Lajmet

BE-ja ofron ndihmë për Libinë e goditur nga përmbytjet

BE është e gatshme të ndihmojë ata që janë prekur nga kjo fatkeqësi.

Published

on

Bashkimi Evropian ofroi ndihmë të martën për Libinë, ku përmbytjet katastrofike pas stuhisë Daniel kanë vrarë të paktën 5 mijë e 300 njerëz.

“Imazhe rrëqethëse nga Libia pas vdekjeve dhe shkatërrimeve të shkaktuara nga përmbytjet, veçanërisht në lindje të vendit”, shkroi presidenti i Këshillit, Evropian Charles Michel në X dhe shprehu “ngushëllimet më të sinqerta” të BE-së për popullin libian dhe familjet e viktimave.

“BE është e gatshme të ndihmojë ata që janë prekur nga kjo fatkeqësi”, shtoi ai.

Udhëheqësit e Francës dhe Italisë, Emmanuel Macron dhe Giorgia Meloni, shprehën gjithashtu solidaritet me libianët, duke thënë se ata mobilizuan burime për të ndihmuar njerëzit në vendin e Afrikës së Veriut, shkruan AA, transmeton KosovaPress.

Ministri i Jashtëm italian Antonio Tajani tha se qeveria e tij “po ndiqte me kujdes pasojat e përmbytjeve në Libi”, duke shtuar se Italia ishte në kontakt me autoritetet libiane.

Asnjë italian nuk ishte prekur deri më tani, shtoi ai.

Ministri italian i Mbrojtjes, Guido Crosetto tha se Roma i ofroi ndihmë të menjëhershme Libisë, si dhe Marokut të goditur nga tërmeti.

Ministri i Jashtëm spanjoll, Jose Manuel Albares shprehu gjithashtu solidaritet me popullin libian.

“Shkatërrimi që shohim na kujton rëndësinë e luftimit të krizës klimatike për të shpëtuar jetë”, tha ai.

Ndërkohë, ministri i Jashtëm lituanez, Gabrielius Landsbergis shkroi në X se “Lituania, së bashku me partnerët ndërkombëtarë, është e gatshme të ndihmojë Libinë në përpjekjet e rimëkëmbjes”.

Një tjetër ofertë ndihme erdhi nga Polonia, me Ministrinë e Jashtme të vendit duke thënë se Varshava është “thellësisht e shqetësuar” nga shkalla dhe pasojat tragjike të përmbytjeve.

“Polonia është e gatshme të ofrojë ndihmën e nevojshme humanitare”, thanë nga ministria.

Ministrja e Jashtme finlandeze Elina Valtonen dhe Ministria e Jashtme e Letonisë shprehën gjithashtu dhimbjen dhe shprehën ngushëllime popullit të Libisë.

Shirat e rrëmbyeshëm nga cikloni i fuqishëm përfshinë disa zona të Libisë lindore të dielën, veçanërisht qytetet Bengazi, Al Bayda dhe Al-Marj, si dhe Soussa dhe Derna.

Abdul Hamid Dbeibeh, kreu i qeverisë së unitetit të Libisë me bazë në Tripoli, i shpalli të gjitha zonat të ekspozuara ndaj stuhisë dhe përmbytjeve zona të fatkeqësisë.

Autoritetet shpallën gjendjen e jashtëzakonshme, e cila përfshinte pezullimin e orëve të mësimit në të gjitha institucionet arsimore publike dhe private dhe mbylljen e dyqaneve dhe bëri thirrje për mbështetje ndërkombëtare.

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara