Teknologji

BE detyron Apple të përdorë karikues të njëjtë me telefona tjerë

Ky vendim nuk është mirëpritur nga kompania Apple.

Published

on

BE-ja ka vendosur që të gjithë telefonat inteligjentë të përdorin një port USB-C për karikim, një vendim që nuk është mirëpritur nga kompania Apple, iPhone i së cilës është i vetmi telefon i mençur përdor portin ‘Lightning’.

Marrëveshja e BE-së do të zbatohet nga vjeshta e vitit 2024, për të gjithë telefonat inteligjentë të shitur në bllok.

BE tha se ndryshimi i rregullit synon të reduktojë telashet për konsumatorët si dhe mbetjet elektronike, pasi do t’u mundësojë konsumatorëve të përdorin karikues më të vjetër për pajisjet e reja.

Rregullat do të zbatohen për të gjitha pajisjet elektronike të vogla dhe të mesme, të cilat do të përfshijnë telefonat celularë, tabletë, kamera, tastiera, altoparlantë dhe kufje.

Vendimi ende nuk është miratuar nga Parlamenti Evropian dhe Këshilli Evropian, por pritet të jetë një formalitet./prive.al

Teknologji

Netflix nis ndërtimin e një mega-studioje prej 903 milionë dollarësh në New Jersey

Published

on

Netflix ka marrë miratimin për të zhvilluar një kompleks të avancuar prodhimi në New Jersey, me një investim fillestar prej 903 milionë dollarësh, duke transformuar ish-bazën ushtarake Fort Monmouth në një qendër të madhe për industrinë e filmit dhe televizionit.

Faza e parë e projektit përfshin ndërtimin e katër studiove të mëdha filmike, të shtrira në sipërfaqe prej 29 hektarësh mes zonave Oceanport dhe Eatontown.

Këto ambiente do të jenë të pajisura me kushte moderne për aktorët dhe ekipet e xhirimit, të mbrojtura brenda një kampusi të sigurt dhe të mbyllur.

Netflix planifikon të investojë edhe 848 milionë dollarë shtesë për të zgjeruar projektin, duke përfshirë hapësira zyrash, shërbime për prodhimin, një pistë helikopterësh si dhe atraksione për vizitorët. Projekti mbështetet nga stimuj fiskalë të shtetit dhe përfshin një angazhim për të operuar në këtë vend për të paktën 10 vitet e ardhshme. Punimet për ndërtimin e kompleksit kanë nisur në muajin maj dhe pritet të përfundojnë brenda vitit 2028.

Ky është një hap strategjik i Netflix drejt zgjerimit të infrastrukturës së tij në SHBA, dhe përforcon pozitën e New Jersey-t si një qendër në rritje për prodhimet kinematografike dhe televizive.

Continue Reading

Teknologji

“Google” vjen me ndryshime në komunikim

Published

on

Teknologjia po e afron botën më shumë se kurrë më parë. “Google” ka prezantuar për publikun një përkthyes inteligjent artificial në kohë reale, që nuk është si çdo përkthyes tjetër që kemi parë deri më tani.

Ky sistem i avancuar përdor rrjete nervore artificiale për të përkthyer automatikisht fjalët e folësit në një gjuhë tjetër, duke ruajtur zërin e tij origjinal, intonacionin dhe madje edhe emocionet.

Me këtë zhvillim, bisedat mes njerëzve nga kultura dhe vende të ndryshme bëhen më natyrale, më njerëzore dhe më të thella. Nuk ka më pengesa gjuhësore – çdo njeri mund të kuptojë tjetrin, sikur të flisnin të njëjtën gjuhë.

Sipas “Google”-t, kjo teknologji hap rrugë të reja në arsim, biznes, turizëm dhe bashkëpunim ndërkombëtar, duke ndihmuar në ndërtimin e një bote më të lidhur dhe më të integruar.

Kompania thekson se kjo risi mund të ndryshojë mënyrën se si komunikojmë në mënyrë të përhershme duke hequr jo vetëm barrierat gjuhësore, por edhe ato emocionale.

 

Continue Reading

Automobilizëm elektrikë

Jeep prezanton një koncept të ri

Published

on

Panairi Overland Expo West filloi dje Jeep e shfrytëzoi këtë ngjarje për të zbuluar një koncept mbi koncept – tendën e çatisë Jeep Performance Parts.

I montuar në çatinë e konceptit Wrangler 4xe Sunchaser, koncepti i tendës dhe çatisë i krijua në bashkëpunim me Dometic dhe reklamohet si shoqëruesi ideal për kamping. Siç shpjegoi Jeep, popullariteti i tendave të çatisë ka shpërthyer, por shumë prej tyre janë të rënda dhe kanë aerodinamikë të dobët.

ARTT i zgjidh këto probleme duke përdorur një guaskë të lehtë karboni që ka një dizajn të optimizuar aerodinamikisht. Kjo nuk është e vetmja risi e zgjuar, pasi tenda është montuar direkt në çatinë e Wrangler, duke eliminuar nevojën për rafte të rëndë çatie.

Pasi të mbërrini në vendin e kampingut, përgatitja duhet të jetë shumë e lehtë falë “teknologjisë AIR Frame Inflation të Dometic dhe një tendë të integruar që tërhiqet 270 gradë”. Pasi të jetë vendosur tenda, përdoruesit do të gjejnë dhoma gjumi të bollshme që janë mjaftueshëm të mëdha për të akomoduar një dyshek me madhësi ‘queen’ (afërsisht 152 x 203 cm).

Ndoshta një nga karakteristikat më interesante është mundësia për të hyrë në tendë nga brenda automjetit falë segmenteve të lëvizshme të çatisë “Freedom Panels” të Wrangler. Për hyrje dhe dalje më të lehtë, ka një shkallë prej karboni që mund të vendoset mbi konsolën qendrore.

Sa i përket konceptit Wrangler 4xe Sunchaser, ai debutoi në fillim të këtij viti. Ai paraqet një pamje të jashtme unike me zgjerime të parakolpave të ventiluara, pragje anësore dhe kuti anësore për ruajtje që të kujtojnë ato që gjenden në Land Rover Defender.

Ato shoqërohen nga një vinç Warn, një mbrojtëse unike e përparme dhe një interier prej lëkure të personalizuar me detaje të zeza me shkëlqim.

Për të plotësuar karakteristikat më të rëndësishme, do të shtojmë gjithashtu se automjeti është ngritur me rreth 51 mm dhe se ka goma për të gjitha terrenet BFGoodrich KM3 prej 37 inç (rreth 94 cm).

 

Continue Reading

Teknologji

Xiaomi sfidon Teslan, gati për të prezantuar makinën elektrike luksoze YU7

Published

on

Gjiganti kinez i teknologjisë, Xiaomi, më 23 maj do të prezantojë modelin e shumëpritur YU7, një SUV elektrik që analistët e cilësojnë si një sfidues serioz ndaj Tesla Model Y.

Sipas Reuters, CEO dhe themeluesi i kompanisë, Lei Jun, ka konfirmuar se YU7 do të prezantohet krahas edhe produkteve të tjera të reja, përfshirë smartfonin e ri Xiaomi 15S Pro dhe çipin mobil të zhvilluar vetë nga Xiaomi, Xring O1.

Sa i përket makinës luksoze, bëhet e ditur se YU7 – pasardhës i sedanit SU7 që u lançua vitin e kaluar – vjen si një tentativë për të rritur praninë e Xiaomit në tregun e automjeteve elektrike luksoze.

SU7 ka pasur sukses komercial, duke tejkaluar në shitje edhe Tesla Model 3 që nga dhjetori, megjithatë pas një aksidenti fatal në mars, porositë kishin pësuar ulje. Raportohet se modeli i ri YU7 synon të rikthejë momentumin e markës dhe të rivalizojë drejtpërdrejt Model Y, makinën më të shitur të Tesla-s.

Në sektorin e teknologjisë mobile, Xiaomi ka rindezur ambiciet për zhvillimin e çipave, duke nisur me Xring O1 rezultat i një investimi prej 1.87 miliardë dollarësh. Bëhet e ditur se Xiaomi do investojë edhe miliarda tjera në zhvillimin e çipave për të krijuar ekosistem të integruar, duke rivalizuar markat si Apple dhe Huawei.

E me lançimi e YU7 dhe Xring O1, Xiaomi po sinjalizon se nuk e sheh më veten vetëm si një prodhues telefonash, por edhe si një aktor i fuqishëm në industrinë globale të teknologjisë dhe automjeteve.

Continue Reading

Të kërkuara