Lajmet

Barazia gjinore e mundur pas 100 vjetësh nëse përfaqësimi i grave në institucion s’ndryshon

Mungesa e grave në listën garuese për kryetare të komunave, vazhdon të jetë sfidë në Kosovë.

Published

4 years ago

on

Demokracia në çdo shtet pa involmimin e grave është e vështirë dhe e pamundur. Kështu u tha në konferencën përmbyllëse të Javës së Gruas organizuar nga Instituti Kombëtar Demokratik (NDI).

Nancy Soderberg, drejtoreshë e NDI në Kosovë, tha se suksesi i demokracisë së Kosovës varet nga pjesëmarrja e plotë e barabartë e grave në proceset vendimmarrëse. Sipas saj, nuk duhet të vazhdohet me pjesëmarrja kaq të ulët që nuk e kalon 10%, ngase për tu arritur barazia gjinore duhet edhe 100 vjet.

“Në Kosovë duhet të bëjmë më shumë që të sigurojmë më shumë pjesëmarrje për gratë, kërkohet më shumë punë në gjitha nivelet e shoqërisë për të fuqizuar gratë ekonomikisht në kuptim social dhe politik dhe suksesi i demokracisë së Kosovës varet nga pjesëmarrja e plotë e barabartë e grave dhe kjo do të thotë me 50 për qind, e jo me 5 apo 10 për qind. Me këtë normë nevojiten edhe 100 vjet që të arrihet kjo barazi gjinore, dhe koha është tani në mënyrë që të ndërrojë fytyra e politikës”, deklaroi ajo.

Zeinah Salahi, drejtore e misionit të USAID-it në Kosovë, tha se mungesa e grave në listën garuese për kryetare të komunave, vazhdon të jetë sfidë në Kosovë.

“Shumë gra fituan ulëse pa ndihmën e kuotës gjinore dhe kjo është shuma e mirë, pastaj edhe në ekzekutiv kemi ministre dhe zëvendëskryeministra, ku tregon se sa larg kemi mbërri, por ende gratë nuk përfaqësohen barabartë në gjitha nivelet e jetës politike dhe vendimmarrje. Këto arritje të cilat janë paraqitur dukshëm në nivel nacional dhe lokal, siç i pamë edhe në zgjedhjet lokale të së dielës. Mungesa e grave në listën garuese për kryetar tregon shumë që mundon barazia gjinore në institucionet lokale”, tha ajo.

Eliza Hoxha deputete e PDK-së, ka treguar sfidat e saj në kyçje në politikë. Ajo tha se me kyçjen në parti politike i është kërkuar që të zhvishet nga e kaluara profesionale si arkitekte dhe artiste.

“Në momentin kur kam hyrë në parti politike është perceptuar se duhet të zhvishem nga gjithçka çka kam reprezentues ndër vite. Nuk jam më Eliza e Arkitekturës, e artit dhe shpesh herë më është mohuar me qenë emri im në ftesat e ekspozitave të mia dhe është fshirë vetëm se i përkas një partie politike, dhe aty e kam parë sesa paragjykues dhe sa vështirë është për një grua vetëm se i përket një partie politike”, tha ajo.

Teksa ka folur për sfidat e grave në vendimmarrje, Hoxha se ka qenë pjesë e rekrutimit të grave në listat zgjedhore, por që shpesh herë është refuzuar nga gratë për të qenë pjesëmarrëse, raporton EO.

“Në fakt në këtë vit kam qenë pjesë e rekrutimit të vajzave dhe grave në listat për asamble komunale dhe më besoni se ka qenë shuma vështirë të marrësh përgjigje negative dhe duke e parë mosgatishmërinë e grave të cilat kanë hezituar të jenë pjesë në listat zgjedhore”, tha Hoxha.

Related Topics:
Continue Reading

Aktualitet

Pjesëmarrësit e Konferencës Ndërkombëtare të Muzikës Moderne në UBT nisin dorëzimin e abstrakteve

Published

11 hours ago

on

September 18, 2025

By

Në UBT kanë nisur aplikimet dhe pranimi i abstrakteve për Konferencën Ndërkombëtare për Muzikën Moderne dhe Prodhimin e Audios (IC-MDM), e cila këtë vit zhvillohet si pjesë e edicionit të 14-të të UBT International Conference for Business, Technology and Innovation, me fokusin kryesor: “Resilience and Sustainability”.

Kjo konferencë synon të mbledhë së bashku shkencëtarë, studiues, kompozitorë, producentë, artistë dhe praktikues nga fusha të ndryshme të muzikës dhe teknologjisë së zërit, për të ndarë përvoja, rezultate kërkimore dhe praktika bashkëkohore që lidhen me zhvillimet më të fundit në muzikë dhe audio.

Fushat kryesore të interesit për përzgjedhje përfshijnë (por nuk kufizohen vetëm në):

  • Antropologjia Muzikore
  • Historia e Muzikës & Muzikologjia
  • Instrumentet Muzikore & Performanca
  • Didaktika dhe Edukimi Muzikor
  • Kompozimi Bashkëkohor
  • Prodhimi Muzikor & Audio
  • Dizajni i Zërit
  • Muzika dhe Teknologjia
  • Muzika dhe Inteligjenca Artificiale (AI)

Afatet e rëndësishme:

  • Dorëzimi i abstrakteve: 10 tetor 2025
  • Njoftimi i pranimit: 17 tetor 2025
  • Rishikimi shkencor (peer-reviewed): 17 tetor 2025
  • Regjistrimi i hershëm: 17 tetor 2025
  • Regjistrimi i vonuar: 20 tetor 2025
  • Dorëzimi i punimeve të plota: 14 nëntor 2025

Punimet e paraqitura duhet të jenë origjinale, të papublikuara dhe jo në proces shqyrtimi në ndonjë konferencë tjetër. Gjatësia maksimale e tyre është 6 faqe, ndërsa të gjitha materialet që nuk përmbushin kriteret e formatit nuk do të merren parasysh.

Kjo konferencë përbën një hapësirë unike ndërdisiplinare ku muzika takohet me shkencën, teknologjinë dhe krijimtarinë, duke nxitur dialogun mes studiuesve dhe profesionistëve nga vende të ndryshme të botës.

Continue Reading

Lajmet

Më 22 shtator dëshmitari i ri i mbrojtjes në rastin Thaçi dhe të tjerët

Published

11 hours ago

on

September 18, 2025

By

Pas përfundimit të dëshmisë së dëshmitarit Paul Williams, gjykimi në çështjen kundër Thaçit, Veselit, Selimit dhe Krasniqit përfundoi për ditën e sotme dhe për këtë javë. Gjykimi do të rinis të hënën.

Pas përfundimit të dëshmisë së dëshmitarit Paul Williams, gjykimi në çështjen kundër Thaçit, Veselit, Selimit dhe Krasniqit përfundoi për ditën e sotme dhe për këtë javë.

Gjykimi do të rinis të hënën, më 22 shtator në ora 09:00, kur pritet të fillojë dëshminë një dëshmitar i ri i thirrur prej Mbrojtjes.

Të hënën pritet të nisë dëshminë dëshmitari i tretë me radhë, një britanik, i thirrur nga mbrojtja e ish-presidentit Hashim Thaçi.

Paul Williams, dëshmitari i dytë i mbrojtjes Thaçi në Gjykatën Speciale në Hagë, sot deklaroi se delegacioni i Kosovës në Rambuje dhe vet Hashim Thaçi kërkonin pavarësinë.

“Hashim Thaçi dhe do të thoja të gjithë anëtarët e delegacionit shqiptar të Kosovës dhe ekspertët tyre kosovarë, shqiptarë, kërkonin pavarësinë”, tha Williams.

Williams tha se i ka treguar delegacionit rrugën drejt pavarësisë.

“Pavarësia ishte e domosdoshme. Kam kaluar shumë kohë duke u shpjeguar rrugën se si mund të arrinin pavarësinë në qoftë se fjala pavërsi nuk shkruhej në marrëveshjen e Rambujesë’, shtoi ai.

Williams më tej theksoi shkollimin e Hashim Thaçit në Zvicër, duke potencuar se ai ka pasur kulturë të sjelljes./D.B/EO

Continue Reading

Lajmet

Basha pret në takim ambasadorin e Shqipërisë, Petrit Malaj

Published

11 hours ago

on

September 18, 2025

By

Kryetari i Kuvendit të Republikës së Kosovës, Dimal Basha, ka pritur sot në takim Ambasadorin e Republikës së Shqipërisë, Petrit Malaj dhe zëvendësamasadoren, Pranvera Teli.

Gjatë takimit, Basha dhe Malaj diskutuan për idenë e mundësisë së krijimit të një Zyreje Ndërlidhëse në kuvendet e të dyja shteteve, ku deputetët do të informohen në kohë reale për zhvillimet brenda institucioneve përkatëse, pastaj ku shkëmbehen njoftimet për qëndrimet e kuvendeve në raport me temat e caktuara si dhe ku përditësohen lajmet lidhur me procedurat dhe iniciativat në zhvillim me rëndësi për dy vendet.

“Kjo do të ndihmonte edhe në mësim reciprok nga përvoja e komisioneve parlamentare dhe trupat punuese të dyja shteteve, ku shkëmbimi i praktikave më të mira dhe forcimi i bashkëpunimit ndërinstitucional do të lehtësonte adresimin e çështjeve të përbashkëta për të avancuar agjendat e zhvillimit të dy kuvendeve“, thuhet në njoftim.

Basha më tej theksoi rëndësinë e mbështetjes së vazhdueshme të Shqipërisë për procesin e integrimit të Kosovës në Bashkimin Evropian, duke shprehur angazhimin serioz të Kuvendit të Kosovës për të avancuar në këtë drejtim. Ai gjithashtu uroi Ambasadorin Malaj për hapjen e katër kapitujve në negociatat për anëtarësimin e Shqipërisë në BE, duke vlerësuar këtë arritje si moment të rëndësishëm përpara në rrugën e integrimit evropian/D.B/KP

Continue Reading

Lajmet

Haradinaj takohet me ambasadoren greke, kërkon njohjen e Kosovës nga Greqia

Published

11 hours ago

on

September 18, 2025

By

Kreu i AAK-së, Ramush Haradinaj, ka takuar sot shefen e Zyrës Ndërlidhëse të Greqisë, Heleni Vakali.

Haradinaj përmes një postimi në Facebook ka shkruar se temë e diskutimit ishin zhvillimet në Kosovë dhe rajon si dhe raportet mes dy vendeve, transmeton KosovaPress.

“Sot prita në selinë e Aleancës Shefen e Zyrës Ndërlidhëse të Greqisë, znj. Heleni Vakali.Biseduam për zhvillimet në Kosovë dhe rajon, për raportet ndërmjet dy vendeve tona, si dhe për mundësitë e thellimit të mëtejshëm të tyre“, ka shkruar ai.

Tutje, Haradinaj tha se ka kërkuar edhe njohjen e Kosovës nga Greqia, duke potencuar se nga kjo do të përfitonin të dy vendet dhe i gjithë rajoni.

“Ambasadores Vakali i shpreha mirënjohje për mbështetjen e dhënë proceseve për Kosovën dhe e ftova që të mbështesë vendin tonë në angazhimet për njohjen e shtetit të Kosovës nga Greqia dhe në proceset e integrimit euro-atlantik. Njohja e Kosovës nga Greqia do të krijonte horizonte të reja zhvillimi, nga e cila do të përfitonin jo vetëm vendet tona, por i gjithë rajoni“, përfundoi ai./D.B/KP

Continue Reading

Të kërkuara