Lajmet

Avokati i shteti fitoi 516 raste gjyqësore – buxheti përfitoi gati 13 milionë euro

Published

5 years ago

on

Lëvizja “FOL” ka publikuar raportin “Efikasiteti i Avokaturës Shtetërore gjatë vitit 2020”, raporton Ekonomia Online.

Albana Hasani hulumtuese në “FOL” ka paraqitur të gjeturat për punën e Avokaturës Shtetërore.

Sipas saj, gjykatat kanë nxjerrë 1 515 aktgjykime, ku palë kishin qenë institucionet shtetërore të përfaqësuara nga Avokatura Shtetërore.

Nga këto aktgjykime, institucioni i Avokaturës Shtetërore i kishte fituar 516 raste, 431 i ka humbur, ndërsa 222 raste nuk kishin marrë ende epilog gjyqësor.  

“Gjatë periudhës janar-dhjetor 2020, në rastet ku palë kanë qenë institucionet shtetërore të përfaqësuara nga Avokatura Shtetërore, janë krijuar gjithsej 2 180 të reja. Numri më i madh i këtyre lëndëve të krijuara gjatë vitit 2020 ishin nga procedura jo-kontestimore (708 lëndë), duke u pasuar nga lëndët e procedurës administrative(632 lëndë), kontestimore (599 lëndë), përmbarimore (174 lëndë) dhe në fund, nga lëndët e procedurës penale (68 lëndë). Gjatë kësaj periudhe, Gjykatat e Republikës së Kosovës kishin sjellë 1 515 aktgjykime, ku palë kishin qenë institucionet shtetërore të përfaqësuara nga Avokatura Shtetërore”.

Ajo ka sqaruar se nga këto përfaqësime, institucionet kishin fituar gjithsej 12 849 600.80 euro, kurse shuma e paguar nga institucionet shtetërore palëve që kanë pasur sukses në kontestet gjyqësore në vitin 2020 ishte 3 507 645.10 euro.

“Nga këto aktgjykime, institucioni i Avokaturës Shtetërore i kishte fituar 516 raste, 431 i ka humbur, ndërsa 222 raste nuk kishin marrë ende epilog gjyqësor (prej tyre janë kthyer në rigjykim 99 lëndë, në rishqyrtim 25 lëndë dhe 98 lëndë në rivendosje). Nga këto përfaqësime, institucionet e Republikës së Kosovës kishin fituar gjithsej 12 849 600.80 €”.

“Ndërkaq shuma e paguar nga institucionet shtetërore të Republikës së Kosovës palëve që kanë pasur sukses në kontestet gjyqësore në vitin 2020 ishte 3 507 645.10 €”.

“Gjatë kësaj periudhe ishin sjell edhe 234 vendime nga procedura e shpronësimit (vlera totale e të cilave ishte 15,659,997.38 €) dhe 83 vendime të përmbarimit (me vlerë prej 3,543,716.42 €). Nga aktgjykimet e marruar në vitin 2020, institucionet shtetërore (të përfaqësuara nga Avokatura Shtetërore) ishin paraqitur si palë e paditur në 1 430 lëndë, ndërsa në 162 lëndë si palë paditëse”.

Pesë institucionet shtetërore që më së shumti janë përfaqësuar nga Avokatura Shtetërore në lëndët që kanë përfunduar me epilog gjyqësor ishin: Ministria e Punës dhe Mirëqenies Sociale; Qeveria e Republikës së Kosovës; Ministria e Punëve të Brendshme; Ministria e Infrastrukturës si dhe Ministria e Ekonomisë dhe Ambientit.

“Pesë institucionet shtetërore që më së shumti janë përfaqësuar nga Avokatura Shtetërore në lëndët që kanë përfunduar me epilog gjyqësor gjatë vitit 2020 ishin: Ministria e Punës dhe Mirëqenies Sociale (në 533 raste), Qeveria e Republikës së Kosovës (në 299 raste), Ministria e Punëve të Brendshme (në 134 raste), Ministria e Infrastrukturës (në 106 raste), si dhe Ministria e Ekonomisë dhe Ambientit (në 85 raste)”.

“Aktualisht në Avokaturën Shtetërore, përveç Avokatit të Përgjithshëm Shtetëror, eprojne edhe 11 punëtorë, 9 prei të cilëve janë avokatë shtetëror, ndërsa 3 të tjerë zyrtarë të lartë ligjor.

Hasani poashtu ka paraqitur edhe rekomandimet kryesore që FOL ka për Avokaturën Shtetërore, raporton EO

“Të rritet transparenca e Avokaturës Shtetërore në ueb-faqen zyrtare të ministrisë së Drejtësisë, duke i paraqitur dhe shpërfaqur të gjitha informatat dhe dokumentet e karakterit publik, duke përfshirë edhe raportin mbi shfrytëzimin e buxhetit shtetëror, dokumentet strategjike, informatat nga prokurimet publike, raportet vjetore, të dhënat në lidhje me të punësuarit, raportet mbi punën e avokatëve shtetëror, si dhe të dhëna të tjera të domosdoshme për informimin e publikut”.

“Çështja e rritjes së numrit të të punësuarve në Institucionin e Avokaturës Shtetërore, duke përfshirë edhe rritjen e numrit të avokatëve shtetëror, të merret me prioritet”.

“Të nxirret akti nënligjor për organizimin e brendshëm të Avokaturës Shtetërore, i paraparë me legjislacionin në fuqi”.

“Të organizohen seminare, punëtori dhe takime të shpeshta koordinuese me përfaqësuesit ligjor të komunave, në mënyrë që të adresohen dhe shkëmbehen sfidat, përvojat dhe nevojat e tyre”.

“Të stimulohet trajnimi dhe specializimi i avokatëve shtetëror në lëmi të ndryshme nga fusha e drejtësisë, duke organizuar ligjërata dhe trajnime me profesorë universitar, ekspertë të fushave, gjyqtarë dhe prokurorë”.

Sami Istrefi nga Avokatura Shtetërore, tha se po ballafaqohen me mungesës të stafit.

Sipas tij, ky institucion është jashtëzakonisht i rëndësishëm prandaj edhe duhet trajtim i denjë nga institucionet përgjegjëse.

“Të gjeturat që keni gjetur i keni marrë në bazë të publikimeve që ne kemi bërë në ueb faqen e ministrisë së Drejtësisë. Ne prioritet e kemi që të jemi sa më të hapur me punën që bëjmë. Po ballafaqohemi me problem të mungesës së stafit”.

“Ne gjatë vitit 2019/20 kur kam marrë detyrën kam gjetë vetëm 4 avokat kurse tani kemi 9 dhe tani është e pamundur të kryhen detyrat dhe përgjegjësitë siç duhet. Ne në takimet tona qeveritare jemi munduar t’i paraqesim këto probleme. Ky institucion është jashtëzakonisht i rëndësishëm dhe duhet të ketë trajnime për afatin pasi ata janë në pozitë jo të mirë në përfaqësimin e punës së tyre”.

Related Topics:
Continue Reading

Lajmet

28 Nëntori pa kufij – Nga Shqipëria në Kosovë

Published

6 hours ago

on

November 28, 2025

By

28 Nëntori është data që bashkon shqiptarët kudo në botë, pa kufij e pa dallime. Është data kur historia shqiptare merr frymë më fort dhe ku kujtesa kombëtare ndizet si një flakadan që udhëheq brezat e rinj.
Në këtë ditë, 113 vjet më parë, Shqipëria shpalli pavarësinë e saj. Ismail Qemali ishte në krye të procesit të shpalljes së pavarësisë. Dhe kreu i qeverisë së parë. Por, hija e trojeve shqiptare që mbetën jashtë kufijve ishte aty. Si shpresë dhe si mungesë.
Hija e Kosovës, gjithsesi!
E për Kosovën kjo datë ka peshë të dyfishtë – lidhet me dy momente të shenjta të historisë shqiptare.
Në këtë datë historike lindi një nga figurat më të mëdha të rezistencës kosovare, Adem Jashari. Ndërsa Prekazi i asaj kohe të vitit 1955 ishte një fshat i thjeshtë, pastaj duke kaluar në vitet e errëta të represionit, heroi Adem Jashari u bë një simboli i lirisë, zëri i qëndresës dhe zemra e Ushtrisë Çlirimtare të Kosovës (UÇK). Jeta dhe sakrifica e tij padyshim është shndërruar në betim për një popull të tërë.
Historia e familjes Jashari, ishte sakrifica e kthyer në një kapitull të rrugës drejt lirisë për Kosovën.
Po në këtë datë, kur frika ishte më e madhe, kur shumëkush nuk fliste hapur, dalja e Ushtrisë Çlirimtare të Kosovës për herë të parë publikisht, tregoi se Kosova nuk do qëndronte më e heshtur. Më figurat e Mujë Krasniqit, Daut Haradinajt e Rexhep Selimit, UÇK doli nga hija po me këtë datë, më 28 nëntor, si një mesazh që flamuri kuq e zi nuk valëvitej vetëm për Shqipëri, ai do rritej edhe në Kosovë, në zemrat e të gjithë shqiptarëve të Kosovës që ishin të vendosur të mos dorëzohen.
Pra, në këtë ditë, më 28 nëntor 1997, për shumë shqiptarë rezistenca nuk ishte e shpërndarë dhe e paorganizuar, ndërsa sot dalja e parë e UÇK-së kujtohet si një nga momentet më të rëndësishme të viteve ‘90. Ky moment mbetet i gdhendur në kujtesën kolektive si nisja e një etape drejt një Kosove të lirë.
Kështu, 28 nëntori për Kosovën nuk është vetëm festa e Flamurit, ajo është data kur gjaku, historia dhe identiteti kombëtar bashkohen në një. Është dita kur kujtojmë rrënjët tona, por edhe betejat e reja. Një datë e cila na rikujton se liria nuk ishte dhuratë, por amanet i hershëm. Një datë, në të cilën gjenerata të tëra festojnë lirshëm, gjithnjë duke kujtuar deceniet me radhë kur nuk mund të festohej haptazi, kur flamuri shqiptar ishte i ndaluar, kur për një “fjalë Shqipërie” mbusheshin burgjet me të rinj e të reja shqiptare.
Falë Adem Jasharit, falë UÇK-së, falë të gjitha lëvizjeve kombëtare shqiptare, të të gjitha kohërave – 28 Nëntori mbetet një ditë ku Shqipëria dhe Kosova bëhen një./UBTNews

Continue Reading

lajme

UBT uron 28 Nëntorin – Ditën e Flamurit dhe Pavarësisë

Published

8 hours ago

on

November 28, 2025

By

Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.

Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.

Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.

UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.

Gëzuar 28 Nëntorin!

Continue Reading

Lajmet

Kuvendi i Prishtinës diskuton në seancë të jashtëzakonshme për bllokadën e buxhetit

Published

1 day ago

on

November 27, 2025

By

Kuvendi Komunal i Prishtinës është mbledhur në seancë të jashtëzakonshme ku kryetari Përparim Rama ka kërkuar që të bëhet bartja e mjeteve në vlerë 28 milionë euro dhe votimin e buxhetit 2026.

Por asamblistët e VV-së kanë thënë se gjithë bllokimi i Prishtinës ka ndodhur për shkak të kryetarit.

“Urime të gjithë asamblistëve që janë zgjedhur dhe falënderim për ata që e kanë përfunduar, katër vite kanë qenë të rëndësishme dhe vendimtare te kryeqytetit. Edhe sot jemi në këtë seancë në shërbim të interesit publik. Para nesh kemi bartjen e mjeteve në vlerë 28 milionë euro dhe votimin e buxhetit për vitin 2026-të prioritet absolut janë qytetarët e kryeqyteti. Fondet do të shfrytëzohen menjëherë për pagat e punëtorëve dhe për shërbimet e kryeqytetit. Kërkojë edhe 35 milionë euro te cilat u takojnë qytetarëve me ligj duhet vullnet për miratim nga ministri i financave. Ju falënderoj për përgjegjësinë dhe zotohem para jush se do të jem i pranishëm në çdo veprim, nuk e mbrojmë interesin partiak po të qytetarëve”, tha ai.

Asamblisti i VV-së, Gëzim Sveçla i tha Ramës së i bakretuar ke ardh e me turp do të përfundosh.

“Jemi këtu sepse kryeqyteti është futur në krizën më të rëndë të menaxhimit jemi këtu sepse qyteti është bllokuar qytetarët kanë mbetur pa paga dhe autobusët janë ndalur dhe kryetari ka dërguar situatën në zero. Vetëm kur punëtorët e trafikut dolën në rrugë atëherë e kuptoj se bartja e mjeteve nuk bëhet në studio televizive por në kuvendin komunal. Kriza i duhet Përparim Ramës dhe LDK e përdori këtë strategji për fushatën lokale tash dëshiron ta përdor edhe për zgjedhjet lokale. Kur buxheti është miratuar ligji thotë komuna funksion me 1/12 te buxhetit paraprakë. Është e qartë se fajtori pse u vonua buxheti i Prishtinës është Përparim Rama, ai shpik miq imagjinar, shpik bllokada, u tha qytetarëve që Qeveria ua ka bllokuar mjete është gënjeshtër vetëm në nëntor dy alokime, për çfarë bllokade po flet, çerdhe i ke lënë pa rryme. Përparimi nuk është vetëm menaxher i keq është edhe borxhli i keq borxh operatorëve ekonomik, për rryme e për gjithçka derisa ka qenë Londër pasojat i ka bartur vetë. Kur zihen punët del merresh me emra të veçantë të VV-së të njëjtin njerëz për të cilët votove ne nuk kemi ndryshuar ti ke ndryshuar, nuk ka pasur parime kurrë. E din shumë mirë cka na ke thënë për LDK, për Lumir Abdixhikun”, tha ai.

Ndërsa Leutrim Retkoceri nga PDK ka thënë se ndërprerja e autobusëve rëndon më shumë jetën e qytetarëve.

“Mbledhja e jashtëzakonshme po zhvillohet në një kohë ku krizat financiare në Prishtinë po thellohen dhe po bëhet gjithnjë më serioze. Në një kohë kur ka rritje të çmimeve dhe kostos së shtrenjte dhe e ndërprerja e autobusëve kjo e rëndon më shumë jetën e qytetarëve të Prishtinës. PDK do të votojë në këtë seancë, ndëshkimi i një qyteti të tërë për shkak të mos arritjes objektive politike nuk ka vend në qeverisje dhe nuk duhet të tolerohet” , tha ai./EO

Continue Reading

Lajmet

​Ndërpritet greva pas lëshimit të mjeteve financiare për RTK-në

Published

1 day ago

on

November 27, 2025

By

Sindikata e Punëtorëve të RTK-së SPERTK njofton për ndërprerjen e grevës pas zhbllokimit të situatës me buxhetin e RTK-së dhe krijimin e mundësisë për adresimin e çështjeve të mbetura, që ndikojnë drejtpërdrejt në funksionimin e transmetuesit publik.

Pas protestave dhe grevës katërditore të zhvilluara nga punëtorët e RTK-së, Qeveria e Kosovës ka ndarë mjetet për pagat e punonjësve të RTK-së, raporton KosovaPress.

Sindikata thotë se punëtorët e RTK-së gjatë gjithë kësaj periudhe nuk kanë pasur komunikim adekuat nga ata që paguhen për sigurimin e stabilitetit të institucionit dhe pagesën e pagave, gjë që ka qenë për keqardhje dhe ka rënduar situatën, duke krijuar pasiguri dhe shqetësim të panevojshëm.

Për më tepër, sindikata falënderon Qeverinë dhe kryeministrin në detyrë për ndërmarrjen e hapave që çuan në zhbllokimin e situatës me buxhetin, si një veprim i domosdoshëm për stabilitetin e institucionit dhe ruajtjen e misionit të RTK-së si transmetues publik.

SPERTK përkujton se nëse gjatë janarit 2026 hasim sërish në situata të tilla, greva mund të rikthehet menjëherë dhe në çdo formë të nevojshme./KP

Continue Reading

Të kërkuara