

Kulturë
BBC ndalon transmetimin e intervistës së princeshës Diana
Drejtori i përgjithshëm i BBC-së u kërkoi transmetuesve të tjerë të ndjekin shembullin.
Published
3 years agoon
By
UBT newsDrejtori i përgjithshëm i BBC-së, Tim Davie, ka deklaruar se nuk do të transmetojë më në rrjet intervistën “Panorama” të Princeshë Dianës dhe u kërkoi transmetuesve të tjerë të ndjekin shembullin.
Diana u intervistua nga gazetari Martin Bashir 27 vite më parë për programin “Panorama” të rrjetit. Një hetim i pavarur i kryer nga Lord Dyson zbuloi se televizioni “nuk i përmbushi standardet e larta të integritetit dhe transparencës, të cilat janë shenjë dalluese e tij”. Raporti zbuloi gjithashtu se Bashir përdori “sjellje mashtruese” për të arritur kontakt me Dianën, përfshirë falsifikimin e dokumenteve.
“Tani që ne e dimë për mënyrën tronditëse të marrjes së intervistës, kam vendosur që BBC nuk do ta shfaqë më kurrë programin; as nuk do ta licencojmë atë tërësisht ose pjesërisht për transmetuesit e tjerë”, filloi deklarata.
“Kjo sigurisht që mbetet pjesë e të dhënave historike dhe mund të ketë raste në të ardhmen kur do të justifikohet që BBC të përdorë fragmente të shkurtra për qëllime gazetareske. Unë do t’u bëj thirrje të tjerëve të bëjnë të njëjtën gjë”, përfundoi Davie.
Të enjten, drejtori i kërkoi falje publike Princit Charles dhe djemve të tij, Princit William dhe Princit Harry.
Deklarata e tij vjen pasi ish-dadoja e William, Alexandra Pettifer, e njohur më parë si Tiggy Legge-Bourke, mori kompensim për akuzat “e rreme dhe dashakeqe” se ajo kishte një lidhje me Charles në 1995.
“Pas publikimit të Raportit Dyson vitin e kaluar, ne kemi punuar me ata që vuajtën si rezultat i taktikave mashtruese të përdorura nga BBC për intervistën e saj me Dianën, Princeshën e Uellsit për programin “Panorama” në 1995”, thuhet në deklaratë.
“BBC ka pranuar t’i paguajë dëme të konsiderueshme zonjës Pettifer dhe do të doja të përfitoja nga ky rast për t’i kërkuar falje publike asaj, Princit të Uellsit [Charles] dhe Dukës së Kembrixhit [William] dhe Sussex [Harry] , për mënyrën se si u mashtrua princesha Diana dhe ndikimi i mëvonshëm në të gjithë jetën e tyre” ndau Davie.
Transmetuesi më parë ktheu çmimin BAFTA që fitoi për intervistën, e cila mblodhi 23 milionë shikime në nëntor 1995./Lapsi.al
Kulturë
Festivali i parë Mesdhetar i Filmit, aktorë e regjisorë nga bota “zbresin” në Tiranë
Published
8 hours agoon
May 2, 2025By
UBTnews
Tirana, ka hapur dyert për edicionin e parë të Festivalit Mesdhetar të Filmit (TMFF), një ngjarje kulturore që ka bashkuar filma, aktorë, regjisorë dhe producentë nga e gjithë bota, për të ndarë me publikun shqiptar disa nga historitë më emocionuese dhe reflektuese të Mesdheut.
Nga një total prej 3030 filmash të aplikuar, festivali ka përzgjedhur prodhime që trajtojnë tema të thella dhe aktuale si emigracioni, pabarazitë sociale dhe marrëdhëniet mes qytetarëve dhe shtetit.
Këto filma prekin tema universale që flasin për përpjekjet njerëzore për një të ardhme më të drejtë dhe më të mirë, duke sjellë në ekran histori që ngjallin ndjenja dhe ndihmojnë për të kuptuar më mirë sfidat e kohës.
“Me një grup djemsh dhe vajzash të reja jemi munduar që në këtë festival të sjellim artistë, aktorë, regjisorë e producentë shumë të mirë nga Mesdheu. Në vitin 2025, Tirana është shpallur kryqyteti mesdhetar i artit dhe kulturës. Në këtë epokë të re, Tirana merr rolin kryesor të kryeqytetit të filmit mesdhetar. Le të jetë ky festival pikëtakimi i ideve, projekteve, ëndrrave”., – thotë Ledion Zoi drejtor i festivalit.
Festivali, do të vijojë deri më 4 maj, duke ofruar një program të pasur me shfaqje filmash, por edhe me Workshop-e dhe diskutime të vlefshme me profesionistë të njohur të industrisë së filmit.
I ftuar nderi i këtij edicioni është aktori i mirënjohur Arben Bajraktari, ndërsa juria e kryesuar nga regjisori dhe producenti Eno Milkani do të vlerësojë artistët pjesëmarrës me pesë çmime.
Magazinë
Sunny Hill 2025: Dita e fundit për biletat “Believers”- fillon zbulimi i emrave të artistëve që do të performojnë sivjet
Published
9 hours agoon
May 2, 2025
Biletat më të lira të festivalit Sunny Hill mbyllen sot. Menjëherë pas kësaj, do të filloj zbulimi i emrave të artistëve më të mëdhenj të muzikës botërore që do të jenë pjesë e këtij edicioni.
Ka ardhur momenti i fundit për të siguruar biletat “Believer” për Sunny Hill Festival 2025! Vetëm deri në ora 20:00 do të keni mundësinë për të blerë biletën me çmimin me të lirë ndonjëherë, e që u siguron mundësinë për të qenë pjese e festivalit me të madh të muzikës në rajon.
Pas mbylljes së biletave “Believer”, nis zbulimi i emrave të parë të artistëve të mëdhenj ndërkombëtarë që do të ndezin skenat e këtij edicioni spektakolar.
Këtë vit, Sunny Hill Festival po premton një listë artistësh që do ta bëjnë këtë edicion absolutisht të paharrueshëm dhe atraktiv për adhuruesit e muzikës nga gjitha vendet e Evropës. Këtë vit, numri i njerëzve që do të marrin pjesë në Sunny Hill Festival nga vendet e ndryshme të botës pritet të rritet edhe më tej. Vitin e kaluar, Sunny Hill Festival ka shërbyer mbi 100,000 njerëz në gjithë edicionin e festivalit.
Sunny Hill Festival mbahet nga 1 deri më 3 gusht në Bërnicë dhe pritet të ofrojë një atmosferë elektrizuese, performanca të paharrueshme, dhe një miks të fuqishëm të ikonave globale me talentet më të mirë të skenës vendore.
Linku për biletat “Believer” para skadimit të tyre sonte prej orës 20:00, është në këtë link.
Pas tyre, nis shitja e biletave “Early Bird” e më pas “Regular” dhe “VIP”.
Magazinë
“Dështim?!”, Beyonce nuk po arrin t’i mbush stadiumet
Published
2 days agoon
April 30, 2025
Pavarësisht se bëri histori me albumin e saj të muzikës country në Grammy të këtij viti , duket se Beyonce ende po përpiqet të shesë biletat e stadiumeve , me vende të shumta në dispozicion vetëm disa orë para natës së hapjes.
Këngëtarja 43-vjeçare e hitit Texas Hold ‘Em nisi zyrtarisht turneun prej 32 stadiumesh “Cowboy Carter” në stadiumin SoFi në Los Angeles të hënën në mbrëmje. Prej andej, superylli i popit do të performojë në SHBA dhe Evropë përpara se të mbyllë koncertin në Las Vegas më 26 korrik.
Javën e kaluar në stadiumin SoFi kishte më shumë se 3,000 vende të lira, me një numër të madh vendesh ende të lira vetëm pak çaste para se ajo të ngjitej në skenë të hënën në mbrëmje, sipas hartave të vendeve në Ticketmaster.
Duke folur për DailyMail.com, një burim i brendshëm pohoi se rishitësit – individë ose biznese që blejnë sasi të mëdha biletash koncertesh dhe ua shesin fansave me çmime të tepruara, janë fajtorë për pjesëmarrjen e kufizuar.
Burimi i brendshëm pohoi se Beyoncé dhe Jay-Z kishin mbetur me shpresë dhe ‘presin që më shumë fansa të saj të blejnë bileta sot e në ditët në vijim nëse rishitja bëhet më e lirë’. Por, kur bëhet fjalë për ndryshimin e biletave, Beyoncé po has vështirësi në krahasim me turnetë e mëparshëm në stadiume .
Një pjesë e kritikave të hershme erdhën nga adhuruesit që shprehën pakënaqësi për çmimet e larta fillestare.
“Jam shumë e lumtur që ndodhi kjo. Çmimet ishin absurde që në fillim”, ka shkruar një përdoruese në X (ish-Twitter).
“Daily Mail” citon një fans që krahasoi një biletë në tribunat më të larta me një menu të restorantit të njohur të ushqimit të shpejtë McDonald’s.
“Për shkak të kërkesës së ulët, biletat për turneun ‘Cowboy Carter’ të Beyoncét ($20) janë më të lira se menu ‘Minecraft’ në McDonald’s ($21.39)”, shkroi ai.
Megjithatë, shumë nga këto bileta të lira janë bileta të rishitura, pra jo të shitura direkt nga organizatorët, por nga individë që i kanë blerë më herët për t’i shitur me fitim. Kur nuk arrijnë t’i shesin, ata i ulin çmimet drastikisht, një fenomen i njohur në industrinë e muzikës live.
Një burim i brendshëm ka thënë për “Daily Mail” se “çmimet mund të bien në mbrëmje për disa data, nëse ulëset duken bosh”.
Kjo nuk është strategji e panjohur – është praktikë e zakonshme për të mbushur stadiumet deri në fund.
Magazinë
Pse duket gjithmonë serioz? Ben Affleck tregon anën që s’e shihni shpesh
Published
2 days agoon
April 30, 2025
Ben Affleck ka sqaruar më në fund misterin pas shprehjes së tij gjithmonë serioze në foto që shpesh kthehen në meme: ai nuk është i mërzitur, është i turpshëm.
Në paraqitje në podcast-in “This Past Weekend”, aktori rrëfeu se ndonëse e adhuron aktrimit, fama e vëmendja publike nuk janë pjesë e preferencave të tij.
“Jam mjaft i turpshëm, nuk më pëlqen të jem para kamerave,” tha ai, duke shtuar se ka një ndarje të qartë mes të bërit filma dhe të përballurit me paparacët apo daljet publike.
Ai e pranon se nuk është tipi që frekuenton evente madhështore apo që del në publik. “Nuk dua që njerëzit të më shohin duke ecur me bluzë ose të brendshme. Do të doja që jeta ime private të ishte edhe më private,” u shpreh ai me një sinqeritet që rrallë dëgjohet nga një yll i Hollywood-it.
Paraqitja e tij në këtë episod ka tërhequr mbi 2.7 milionë shikime dhe mijëra komente mbështetëse nga ndjekës që e vlerësojnë për autenticitetin e tij.
“Media e ka ngacmuar për vite me radhë,” shkruan një komentues. Një tjetër shton: “Na duhen më shumë njerëz si Affleck në këtë industri.”
Duket se shpesh, pas një fytyre serioze fshihet një shpirt i qetë që do pak më shumë privatësi. Dhe ndoshta, më pak aparate fotografike të drejtuara nga ai.

Shefi i NATO-s, Rutte paraqet planin e rritjes së shpenzimeve për mbrojtjen

Etika mediatike në fokus të debatit në UBT, me pjesëmarrje të personaliteteve të njohura nga fusha e gazetarisë dhe komunikimit

Kina shqyrton ofertat e SHBA, Ministria e Tregtisë: Pekini i hapur për bisedime

Festivali i parë Mesdhetar i Filmit, aktorë e regjisorë nga bota “zbresin” në Tiranë

Një tërmet me magnitudë 7.4 ballë godet jugun e Argjentinës

Rubio: SHBA-të vazhdojnë përpjekjet për të zgjidhur konfliktin në Ukrainë

Shkencëtarët kanë arritur të kultivojnë dhëmbë zëvendësues në laborator

Anija me aktivistë pro-palestinezë sulmohet nga dronët izraelit

Sunny Hill 2025: Dita e fundit për biletat “Believers”- fillon zbulimi i emrave të artistëve që do të performojnë sivjet
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Lajmet nga UBT4 days ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”