Lajmet

Barrierat tregtare nga Serbia të vazhdueshme, Hajdari: Duhet të përgatitemi për reciprocitet

Hajdari tha se Kosova ende vazhdon që të trajtohet e pabarabartë karshi Serbisë.

Published

on

Instituti Demokratik i Kosovës (KDI), në bashkëpunim me Komisionin për Ekonomi, Industri, Ndërmarrësidhe Tregti, kanë organizuar diskutimin publik me temën “Barrierat tregtare mes Kosovës dhe Serbisë”.

Ministrja e Industrisë, Ndërmarrësisë dhe Tregtisë, Rozeta Hajdari tha se Kosova ende vazhdon që të trajtohet e pabarabartë karshi Serbisë. Sipas saj, është e papranueshme që ende vendi në CEFTA prezantohet përmes UNMIK-ut, duke shtuar se për këtë çështje dhe i janë drejtuar me një kërkesë këtij institucioni.

Kur foli për reciprocitetin tregtar me Serbinë, ajo tha se duhet ende punë që t’i përgatisin institucionet nëse duan që ta aplikojnë një masë të tillë. Hajdari pohon se reciprocitet duhet të ketë edhe në politikë jo veç në çështje tregtare, duke shtuar se me çdo instrument do të mbrohen prodhuesit vendës.

“Kosova duhet të luajë rol konstruktiv në dialogun bilateral. Kosova nuk është e përfaqësuar ashtu siç duhet. Pse Kosova nuk ka kërkuar largimin e UNMIK përmes CEFTA-s. Kosova prezantohet përmes UNMIK-ut. Ne ende jemi në pritje të CEFTA-s që do të adresojë letrën tonë. Ne do të vazhdojmë të insistojmë që Kosova të trajtohet barabartë. Dhe kjo letër që kemi drejtuar është dërguar në shtator, e cila ka pasur me reagime nga Serbia. Kosova ka përparësi që do të ketë mundësi të mos pajtohet për vendimet që merren në CEFTA. Nëse Kosova nuk trajtohet barabartë dhe prezantohet përmes UNMIK sa kemi llogari të marrim pjesë në CEFTA. Nëse ndalim produktet e Serbisë ku do të ndalen kamionët. Ne na duhet punë t’i përgatisim institucionet nëse duam aplikim të reciprocitetit. Qeveria është e zotuar që çdo instrument të mbron prodhuesin tonë te marrë me evidencë të plotë. Unë reciprocitetin e shoh përfaqësimin e Kosovës edhe në politikë jo vetëm çështja tregtare”, deklaroi ajo.

Kryetari i Komisionit, Ferat Shala tha se barrierat tregtare ndërmjet të dy vendeve janë rritur së fundi edhe më shumë, prandaj edhe një diskutim i tillë do të mund të shërbente në gjetjen e ndonjë zgjidhje.

Përfaqësuesja e KDI-së, Violeta Haxholli tha se në vazhdimësi kanë ofruar asistencë për Kuvendin për të fuqizuar rolin ndaj dialogut Kosovë-Serbi.

Ndonëse tha se kompanitë kosovare po dëmtohen shumë nga barrierat e shtetit fqinj, ajo ka kërkuar që temat ekonomike mos të jenë pjesë e përplasjeve politike.

“Çështja e barrierave mes dy vendeve ka qenë gjithmonë temë. Çështja e raporteve Kosovë-Serbi ka qenë ndër temat që spektri politik nuk ka gjetur dakordim. Aktualisht nuk ka reciprocitete dhe  kompanitë hasin sfida. Kosova ka aplikuar masa mbrojtëse ndaj Serbisë në vitin 2011. Në atë kohë ishte arsyeja që Serbia të pranonte vulën doganore. Reciprociteti tregtar është shfuqizuar nga Qeveria Hoti. Tani kemi Qeveri të re e cila ka deklaruar se do të vendos reciprocitet tregtar me Serbinë, por ende nuk ka vendim. Ministrja ka paralajmëruar që do të hetohen produkte që po hyjnë nga Serbia. Ajo çfarë kemi evidentuar është që kjo temë të mos bëhet temë e përplasjeve politike”, deklaroi Shala.

Lajmet

Nxënësi kosovar sulmon mësuesen me thikë në Essen të Gjermanisë, ndodhet në gjendje kritike

Published

on

By

Një ngjarje e rëndë ka ndodhur sot në Essen, Gjermani, ku një nxënës me prejardhje kosovare dyshohet se ka sulmuar me thikë mësuesen e tij në një shkollë profesionale.

Viktima u godit në bark dhe ndodhet në gjendje kritike, duke iu nënshtruar një operacioni urgjent.

Pas sulmit, i riu është arratisur dhe policia gjermane ka nisur një operacion të madh me forca speciale dhe helikopter për kapjen e tij.

Autoritetet kanë bërë apel që qytetarët të shmangin zonën e ngjarjes derisa të sigurohet situata./D.B/EO

Continue Reading

Lajmet

Kosova organizon garën ndërkombëtare të çiklizmit “Tour of Kosova 2025”

Published

on

Në Prishtinë ka nisur gara ndërkombëtare e çiklizmit “Tour of Kosova 2025”, e cila zhvillohet l deri më 6 shtator, nën organizimin e Federatës së Çiklizmit të Kosovës dhe me mbështetjen e Ministrisë së Sportit.

Në ceremoninë hapëse mori pjesë Ministri Çeku, i cili u uroi mirëseardhje ekipeve pjesëmarrëse nga vende të ndryshme të botës.

Ai theksoi se gara të tilla janë dëshmi e potencialit të madh sportiv që ka Kosova dhe një hap i rëndësishëm drejt përgatitjes për Lojërat Mesdhetare 2030, ku pritet pjesëmarrje e gjerë ndërkombëtare.

“Tour of Kosova 2025” është garë e kategorisë 2.2 të Unionit Ndërkombëtar të Çiklizmit (UCI). Starti u dha nga sheshi “Ibrahim Rugova” në Prishtinë, duke vazhduar rrugën nëpër autostradën “Ibrahim Rugova” dhe autostradën “Arbën Xhaferi”.

Në këtë edicion po marrin pjesë 16 ekipe me gjithsej 124 çiklistë nga skuadra elitare evropiane, duke garantuar garë të fortë dhe spektakël sportiv./S.K/EO/

Continue Reading

Lajmet

Operacion policor për ‘fajde’ dhe ‘shpëlarje parash’, dy persona të arrestuar

Published

on

By

Policia e Kosovës në bashkëpunim me Prokurorinë Speciale të Republikës së Kosovës ka zhvilluar sot një operacion lidhur me veprat penale të “fajdes” dhe “shpëlarjes së parave”.

Sipas komunikatës së përbashkët, gjatë aksionit janë arrestuar dy persona të dyshuar.

Policia e Kosovës, respektivisht hetuesit nga Drejtoria për Hetimin e Krimit të Organizuar dhe Krimeve të Rënda, pas zhvillimit të veprimeve hetimore me urdhër të Prokurorisë Speciale, kanë arrestuar B.M dhe Q.M, nën dyshimet për kryerjen e veprave penale “fajde”, “shpërlarje e parave”, “kanosje” , “falsifikim i dokumenteve”, dhe “mashtrim” thuhet në komunikatë.

Autoritetet theksuan se mbeten të përkushtuara që të gjithë kryesit e veprave penale të vihen para përgjegjësisë ligjore./D.B/UBTNews

Continue Reading

Lajmet

Statcionet policore hapin portën për qytetarët në 26-vjetorin e themelimit të Policisë

Published

on

By

Me rastin e 26-vjetorit të themelimit të Policisë së Kosovës, Drejtoritë Rajonale si dhe stacionet policore kanë organizuar portën e hapur për qytetarë.

Komandanti i Qendrës, kapiten Sami Halimi, theksoi rolin mbështetës të komunitetit dhe falënderoi qytetarët për bashkëpunimin e vazhdueshëm me Policinë.

Ju jeni si pjesë mbështetëse e Policisë së Kosovës dhe polica është mirënjohjes për të gjitha aktivitete që bëni në shërbimin e policisë, në kuadër të 26 vjetorit të themelimit të Policisë së Kosovës, në të gjitha stacionet e policisë organizohet porta e hapur që organizohet vizita të ndryshme nga kategoritë të ndryshme të shoqërisë. Policia organizon manifestime sikurse si sot. aktivitetet e Policisë në Bashkësi me fëmijë dhe të rinj, ndeshjet sportive e të tjera”, ka theksuar ai./D.B/EO

Continue Reading

Të kërkuara