Një grua e moshuar ukrainase duke tundur një flamur të kuq sovjetik është bërë fytyra e pazakontë e propagandës së Kremlinit pasi një video e takimit të saj me ushtarët ukrainas u bë virale. BBC ra në kontakt me të moshuarën Babushka Z, dhe tentoi ta zbulonte të vërtetën pas incidentit.
“Unë nuk mendoj se ata duhet të më lavdërojnë. Unë jam vetëm një grua fshatare. Nuk e kuptoj pse jam bërë kaq e famshme”, deklaroi ajo.
Gruaja që u bë e njohur si Babushka Z, “gjyshe” në gjuhën ruse, dhe Z-ja që i referohet simbolit të vendosur në vetura – u shokua kur BBC i tregoi se sa e famshme u bë.
“Kurrë s’e kam parë atë”, deklaroi ajo.
Në video shihet ajo duke ecur drejt dy ushtarëve ukrainas duke mbajtur një flamur të kuq sovjetik. Ushtarët thanë se kanë ardhur për t’i ndihmuar dhe për t’i ofruar ushqim. Pastaj i heqin flamurin, e hudhin në tokë dhe shkelin mbi të. Kështu e moshuara u ndje e fyer nga ta dhe ua kthej ushqimin.
“Prindërit e mi dhanë jetën për atë flamur në Luftën e Dytë Botërore”, deklaroi ajo.
Për Kremlinin, kjo ishte flori. Propaganda ruse rrallëherë është në gjendje të përqendrohet te individët dhe ata e panë këtë grua si një shembull të rrallë të një ukrainase që i vinte keq për rënien e Bashkimit Sovjetik dhe i konsideronte rusët si çlirimtarë. Shumica e ukrainasve – madje edhe në rajonet rusishtfolëse – nuk e kanë mirëpritur pushtimin rus, kështu që valvitja e flamurit sovjetik u përdor si provë se veprimet kanë mbështetje nga banorët vendas.
Makina propagandistike e Kremlinit filloi të funksionojë. Brenda pak ditësh, imazhi i saj – një rikthim i një gruaje fshatare stereotipike të epokës sovjetike me shaminë e saj ortodokse, çizmet dhe fundin e trashë – filloi të shfaqej kudo, nga Moska dhe Siberia në ishullin Sakhalin në lindjen e largët.
Tani ajo është përjetësuar në murale, postkarta, skulptura, e të tjera. Këngë dhe poezi i janë kushtuar asaj. Zyrtarët ruse madje zbuluan një statujë të saj në Mariupol, qyteti ukrainas që u bombardua nga forcat ruse.
Deri më tani, askush nuk e dinte identitetin e Babushka Z. Në fakt, as nuk e dinin nëse ishte gjallë. Por ajo është e gjallë. Emri i saj është Anna Ivanovna dhe jeton në Velyka Danylivka, një fshat afër Kharkivit në verilindje të Ukrainës, ku jeton me bashkëshortin, qentë, macet dhe lepujt e saj.
69-vjeçarja u befasua kur i pa imazhet e saj. “A dukem kaq e vjetër”, pyeti ajo. “Më duket sikurse dikush i huaj po më shikon”.
Por historia e saj është shumë ndryshe nga imazhi që kanë nxjerrë mediat ruse. Ajo nuk e mbështet luftën.
“Si mund të përkrahi vdekjen e njerëzve të mi? Nipërit dhe mbesat e mia u detyruan të shkojnë në Poloni. Jetojmë në frikë dhe terror”, deklaroi ajo.
Pra, pse Anna përshëndeti ushtarët me një flamur sovjetik? Ajo thotë se rasti i saj u keqkuptua. Ajo pretendon se ngatërroi dy ushtarët ukrainas që i ofronin ushqim me ushtarët rusë.
“Unë isha e lumtur që rusët do të vinin dhe nuk do të luftonin me ne. Isha e lumtur që do të bashkoheshim sërish”, deklaroi ajo.
Anna tha se veprimi i tij nuk ka prapavijë politike. Flamuri i kuq, thotë ajo, nuk është flamuri i Bashkimit Sovjetik, jo i Rusisë, por “flamuri i dashurisë dhe lumturisë në çdo familje, në çdo qytet, në çdo republikë. Jo i gjakderdhjes. Dhe kushdo që thotë të kundërtën, është gabim”.
Anna ka frikë për sigurinë e saj. Në Ukrainë, ajo po sulmohet online sepse po shihet si pro-ruse./UBTNews/
Presidenti francez, Emmanuel Macron, ka dënuar kërcënimet me vdekje ndaj gjyqtares Benedikte de Perthuis, e cila ishte ndër tre gjyqtarët që dënuan lideren e ekstremit të djathtë, Marine Le Pen. Macron e quajti këtë veprim “absolutisht të papranueshëm dhe të patolerueshëm” dhe tha se gjyqtarja është vënë nën mbrojtjen e policisë, ndërsa autoritetet po hetojnë kërcënimet. Ai gjithashtu theksoi se dega gjyqësore është e pavarur dhe ligji është i barabartë për të gjithë.
Në lidhje me dënimin e Le Pen, Macron theksoi se të gjithë të akuzuarit kanë të drejtë të ndjekin rrugët ligjore. Le Pen është shpallur fajtore për përvetësim të fondeve të Bashkimit Evropian për financimin e partisë së saj dhe është dënuar me katër vjet burgim, dy prej të cilave me kusht. Ajo gjithashtu është ndaluar të kandidojë për poste publike për pesë vjet dhe është dënuar me një gjobë prej 100.000 euro. Dënimi për ndalimin e kandidimit është me efekt të menjëhershëm, ndërsa burgimi dhe gjoba do të zbatohen pas përfundimit të apeleve.
Kryeministri në detyrë, Albin Kurti, ka komentuar gjobën prej 250 euro të vendosur nga Gjykata Themelore e Prishtinës për shkak të mosparaqitjes së tij në Prokurorinë Speciale (PSRK) lidhur me rastin e rezervave shtetërore. Kurti tha se ndonjëherë e dënojnë atë, por ka sugjeruar që gazetarët të mos mërziten për këtë. Ai bëri këto komente pas përurimit të çerdhes në lagjen “Rezinë” të Gjakovës.
Kurti është paralajmëruar për gjobë që nga fundviti i kaluar për shkak të refuzimit për t’u paraqitur në prokurori. Ai ka kërkuar që prokurorët të shkojnë në zyrën e tij, duke theksuar se ka precedent për këtë, por Gjykata ka urdhëruar që ai të dëshmojë në prokurori lidhur me dyshimet për dëm ekonomik në rezervat shtetërore. Prokuroria dyshon se shteti është dëmtuar me rreth 600,000 euro gjatë blerjes së produkteve për rezervën shtetërore.
Sekretari i përgjithshëm i NATO-s, Mark Rutte, ka theksuar se autorët e sulmit në Banjskë dhe ndaj trupave të KFOR-it në veri të Kosovës, më 2023, duhet të mbahen përgjegjës, dhe ka shtuar se kjo është përgjegjësi e Serbisë.
Rutte ka theksuar rëndësinë e stabilitetit në Kosovë dhe ka thënë se situata e sigurisë është përmirësuar që nga vitit 1999 dhe duhet të ruhet. Ai përmendi bisedat me presidentin serb, Aleksandar Vuçiç, për këtë çështje.
Në një konferencë për media në Bruksel, Rutte është pyetur gjithashtu nëse NATO është konsultuar për marrëveshjen e bashkëpunimit në mbrojtje ndërmjet Serbisë dhe Hungarisë, të nënshkruar më 1 prill. Rutte ka përmendur se aleanca nuk është konsultuar, ndërkohë që ka përmendur edhe marrëveshjen e bashkëpunimit midis Kosovës, Shqipërisë dhe Kroacisë.
Kryetari i Lëvizjes Vetëvendosje (LVV), Albin Kurti, njoftoi se ka filluar konsultimet me komunitetet jo shumicë për formimin e qeverisë së re. Ai theksoi se ka takuar kryetaren e Partisë së Re Demokratike (NDS) nga komuniteti boshnjak, Emilija Rexhepi, dhe kryetarin e Partisë për Liri, Drejtësi dhe Mbijetesë nga komuniteti serb, Nenad Rashiq. Kurti shtoi se do të zhvillojë takime të tjera shpejt, por nuk specifikoi nëse do të ketë konsultime me ndonjë parti tjetër shqiptare.
Në lidhje me dënimin nga Gjykata e Prishtinës me 250 euro për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore, Kurti reagoi me ironi, duke thënë se shpesh e dënojnë për raste të tilla. Ai u sugjeroi gazetarëve që të mos mërziten për një dënim të tillë.