Lajmet

Basha nga Elbasani: Nata e fundit e së keqes këtë të diel

Published

4 years ago

April 23, 2021

Betim Gashi

Kreu demokrat Lulzim Basha zgjodhi Elbasanin për të përmbyllur fushatën zgjedhore, në qytetin që gjatë kësaj kohe u kthye në vendin e përplasjeve dhe tensioneve mes palëve politike. Gjatë fjalës së tij Basha kërkoi votën e qytetarëve të Elbasanit për zhvillimin e Shqipërisë dhe për të kthyer modelin e qytetarisë në vend.

“Nata e së keqes bie për herë të fundit këtë të diel, se Elbasani do të marrë në dorë fatet e veta ëndrrat tuaja dhe të miat për Elbasanin nuk kanë mbaruar. Ëndrrat e mia më 25 prill të fillojmë punën me votën tuaj për të bërë realitet këto ëndrra për të çliruar biznesin, arsimin, shëndetësinë dhe rininë, për t’u dhënë mundësi për zhvillim e punësim dhe për të kthyer modelin e qytetarisë që ju bën krenar. Do ta bëjmë realitet se të dielën e gjithë Shqipëria dhe zemra e saj Elbasani do të votojnë masivisht për numrin 9 dhe të ardhmen e fëmijëve të tyre, për qytetarinë, për Shqipërinë anëtare të Bashkimit Europian”.

Teksa përmendi disa nga arritje në qeverisjen demokrate për këtë qark, Basha shprehu bindjen se të dielën e 25 prillit qytetarët do të votojnë masivisht për ndryshimin.

“Bahskë me ndryshim për fitore. Bashkë bëmë realitet tunelin e Kërabës, kaskadën e Devollit dhjetëra familje të punësuara. Shtruam rrugën e zhvillimit e infrastrukturës dhe vepra të tjera i lamë gati për të përfunduar si Qukës, Qafë Plloçë dhe projektin e përfundimit të korridorit 8. 8 vite vuajtje, padrejtësi, dhunë. Të dielën Elbasani i prin fitores më të thellë, më të madhe dhe më të bukur, fitores dhe ndryshimit, që kjo kështjellë e kala e qytetarisë, mençurisë, arsimit e dijes dhe punës e zejtarisë e bujqësisë të rrezatojë anëmbanë Shqipërisë, kulturën, traditën e çmuar të Elbasanit. Dhe kështu do të ndodhë se më 25 prill elbasanasit do të votojnë për qetësinë e familjeve të tyre, paqen, sigurinë, punësimin e nënave dhe baballarëve dhe për ta kthyer Elbasanin dhe universitetin e tij në qendër model arsimi për rininë e mrekullueshme të Elbasanit, Korçës e mbarë Shqipërisë.

Basha theksoi se ndryshimi është në dorën e çdo burri dhe gruaje që voton në 25 prill dheu kërkoi të zgjedhin për 4 vite të tjera si këto apo për të hapur dyert e zhvillimit. Ai tha s ea ka parë nga jugu në veri oshëtimën e fitores dhe theksoi se ndryshimi do të jetë i prekshëm.

“Dhe kështu do të ndodhë mirëqenia, punësimi janë tashmë jo të kyçura në vargonjtë e Ramës, por janë në 25 prill këtë diel. Në dorën e çdo burri gruaje e vajze e djali që do votojë për ndryshimin e fitoren. Do votojë në këtë qytet e trevë, një popull që mezi por e pret të dielën se ju e dini që këto janë zgjedhjet më të rëndësishme për Shqipërinë se vendimi që do i marrim është edhe 4 vite të tjera si këto 8 apo bashkë për të hapur dyert e ndryshimit e zhvillimit dhe për të hapur dyert e Shqipërisë si gjithë Europa. Ne e dimë fare mirë, ju e dini fare mirë e unë e kam parë nga jugu ne veri buçimën e fitores. Kjo do jetë fitorja më e bukur se do t’ju takojë të gjithë ju vëllezër dhe motra. Ndryshimi do jetë i prekshëm për çdo banor të Elbasanit dhe prandaj kam nderin dhe kënaqësinë dhe ju mundësinë të çoni drejt parlamentit dhe mazhorancës fituese të PD dhe aleatëve tanë ekipin tonë të mrekullueshëm, shkrimtarë, profesorë, mjekë, juristë, ekonomistë sipërmarrës të drejtuar nga sekretari i përgjithshëm i PD Gazmend Bardhi”.

Bota

Ish-udhëheqësi i Hezbollah do të varroset të dielën

Published

23 minutes ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

54 minutes ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

1 hour ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 hours ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.