Aktualitet

Basha akuzon qeverinë se fshehu vdekjet nga Covid: Zoti na ruajt! Deri para 6 muajsh ishin plot 16 mijë viktima

Nga foltorja e Kuvendit, kreu i Partisë Demokratike, Lulzim Basha, akuzoi qeverinë dhe ministrinë e Shëndetësisë se kanë manipuluar shifrat e jetëve të humbura si pasojë e koronavirusit në vendin tonë në raport. Sipas tij, institucionet ndërkombëtare japin të tjera të dhëna. Dhe këtu Basha citoi raportin e KE, sipas të cilit “Shqipëria ka shtesën […]

Published

4 years ago

October 7, 2021

Betim Gashi

Sipas tij, institucionet ndërkombëtare japin të tjera të dhëna. Dhe këtu Basha citoi raportin e KE, sipas të cilit “Shqipëria ka shtesën më të lartë të vdekjeve në Europë për vitin 2020”.

Basha: Këto ditë është diskutuar në komisione, nga përfaqësuesit e opozitës për vaksinimin, e diferencën mes shifrave të raportuara nga qeveria dhe të raportuara nga institucione ndërkombëtare. Si në traditën më të keqe të kësaj qeverie, ajo që thuhet nuk bëhet. Kjo s’është hera e parë që ndodh e as hera e parë që gënjejnë me pandeminë, se ju e dini qytetarë që kanë gënjyer për ndihmën ekonomike, rimbursimin e të prekurve, tenderat abuzivë në kohë pandemie të veshura me sekretin shtetëror, për të cilat këndellet në gjumë SPAK e prokuroria, kanë gënjyer për numrin e jetëve të humbura, që deri para 6 muajsh ishin plot 16 mijë prindër, nëna, baballarë që dergjen sot në vendprehjet e qyteteve e fshatrave të vendit tonë e nuk ndodhen më në shtëpitë e të dashurve që i kanë humbur. Jo shifra rrenacake raportur nga qeveria e rrenave,këtë nuk e themi ne packa se e paralajmëruam, këtë e konfirmon raporti i KE ku thuhet që Shqipëria ka shtesën më të lartë të vdrkjeve nëEuropë për vitin 2020.

Basha përmendi edhe paralajmërimin e kryeministrit për rritje të çmimit të energjisë kur shpalli në vend krizën energjetike.

Basha: Kur të dielën që shkoi deklaroi “se do ia dalim siç ia dolëm me pandeminë”, Zoti na ruajt, ajo fjali triumfaliste që s’kishte asnjë lidhje me të vërtetën tingëlloi si shuplakë, si një të pështyrë në fytyrën e qytetarëve të këtij vendi, ndërkohë që Rama shfaqej në ekrane për të mbushur me dokrra gënjeshtra e aktrim boshllëkun që krijoi mugnesa e ndihmës reale.

Teksa akuzoi Ramën se për interesat e një grushti të vogël njerëzit ka shkatërruar interesat e qytetarëve, Basha tha se kryeministrit i duhet një krizë tjetër për të mbuluar dështimin me pandeminë.

Basha: Mesatarisht 1000 dollarë për tampon, ilaçe e oksigjen, ndërkohë që skema e rimbursimit dështoi, duke mos lehtësuar barrën e rëndë të pandemisë, dhe në fund të Europës e la vendin edhe për masat gjysmake, se ndërkohë që bizneset mbylleshin, ky pushtet që përparësi ka PPP, tendera sekret, na lanë pas edhe vende më të vogla që disbursuan 2-3 paketa ndihmëse për qytetarët e tyre, jo më larg se një javë më parë vendosi që të mbështese me 1500 euro familjet që kanë humbur një anëtarë nga COVID, kjo nuk kompenson humbjen e njeriut, por tregon diferencën mes një qeveria që fsheh jetët e humbura dhe një tjetre që kërkon që t’u gjendet pranë, por këta nuk e bëjnë dot këtë se për t’u dhënë para duhet që t’ia heqin vetes, dhe në vend që të kërkojnë ndjesë për jetëve e humbura, për braktisjen e interesit publik për interesat e një grushti njerëzish, fryhen si gjeli në majë të koncesioneve korruptive. Gogoli i 8 viteve doli për të trembur qytetarët, tellai u ra daulleve dhe justifikimit për mprehjes sëpatës që po e vendos në qafën e shqiptarëve. Po cila ishte nevoja që të dilte në një zyrë të dekoruar shtrenjtë për treguar pasojat në tregjet ndërkombëtare që prek pak shqiptarët, i lypset një krizë për të mbuluar dështimin, keqmenaxhimin e pakicës që drejton me votat e vjedhura të masakrës zgjedhore”, tha Basha.

Në seancën e sotme plenare po diskutohet akti normativ për marrëveshjen për blerje vaksinash nga Pfizer.

Bota

Spanja pret konferencën e OKB-së për financimin e zhvillimit global, ndërsa SHBA tërhiqet

Published

16 minutes ago

June 30, 2025

UBTnews

Konferenca e OKB-së mbi Financimin e Zhvillimit nis sot në qytetin spanjoll të Seviljes me fokus në trajtimin e pabarazisë globale, mes një mungese të madhe financimi pas shkurtimeve drastike të ndihmës amerikane nën drejtimin e presidentit Donald Trump.

Trump uli më shumë se 80% të financimit të USAID-it, i cili më parë përbënte afërsisht një të katërtën e financimit total ndërkombëtar të zhvillimit.

Konferenca që ndodh një herë në një dekadë, e cila zgjat deri të enjten, synon të ofrojë zgjidhje konkrete për të adresuar nevojat kritike globale, duke përfshirë urinë, varfërinë, mbrojtjen e klimës, shëndetin dhe paqen.

Ajo gjithashtu do të theksojë bashkëpunimin ndërkombëtar dhe rindërtimin e besimit shumëpalësh.

Sipas organizatorëve, një fokus qendror do të jetë ristrukturimi i financimit për 17 Objektivat e Zhvillimit të Qëndrueshëm (SDG) të Kombeve të Bashkuara, të cilat u miratuan në vitin 2015 me një datë që synon vitin 2030.

Objektivat adresojnë çështje të tilla si varfëria, shëndetësia, arsimi, veprimi klimatik dhe barazia.

Një marrëveshje e re mbi financimin e zhvillimit global, pritet të miratohet gjatë konferencës nga shtetet anëtare pjesëmarrëse të OKB-së.

SHBA e cila nuk merr pjesë, nuk e nënshkruan marrëveshjen paraprakisht.

Nga perspektiva e avokatëve të zhvillimit, nevojiten veprime më ambicioze.

Konferenca e fundit e tillë u mbajt në vitin 2015 në Addis Ababa. /atsh

Bota

Trump: Nuk i ofrova asgjë Iranit

Published

1 hour ago

June 30, 2025

UBTnews

Presidenti i SHBA-së, Donald Trump deklaroi se “nuk ka kontaktuar me qeverinë e Teheranit” që nga sulmet ndaj objekteve bërthamore të Iranit dhe se nuk i ka bërë asnjë ofertë Iranit, transmeton Anadolu.

Trump bëri një deklaratë në “Truth Social lidhur me procesin pas sulmeve ndaj objekteve bërthamore të Iranit.

“Dikush t’i thotë atij senatori demokrat, Chris Coons se unë nuk i ofrova asgjë Iranit“, tha Trump.

Ai tha se ish-presidenti i SHBA-së, Barack Obama i pagoi miliarda dollarë Iranit dhe se nuk do të bënte të njëjtën gjë. Trump argumentoi se Plani i Përbashkët Gjithëpërfshirës i Veprimit (JCPOA) kishte humbur vlefshmërinë e tij.

Trump theksoi se “nuk ka kontaktuar me qeverinë e Teheranit” që nga sulmet ndaj objekteve bërthamore të Iranit.

– Konflikti që filloi me sulmet e dhunshme të Izraelit ndaj Iranit

Më 13 qershor, Izraeli nisi sulme në shkallë të gjerë duke synuar objektet bërthamore në qytete të ndryshme të Iranit si dhe komandën e lartë ushtarake.

Në Iran, shefi i Shtabit të Përgjithshëm, komandanti i Përgjithshëm i Korpusit të Gardës Revolucionare, disa komandantë të lartë dhe 9 shkencëtarë bërthamorë u vranë në sulmet e Izraelit.

Në deklaratën e saj të fundit, Ministria iraniane e Shëndetësisë raportoi se numri i përgjithshëm i viktimave civile në sulmet e Izraelit ishte 606 ndërsa numri i të plagosurve 5.332.

Zyra e kryeministrit izraelit njoftoi se 28 persona u vranë dhe 1.272 u plagosën në hakmarrjen e ushtrisë iraniane. SHBA-ja, e cila mbështet hapur Izraelin, kreu sulme ndaj tre centraleve bërthamore të Iranit në Natanz, Fordo dhe Isfahan më 22 qershor.

Irani sulmoi bazën ajrore amerikane “Al-Udeid” në Katar më 23 qershor në përgjigje të sulmit amerikan. Presidenti i SHBA-së, Donald Trump, njoftoi një armëpushim midis Iranit dhe Izraelit më 24 qershor.

Bota

Përfaqësuesi i Iranit në OKB: Pasurimi i uraniumit nuk do të ndalet kurrë

Published

2 hours ago

June 30, 2025

UBTnews

Përfaqësuesi i përhershëm i Iranit në OKB, Amir Saeid Iravani tha se procesi i pasurimit të uraniumit i kryer nga Teherani “nuk do të ndalet kurrë”, transmeton Anadolu.

Sipas gazetës “The Hill”, Iravani vlerësoi programin e pasurimit të uraniumit të Iranit gjatë paraqitjes së tij si i ftuar në programin “Face the Nation” të CBS.

Duke iu referuar Traktatit për Mospërhapjen e Armëve Bërthamore (NPT), Iravani theksoi se vendet pa armë bërthamore kanë të drejtë të përdorin teknologji bërthamore paqësore, përfshirë pasurimin e uraniumit, me kusht që ato të përputhen me rregulla të caktuara.

Ai tërhoqi vëmendjen ndaj faktit se programi i pasurimit të uraniumit është e drejtë e Iranit. “Pasurimi është e drejta jonë, është një e drejtë e patjetërsueshme dhe ne duam ta zbatojmë këtë të drejtë“, tha përfaqësuesi iranian.

“Mendoj se pasurimi i uraniumit nuk do të ndalet kurrë”, tha Iravani kur u pyet nga një gazetar nëse Irani planifikon të pasuronte uranium.

Bota

Marrëveshja tregtare SHBA–Britani hyn në fuqi: Ulen tarifat për makinat

Published

2 hours ago

June 30, 2025

UBTNews

Marrëveshja tregtare e nënshkruar midis Presidentit të SHBA-së Donald Trump dhe Kryeministrit Britanik Keir Starmer, e cila ul disa tarifa për importet nga Britania, ka hyrë në fuqi, tha qeveria britanike të hënën.

Sipas marrëveshjes, prodhuesit britanikë të makinave do të përfitojnë nga një kuotë e re eksporti me tarifë të reduktuar 10%, nga 27.5% që ishte më parë. Po ashtu, tarifat aktuale 10% për motorët dhe pjesët e avionëve janë hequr plotësisht, duke rritur konkurrueshmërinë e industrisë ajrore britanike në tregun amerikan.

“Kjo është një fitore për eksportuesit britanikë dhe një sinjal i qartë për përmirësimin e marrëdhënieve tona tregtare me SHBA-në,” thuhet në deklaratën zyrtare.

Megjithatë, sfida mbetet për sektorin e çelikut dhe aluminit. Britania është përkohësisht e përjashtuar nga tarifat deri në 50% që SHBA vendosi për vendet e tjera në fillim të këtij muaji, por rrezikon përfshirjen në këto masa duke filluar nga data 9 korrik nëse nuk arrihet një marrëveshje përfundimtare.

“Ne do të vazhdojmë të shkojmë më tej dhe të bëjmë përparim drejt tarifave 0% për produktet kryesore të çelikut, siç është rënë dakord,” shtoi qeveria britanike.