Ashton Kutcher, 47 vjeç, ka reflektuar hapur mbi ndikimin e pamjes së tij fizike në rrugëtimin artistik, duke pranuar se bukuria shpesh ka qenë një pengesë në vend të një përparësie.

Gjatë promovimit të serialit të tij të ri, The Beauty, në New York Comic Con, aktori i njohur tha se fiziku i tij tërheqës ka ndikuar ndjeshëm në mënyrën se si është përzgjedhur për role në Hollywood.

“Ka role që i kam marrë për shkak të mënyrës si dukem, por edhe shumë të tjera që nuk i kam marrë për të njëjtën arsye,” deklaroi ylli i filmit Dude, Where’s My Car?. Ai shtoi se ndonëse kjo mund të tingëllojë si një problem “i mirë”, për të ka qenë shpesh burim frustrimi.

Kutcher, i cili ka ndërtuar gjithashtu një karrierë të suksesshme si producent, theksoi se industria e filmit është vizuale dhe pamja fizike ndikon drejtpërdrejt në mënyrën si perceptohet një personazh.

“Kur po përpiqesh të tregosh një histori me imazhe, mënyra se si dukesh luan rol kyç në atë që përçon personazhi,” u shpreh ai.

Në serialin The Beauty, bazuar në librat komikë nga Jeremy Haun dhe Jason A. Hurley, Kutcher luan rolin e një miliarderi të teknologjisë në një botë ku përsosmëria fizike është e mundur, por me një kosto të frikshme.

Aktori e përshkroi rolin si një nga përvojat më të pasura të karrierës së tij. /A.Z/UBT News/

Gocat e famshme janë sërish në fushëbetejë! Selena Gomez reagoi ndaj një “thumbi” të Hailey Bieber, të cilin modelja e publikoi në Instagram më 18 tetor – postim që tani është fshirë.

Në një Story të mëvonshëm, këngëtarja dhe aktorja e “Only Murders in the Building” shkroi: “Thjesht lëreni vajzën rehat! Ajo (Hailey) mund të thotë çfarë të dojë. Nuk ndikon aspak. Është çështje rëndësie, jo inteligjence! Jini të sjellshëm! Të gjitha markat më frymëzojnë.”

Selena shtoi gjithashtu: “Ka vend për të gjithë. Dhe shpresoj që të gjithë të mund të ndalojmë njëherë e mirë.”

Reagimi i saj erdhi menjëherë pas deklaratës së Hailey-t, e cila në një intervistë u shpreh se e shqetëson krahasimi i vazhdueshëm midis markës së saj të kozmetikës Rhode Beauty dhe markave të tjera të ngjashme.

“Është e bezdisshme kur të vënë në garë me të tjerët. Nuk më pëlqen kjo! Kur njerëzit duan të të shohin në një mënyrë të caktuar, krijojnë një histori në mendjen e tyre dhe nuk është detyra jote ta ndryshosh,” – tha Hailey.

“Mendoj se ka hapësirë për të gjithë. Nuk ndihem në konkurrencë me njerëzit që nuk më frymëzojnë.”

Kjo fjali e fundit u interpretua si kunjë e drejtpërdrejtë ndaj Selena-s, ndonëse një përfaqësues i Hailey-t tha për Page Six se komentet nuk kishin lidhje me të. Duket se Selena e mori personalisht, duke rikthyer në qendër të vëmendjes një përplasje të vjetër mes dy vajzave që prej kohës së marrëdhënies së gjatë të Selena-s me Justin Bieber, i cili u martua me Hailey-n në vitin 2018.

Në qershor, fansat dyshuan për një tjetër ftohje midis tyre pasi të dyja nuk ndiqeshin më në rrjetet sociale.

Marrëdhëniet mes tyre dukeshin të ishin përmirësuar në vitet e fundit: në vitin 2022, Hailey deklaroi në podcastin “Call Her Daddy” se “midis tyre ka vetëm dashuri”, dhe Selena ishte dakord.

Madje në vitin 2023, këngëtarja u bëri thirrje fansave të ndalonin ngacmimet online ndaj Hailey-t, dhe të dyja u bënë virale pasi pozuan së bashku në Academy Museum Gala. Por, siç duket, paqja nuk zgjati shumë e drama mes vajzave sapo është rindezur. /A.Z/UBT News/

Gjatë performancës së këngëtares së njohur amerikane Sabrina Carpenter në emisionin e famshëm “Saturday Night Live”, ndodhi një incident i vogël që nuk i shpëtoi vëmendjes së publikut.

Ylli 26-vjeçar interpretoi këngën e saj “Nobody’s Son” të shtunën mbrëma, dhe shikuesit vunë re një moment të pazakontë: një psherëtimë e fortë u dëgjua qartë në transmetim, pa asnjë lloj censurimi.

Gjatë performancës, Carpenter këndoi dy herë vargun “He sure fucked me up” (në përkthim: “Ai me rrënoi vërtet”), e për habinë e shumë shikuesve, fjala vulgare nuk u mbulua me sinjal zanor dhe as nuk u ul zëri gjatë transmetimit live në Bregun Lindor të SHBA-së.

Sipas revistës Variety, disa shikues në Bregun Perëndimor raportuan se zëri në atë pjesë të këngës ishte i zbutur, duke sugjeruar se redaktimi ishte bërë më vonë.

Përveç performancës, Carpenter pati edhe debutimin si prezantuese në episodin e fundit të “SNL”-it. Pas mbrëmjes, regjistrimi zyrtar i performancës u publikua në internet, por versioni online përfshinte censurë në vargjet e diskutueshme.

Gjatë emisionit, ajo mori pjesë edhe në një skeç humoristik “Domingo”. Carpenter është përballur me kritika për tekstin e “Nobody’s Son”.

Organizata PTSD UK, e cila punon për ndërgjegjësimin mbi çrregullimin e stresit post-traumatik, e ka akuzuar atë se “trivializon” këtë gjendje serioze. Në vargjet e këngës, Sabrina këndon: “That boy is corrupt, get PTSD on the daily” (në përkthim: “Ai djalë është i prishur, më shkakton PTSD çdo ditë”), frazë që është bërë virale në TikTok, por ka nxitur reagime të ashpra nga ekspertët.

Në një letër të hapur drejtuar këngëtares dhe shtëpisë diskografike, PTSD UK thekson se fraza “marr PTSD çdo ditë” është e pasaktë dhe krijon përshtypjen e gabuar se PTSD është diçka e përkohshme apo thjesht një humor. Organizata shton se një çrregullim kaq serioz dhe shpesh i rrezikshëm për jetën nuk duhet reduktuar në një shprehje tërheqëse për rrjetet sociale. /A.Z/UBT News/

Aktori i njohur RJ Mitte, i njohur për rolin e Walter “Flynn” White Jr. në serialin “Breaking Bad”, është fejuar me të dashurën e tij prej vitesh, Kennedy Suarez.

33-vjeçari i propozoi Kennedy-t në ditëlindjen e saj të 30-të, gjatë një eventi bamirës në Kaliforni.

“Jam i emocionuar që kam gjetur partneren time. Kennedy është gjithçka për mua, mezi pres të fillojmë jetën tonë së bashku,” tha Mitte për People, ndërsa DailyMail shkruan se ai e konsideron këtë moment të veçantë.

Propozimi u bë gjatë edicionit të 56-të të Dia del Sol, ngjarje që mbështet organizatën UCP në San Diego, ku Mitte vepron si ambasador.

Kennedy, gjithashtu aktive në kauza sociale, pas fejesës shkroi: “Kam burrin e ëndrrave të mia në krah.”

Çifti jeton në Brownsville, Teksas, dhe bashkëpunojnë në aktivitete humanitare. RJ Mitte është president i fondacionit bamirës të familjes së tij me seli në Austin. Aktori ka qenë i angazhuar edhe në projekte të reja filmike.

Filmi i tij i fundit, “Westhampton”, pati premierën në Festivalin e Filmit Tribeca, projekti i ardhshëm, “Love Me Dead”, e sjell në ekran bashkë me Dove Cameron. /A.Z/UBT News/