteti financiar dhe monetar i rajonit në kushtet e rritjes së dobët ekonomike në eurozonë”.

Në këtë samit është duke u diskutuar lidhur me Reformat dhe modernizimin e administratave tatimore, si dhe ruajtja e stabilitetit të qmimeve dhe sisitemit bankar në kohë të paqëndrueshme.

Pjesëmarrës në këtë Samit janë vende të ndryshme të rajonit, si: Kosova, Mali i Zi, Shqipëria, Kroacia, Bosnja dhe Hercegovina, Serbia dhe Maqedonia, të cilat kanë pasur mundësin e diskutimit dhe prezantimin e përvojave të tyre me shtetet e tjera.

Drejtori Murtezaj ka prezantuar reformat e bëra në Administratën Tatimore të Kosovës, si dhe të arriturat tjera në funksion të përmbushjes tatimore. Ndër tjera, drejtori i ATK-së ka folur edhe për sistemin tatimor të Kosovës, i cili vlerësohet lartë nga organizatat ndërkombëtare, me norma të ulëta tatimore, si shtet me politika fiskale të orientuara drejt nxitjes së investimeve dhe prodhimit të brendshëm dhe gjithashtu krijimit të një ambienti të favorshëm për investimet e huaja.

Po ashtu, gjatë këtij prezantimi z. Murtezaj foli edhe për rezultatet e ATK-së në inkasimin e të hyrave, të cilat siç theksoi ai kanë tejkaluar pritshmërit e planifikuara. Ai tha se i gjithë ky progres është fal rritjes së llogaridhënies, digjitalizimit të shërbimeve, automatizimit të proceseve të punës, si dhe rritjes së formalizimit.

Ky samit është një mundësi e mirë për shkëmbimin e përvojave, si dhe krijimin e një dialogu për luftimin e dukurive negative në përmbushjen tatimore.

Nëntë kandidatë kanë aplikuar në konkursin për ekspertë të Komisionit Hetimor për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024.

Në mbledhjen e sotme të këtij komisioni u diskutua rreth angazhimit të ekspertëve, për çka u tha se duhet të ketë ekspertë të ekonomisë, auditimit dhe juridikut.

Kryetari i Komisionit Hetimor, Shemsedin Dreshaj ka njoftuar deputetët për konkursin që ka qenë i hapur në ueb-faqen e kuvendit.

“Ju e dini që e kemi pasur në ueb-faqen e kuvendit të hapur si konkurs i brendshëm aplikimin e kandidatëve të interesuar për ekspertë. Ne i kemi marrë një listë të tyre pasi ka përfunduar afati i aplikimit. Gjithsejtë i kemi nëntë aplikime”, u shpreh ai.

Deputeti i Lëvizjes Vetëvendosje, Armend Muja tha se duhet të formohet një grup për të shqyrtuar këto aplikime.

“Unë e mora materialin pardje por ishte vetëm në versionin e shkurtër sepse në email tha që versioni më i gjatë do të jetë fizik sot. Unë e kam parë një pjesë të CV-ve, por jo të gjitha kualifikimet e tyre. Sipas rregullit në të kaluarën, ne e kemi bërë një grup më të ngushtë prej dy-tri vetave që i kanë parë këto dhe pastaj i kanë propozuar komisionit për votim”, tha Muja.

Ndërkaq, deputeti i Partisë Demokratike të Kosovës, Bekim Haxhiu propozoi që ekspertët të jenë të fushave të ndryshme për të ofruar ekspertizë në këtë proces të hetimit.

Duke ironizuar, Haxhiu se për aspekte të filozofisë duhet të thirret kryetari i Kuvendit, Glauk Konjufca.

“Në bazë të nevojave që i kemi në fushën e sferave të ekonomisë ta kemi një ekspert, në fushën e sferave të juridikut apo legjislacionit të kemi një ekspert dhe nga ana e auditimit ta kemi një ekspert. Prej tre ekspertëve që i kërkojmë që të kemi një gjithëpërfshirje dhe gjithsecili në aspektin e tij të ofrojë një ekspertizë për neve. Nëse janë më shumë se dy-tre të së njëjtës fushë e vendosim pastaj ne se cili është me eksperiencën më të mirë për ta angazhuar në komision. Në kandidaturë po e shoh që ka edhe të fushës së filozofisë dhe mendoj që ndoshta mund të na hyjë edhe në punë por për aspekte të filozofisë e kemi kryetarin e kuvendit dhe nëse na duhet e marrim kryetarin e kuvendit për çështje të filozofisë”,u shpreh ai.

E kryetari i këtij komisioni hetimor, Shemsedin Dreshaj ka njoftuar se një pjesë e Drejtorive Komunale të Arsimit i kanë dërguar dokumentacionet.

“Dua të ju informoj që një pjesë e DKA-ve i kanë dërguar dokumentacionet, një pjesë kanë kërkuar afat shtesë. Unë mendoj që sa më shumë dokumente që të marrim është aq më mirë për neve. Një pjesë kanë pasur vërejtje në raport që dokumentacionin nuk kanë arritur ta dërgojnë në mënyrë elektronike”, përfundoi Dreshaj.

Në mbledhjen e këtij komisioni u vendos që të premten të përcaktohen tre ekspertë dhe të aprovohen listat e subjekteve për intervistim. Anëtarët e këtij komisioni do të mblidhen sërish të martën në orën 13:00

Presidenti rus, Vladimir Putin ka paraqitur ato që ai tha se ishin parakushtet e Rusisë për fillimin e bisedimeve të paqes me Ukrainën.

Ai tha se Rusia do të ishte gati për bisedime të tilla “nesër” nëse trupat ukrainase tërhiqen nga rajonet Zaporizhzhia, Kherson, Donetsk dhe Luhansk dhe nëse Ukraina heq dorë nga planet e saj për t’u bashkuar me NATO-n.

Nëse Ukraina do të pranonte këto kushte, ai tha se Rusia do të pushonte zjarrin dhe do të fillonte negociatat.

“Kushtet janë shumë të thjeshta”, tha ai.

“Sapo Kievi të thotë se janë gati për një vendim të tillë dhe të fillojnë tërheqjen reale të forcave nga këto rajone dhe të deklarojnë zyrtarisht refuzimin e planeve për t’u anëtarësuar në NATO, nga ana jonë, menjëherë, fjalë për fjalë në të njëjtën minutë, do të vijë një urdhër për të ndalur zjarrin dhe për të filluar negociatat”, tha ai.

“Ne do ta bëjmë atë menjëherë. Natyrisht, ne do të garantojmë tërheqjen e pandërprerë dhe të sigurt të forcave ukrainase”, shtoi presidenti rus.

Duhet të theksohet se presidenti ukrainas, Volodymyr Zelenskyy është zotuar të çlirojë të gjitha rajonet e pushtuara nga kontrolli rus – dhe vetë tha se të gjitha forcat ruse duhet të largohen nga Ukraina si kusht për çdo marrëveshje paqeje.

Putin ka thënë gjithashtu se avancimi i ushtrisë së tij drejt kryeqytetit ukrainas Kiev në vitin 2022 kishte për qëllim të detyronte Ukrainën të pajtohej me një marrëveshje paqeje.

Ai pretendoi se nuk kishte asnjë qëllim për të sulmuar Kievin.

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti sot në takim përfaqësues të Këshillit Koordinues të Asociacioneve Familjare të të Zhdukurve të Kosovës.

Në takim, u përshëndet miratimi i rezolutës në muajin maj në Asamblenë e Përgjithshme të Kombeve të Bashkuara për njohjen e gjenocidit serb në Srebrenicë dhe shënimin e 11 korrikut si “Ditë Ndërkombëtare e Përkujtimit të Viktimave të Gjenocidit të Srebrenicës”, e cila dënon mohimin e gjenocidit dhe glorifikimin e kriminelëve të luftës.

“Republika e Kosovës vijon në përpjekjet e saj të pareshtura institucionale në këtë drejtim, por i cili fatkeqësisht përballet me mosgatishmëri, mohim dhe hezitim nga autoritetet serbe për zbardhjen e tyre. Serbia, tashmë e njohur ndërkombëtarisht si shtet gjenocidal, duhet të përballet me të kaluarën dhe të mbahet përgjegjëse për gjenocidin në Kosovë”, theksohet në njoftimin e zyrës së zëvendëskryeministrit Bislimi.

Pjesëmarrës në këtë takim ishte dhe drejtuesi i Komisionit Qeveritar për Persona të Zhdukur, Andin Hoti si dhe Kushtrim Gara.