Aktualitet

BE-ja dhuron 8 kamionë për mbledhjen e mbeturinave në veri të Mitrovicës

Published

5 years ago

June 7, 2021

Betim Gashi

Bashkimi Evropian i ka dhuruar veriut të Mitrovicës 8 kamionë për mbledhjen e mbeturinave. Ky donacion kap vlerën e700 mijë eurove e që është pjesë e projektit për menaxhimin e mbeturinave që financohet nga BE.

Në ceremoninë e dorëzimit të tetë kamionëve për mbledhjen e mbeturinave, kompanisë NP “Standard”në veri të Mitrovicës, mori pjesë edhe përfaqësuesi special i BE-së në Kosovë, Tomas Szunyog.

Me këtë rast Szunyog, tha se BE-ja ka ndërmarr obligim serioz në zgjidhjen e kërcënimeve ekologjike dhe degradimit të marrëveshjes së gjelbër e cila i takon agjendës së gjelbër të rajonit të Ballkanit perëndimor.

Ambasadori i BE-së potencoi bashkëpunimin e ngushtë në mes të Zyrës së BE-së në Kosovë dhe komunave veriore të Kosovës, me qëllim të identifikimit të problemeve të shumta dhe ndër vite sa i përket çështjes së mbeturinave.

Ai përveç donacionit të kamionëve, përmendi edhe ndërtimin e deponive, pastaj numrin e konsiderueshëm të kontejnerëve dhe të ngjashme, si mbështetje të BE-së ndaj këtyre komunave veriore.

“Kemi pasur bashkëpunim të ngushtë me komunat veriore në mënyrë që të identifikojmë dhe zgjidhim disa probleme që ekzistojnë ndër vite. Sa i përket mbeturinave dhe besoj se angazhimet tona tani kanë filluar të tregojnë rezultate. […] Angazhimi ynë kryesor ka qenë ndërtimi i deponisë së re në ‘Savina stena’ të komunës së Zveçanit. Ky projekt ka disa vonesa të caktuara, por synojmë që ta hapim shumë shpejtë[…]Kemi kryer poashtu dërgesën e mbi 880 kontejnerëve për mbeturina dhe do të financojmë vendet e reja për mbledhjen e mbeturinave”, ka thënë Szunyog.

Ndërkaq, zëvendëskryeministri i Kosovës, Goran Rakiq, u shpreh i bindur se ky donacion është vetëm fillimi dhe se muajt në vazhdim pret mbështetjen e BE-së edhe në fusha tjera.

“Para katër vitesh kemi filluar një bashkëpunim, rezultati i të cilit sot është I dukshëm. Pikërisht këtu prapa nesh kemi tetë kamionë të ri për mbledhjen e mbeturinave dhe kjo nuk është e tëra. Shpresoj se javët ose muajt në vijim do të hapim deponinë regjionale e cila përgjithmonë, respektivisht për dekada të tëra do ta zgjidhë problemin e trajtimit të mbeturinave në veri”, theksoi Rakiq.

Up Next

Kurti: Çështja e të pagjeturve është një plagë e hapur dhe ende e pashëruar

Don't Miss

Rama lajmërohet nga Hungaria: Po bashkëpunojmë për integrimin evropian të Shqipërisë

Vendi

Kosova dhe Turqia nënshkruajnë marrëveshje për bashkëpunim financiar ushtarak

Published

12 hours ago

May 5, 2026

UBTNews

Ministri i Mbrojtjes, Ejup Maqedonci, ka njoftuar se është nënshkruar Marrëveshja e Bashkëpunimit Financiar Ushtarak ndërmjet Qeverisë së Kosovës dhe Qeverisë së Turqisë.

Marrëveshja është nënshkruar në bashkëpunim me Ministrin e Mbrojtjes Kombëtare të Turqisë, Yaşar Güler, dhe synon forcimin e kapaciteteve ushtarake dhe bashkëpunimit strategjik mes dy vendeve.

Sipas njoftimit, në kuadër të kësaj marrëveshjeje, Turqia do ta mbështesë Kosovën me 200 milionë lira turke, të destinuara për zhvillimin dhe avancimin e Forca e Sigurisë së Kosovës, si në aspektin institucional ashtu edhe profesional.

Ministri Maqedonci e ka cilësuar këtë marrëveshje si dëshmi të partneritetit të fortë ndërmjet dy shteteve.

“Marrëveshja përfaqëson një dëshmi të qartë të partneritetit tonë strategjik dhe të gatishmërisë së përbashkët për ta forcuar më tej bashkëpunimin në mënyrë konkrete dhe afatgjate”, ka deklaruar ai.

Ai shtoi se mbështetja financiare nga Turqia reflekton nivelin e lartë të marrëdhënieve dypalëshe dhe përkushtimin e përbashkët për paqe dhe stabilitet në rajon.

Live

A mund ta ndalojë ligji amerikan Trumpin nga tërheqja e trupave nga Evropa?

Published

16 hours ago

May 5, 2026

UBTNews

Plani i administratës së presidentit Donald Trump për tërheqjen e një pjese të trupave amerikane nga Evropa ka rikthyer në qendër të vëmendjes debatet mbi kufizimet ligjore dhe pasojat në sigurinë rajonale. Sipas të dhënave të fundit nga Pentagoni, Shtetet e Bashkuara pritet të tërheqin rreth 5 mijë trupa nga Gjermania, vend ku aktualisht janë të dislokuar rreth 36 mijë ushtarë.

Kjo lëvizje përbën rreth 14 për qind të forcave në këtë vend dhe prek drejtpërdrejt një brigadë luftarake si dhe një njësi të artilerisë me rreze të gjatë, të cilat fillimisht ishin planifikuar të vendoseshin gjatë administratës së Joe Bidenit.

Zëdhënësi i Pentagonit, Sean Parnell, ka sqaruar se ky vendim është rezultat i një rishikimi të thellë strategjik që reflekton nevojat aktuale në terren, ndërkohë që prania totale amerikane në Evropë mbetet mes 80 mijë dhe 100 mijë trupave, duke shërbyer si shtylla kurrizore e strukturës së NATO-s.

Megjithatë, zbatimi i këtij plani ndeshet me barriera ligjore të rëndësishme të vendosura nga Ligji për Autorizimin e Mbrojtjes Kombëtare (NDAA) për vitin 2026.

Ky ligj specifikon se Pentagoni nuk mund ta ulë numrin e trupave në Evropë nën nivelin prej 76 mijë ushtarësh për më shumë se 45 ditë pa përmbushur një sërë kushtesh strikte. Këto kushte përfshijnë detyrimin për të vërtetuar se masa është në interes të sigurisë kombëtare, kryerjen e konsultimeve me aleatët e NATO-s dhe raportimin e detajuar përpara Kongresit.

Ndonëse këto dispozita nuk e ndalojnë dot përfundimisht vullnetin e presidentit, ato e shndërrojnë tërheqjen në një proces tejet kompleks, të kushtueshëm dhe të ngadaltë. Për më tepër, ekspertët vlerësojnë se një zhvendosje e tillë mund të dëmtojë gatishmërinë ushtarake, pasi forcat në Gjermani janë të integruara thellë në strukturat globale të komandës. Nga ana tjetër, reagimi nga Berlini ka qenë i matur; ministri i Mbrojtjes Boris Pistorius e quajti vendimin të pritshëm, ndërsa kancelari Friedrich Merz theksoi se riorganizime të tilla janë pjesë e zakonshme e strategjisë globale amerikane.

Vendi

Interesim rekord për regjistrimet e hershme në UBT – 10 programe me bursë 20 për qind për tri vite studimi

Published

16 hours ago

May 5, 2026

UBTNews

Interesim i jashtëzakonshëm i të rinjve në mbarë vendin dhe rajonin për regjistrimet e hershme në UBT, për programet më inovative, mundësitë unike akademike dhe orientimin profesional drejt profesioneve të së ardhmes.

Mijëra maturantë kanë shprehur interesimin për t’u bërë pjesë institucionit lider dhe inovativ në rajon, ndërsa kërkesa për regjistrime të hershme po vazhdon të rritet.

Në një angazhim të drejtpërdrejtë me të rinjtë, Qendra e Karrierës e UBT-së po vazhdon vizitat informuese në të gjitha shkollat e mesme të Kosovës dhe të rajonit, duke sjellë nga afër mundësitë e studimit, orientimin profesional dhe informacionin mbi tregun e punës.

Si një nga nismat më të fuqishme për mbështetjen e studentëve të rinj, UBT po ofron 20 për qind bursë për 10 programe studimi për tri vite, duke krijuar mundësi reale për zhvillim akademik dhe profesional:

Arti dhe Mediat Digjitale
Gjuhë Angleze
Inxhinieri e Energjisë
Inxhinieri e Ndërtimit dhe Infrastrukturë
Media dhe Komunikim
Menaxhimi i Patundshmërive dhe Infrastrukturës
Shkenca Politike
Shëndeti Publik dhe Shkencat Mjekësore
Shkencat e Ushqimit dhe Bioteknologji
Turizëm

Këto programe përfaqësojnë disa nga fushat më të kërkuara dhe më strategjike të kohës, duke i pajisur studentët me njohuri të avancuara dhe aftësi praktike që i përgjigjen drejtpërdrejt kërkesave të tregut global.

Programe të tjera studimi në UBT paraqesin zgjidhjen ideale për të gjithë të rinjtë që synojnë arsim cilësor, specializim profesional dhe mundësi të gjera zhvillimi në fusha të ndryshme të së ardhmes.

Vendet janë të limituara, andaj nxitoni të siguroni të ardhmen përmes regjistrimit të hershëm në UBT.

APLIKO TANI ONLINE!

Lajmet

Maqedonci në SAHA EXPO 2026: Kosova synon thellimin e bashkëpunimit strategjik në mbrojtje

Published

16 hours ago

May 5, 2026

UBTNews

Ministri i Mbrojtjes i Republikës së Kosovës, Ejup Maqedonci, po merr pjesë në ceremoninë hapëse të “SAHA EXPO 2026”, një prej platformave më të mëdha ndërkombëtare për industrinë e mbrojtjes dhe teknologjisë.

Pjesëmarrja e ministrit Maqedonci erdhi pas një ftese personale nga Haluk Bayraktar, çka sipas ministrit, dëshmon rritjen e besimit dhe forcimin e marrëdhënieve në sektorin e sigurisë. Gjatë këtij panairi, Maqedonci pritet të zhvillojë takime me zyrtarë të lartë institucionalë dhe drejtues të kompanive lider në teknologjinë ushtarake.

Në njoftimin e tij, Ministri Maqedonci theksoi se ky angazhim është në funksion të rritjes së kapaciteteve të Kosovës përmes partneriteteve globale.

“Pjesëmarrja ime në ceremoninë hapëse të këtij panairi thekson rëndësinë e angazhimit tonë në thellimin e bashkëpunimit bilateral dhe multilateral me partnerët ndërkombëtarë. Kjo ftesë përfaqëson një vlerësim të ndërsjellë dhe një dëshmi të marrëdhënieve në rritje në sektorin e mbrojtjes”, njofton Maqedonci.

Më tej, ai shtoi se fokusi kryesor do të jetë identifikimi i mundësive konkrete për partneritete që adresojnë sfidat e sotme të sigurisë.

“SAHA EXPO 2026 mbetet një platformë kyçe për avancimin e bashkëpunimit strategjik dhe adresimin e sfidave të përbashkëta të sigurisë,” deklaroi ministri Maqedonci.

Ky panair mbledh qindra ekspozues nga mbarë bota, duke ofruar një dritare të rëndësishme për Kosovën që të njihet me inovacionet më të fundit në fushën e mbrojtjes.