Lajmet

Avokati i Pjetër Shalës kërkon që sa më parë të publikohet aktakuza e korrigjuar

Palët kanë diskutuar për procesin e hetimit, përkthimet dhe nxjerrjen e materialeve.

Published

5 years ago

on

Në Dhomat e Specializuara në Hagë është mbajtur konferenca mbi ecurinë e çështjes ndaj ish-pjesëtarit të Ushtrisë Çlirimtare të Kosovës (UÇK), Pjetër Shala.

Palët kanë diskutuar për procesin e hetimit, përkthimet dhe nxjerrjen e materialeve. Mbrojtja e Shalës, avokati Jean-Louis Gilissen ka kërkuar nga Zyra e Prokurorit të Specializuar(ZPS) që të publikohet versioni i redaktuar i aktakuzës dhe një gjë e tillë të diskutohet në konferencën e ardhshme.

Gilissen ka thënë se aktakuza e korrigjuar të cilën ZPS e ka nxjerrë më 1 nëntor 2021, nuk është ende publike dhe sipas tij, një dokument i tillë i kësaj rëndësie duhet të bëhet publik sa më parë.

“Më vjen keq që ky dokument kaq i rëndësishëm që është dokument themelor për këtë procedurë nuk është publik edhe pse kanë kaluar 15 ditë nga nxjerrja e tij. Sigurisht nuk është qortim për zyrën administrative unë e kuptoj shumë mirë vështirësitë por tërheqja nga ZPS sa i takon pjesëmarrjes së zotëri Shala në disa elemente me të cilat mbështeteshin pikat e akuzat në aktakuzën fillestare janë shumë të rëndësishme për zotëri Shala për procedurën por në veçanti për ata që e ndjekin këtë procedurë, e kam fjalën për familjen e zotëri Shala, por edhe për mediat”, ka thënë ai.

Mbrojtja e Shalës ka kërkuar që aktakuza e korrigjuar të diskutohet në konferencën e ardhshme por e njëjta paraprakisht duhet të bëhet publike.

“Unë do të ngulja këmbë që versioni publik i aktakuzës të dalë sa më shpejtë sepse version i tanishëm i aktakuzës që është i paraqitur në ëeb site dhe në media, nuk pasqyron realitetin, faktet apo veprat që prokuroria me gjasë ia ngarkon zotëri Shala dhe të cilat zotëri Shala sigurisht i ka mohuar. Aktakuza e korrigjuar duhet të debatohet në konferencën e ardhshme për ecurinë e çështjes pro për tu bërë kjo ajo duhet të jetë publike”, ka shtuar ai.

Ndërsa nga prokuroria është thënë se nëse e njëjta nuk bënë pjesë në dokumentet të cilat i ka nxjerrë prokuroria mbrojtjes, atëherë do të dorëzohet së shpejti.

Por nga avokatët kanë deklaruar se nuk e kanë gjetur në asnjë prej dokumenteve që u janë dorëzuar nga prokuroria.

E gjykatësi i procedurës paraprake, Nicolas Guillou ka pyetur mbrojtjen nëse synon të bëjë kërkesë për rishikim të ardhshëm të paraburgimit.

Sipas një vendimi, mbrojtja do të dorëzohet parashtrimet për rishikim të ardhshëm të paraburgimit jo më vonë se data 17 dhjetor 2021, ndërsa përgjigjet dhe kundërpërgjigjet do të bëhen sipas afateve të rregulluara.

Nga mbrojtja është thënë se pajtohen që kërkesa për rishikim të bëhet para periudhës së pushimit që fillon më 20 dhjetor 2021, por nëse shtyhet pas pushimit, atëherë kanë deklaruar se duhet të konsultohen me Pjetër Shalën për hapat e mëtejmë.

Ndërsa gjykatësi i procedurës paraprake ka bërë të ditur që nuk parasheh kërkesa të tilla para pushimit meqë nuk përshtatet me kalendarin.

Guillou ka thënë se nëse mbrojtja vendos të mos dorëzojë asnjë parashtrim brenda këtij afati, ZPS i dorëzon parashtrimet për rishikimin e ardhshëm të paraburgimit jo më vonë se 23 dhjetor 2021 dhe mbrojtja mund të dorëzojë kërkesat e saj jo më vonë se 5 janar 2022.

E sa i përket diskutimeve për hetimet, Zyra e Prokurorit të Specializuar ka thënë se hapat shtesë hetuese do të përfundohen para dorëzimit të dosjes paragjyqësore, për të cilën ZPS ka afat ta dorëzojë deri më 28 janar 2022.

Ndërsa mbrojtja synon të kryejë hetime në funksion të paraqitjes së provave nga ana e saj ndërkohë ka angazhuar persona që do të ndihmojnë në kryerjen e hetimeve në teren.

Avokati Jean-Louis Gilissen ka ngritur shqetësim edhe sa u përket përkthimeve për të cilat ai ka thënë se Pjetër Shala ka nevojë meqë duhet t’i lexojë dokumente në gjuhën shqipe.

“Zotëri Shala duhet të lexoj në gjuhën që e kupton dhe mendoj që vendimi kryesor duhet të ishte që të përkthehen plotësisht në mënyrë të tillë që i akuzuari të informohet plotësisht. Më lejoni të jap një shembull, e kam fjalën posaçërisht për vendimin e marrë nga ju zotëri gjykatës siç është vendimi për mocionet paraprake, teksa flasim këto vendime nuk janë përkthyer ende, disa njerëz mund të thonë që ky nuk është problem por kjo do të thotë që ne jemi të detyruar që të diskutojmë me zotëri Shala për mundësinë e apelimit të këtij vendimi ndërkohë që zotëri Shala nuk ka lexuar një përkthim të plotë në gjuhën shqipe të këtij dokumenti”, ka thënë mbrojtja e Shalës.

Nga prokurorja është thënë se u kanë dorëzuar mbrojtjes përkthime dhe pjesa e mbetur do të përkthehet dhe dorëzohet së shpejti.

Kjo ishte konferenca e katërt mbi ecurinë e çështjes së Pjetër Shalës, ish-pjesëtar i UÇK-së të cilin Zyra e Prokurorit të Specializuar e akuzon nën pretendimin për krime lufte.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill 2021, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.

Related Topics:
Continue Reading

Lajmet

United Hospital – kujdes shëndetësor 24/7, me teknologji moderne dhe qasje të integruar ndaj pacientit

Published

5 hours ago

on

September 25, 2026

By

Shëndeti kërkon kujdes të vazhdueshëm, diagnostikim të saktë dhe trajtim të koordinuar. United Hospital ofron shërbime shëndetësore 24 orë në ditë, 7 ditë në javë, duke integruar diagnostikën, emergjencën, trajtimin specialistik, kirurgjinë dhe kujdesin intensiv në një strukturë të vetme.

Me fokus në sigurinë e pacientit, precizitetin diagnostik dhe kujdesin multidisiplinar, spitali ofron shërbime nga disa fusha të mjekësisë, duke u mundësuar pacientëve qasje në kujdes profesional për nevoja të ndryshme shëndetësore.

Në fushën e diagnostikës, Radiologjia dhe CT-ja janë pjesë e infrastrukturës teknologjike të spitalit, ndërsa sipas institucionit, pajisjet mundësojnë ekzaminime me deri në 40% më pak ekspozim ndaj rrezatimit, në krahasim me teknologjitë përkatëse tradicionale, në varësi të ekzaminimit dhe protokollit të përdorur.

Shërbimet specialistike përfshijnë Kardiologjinë, Hematologjinë, Nefrologjinë, Gastroenterologjinë dhe Pulmologjinë, duke ofruar qasje të dedikuar për diagnostikimin dhe menaxhimin e një game të gjerë të problemeve shëndetësore.

Në kuadër të shërbimeve kirurgjikale, United Hospital mbulon disa profile, përfshirë Kirurgjinë e Përgjithshme, Kardio-kirurgjinë, Ortopedinë, Kirurgjinë Vaskulare, Pediatrike, Gjinekologjinë, Urologjinë, ORL-në, Kirurgjinë Maksilofaciale dhe Torakale.

Një fokus i veçantë i kushtohet edhe kujdesit për fëmijët. Neonatologjia dhe Pediatria ofrojnë shërbime të dedikuara për pacientët më të vegjël, ndërsa Laboratori, Emergjenca, Radiologjia dhe Kujdesi Intensiv janë të disponueshme gjatë gjithë kohës.

Me një qasje që synon të lidhë diagnostikimin, trajtimin dhe kujdesin e vazhdueshëm, United Hospital e pozicionon veten si një qendër ku pacientët mund të marrin shërbime të integruara shëndetësore në çdo kohë./rajonipress/

📍 M2 Prishtinë–Ferizaj, Km 7, Prishtinë, Kosovë

📞 038 60 70 70 / 046 60 70 70

Continue Reading

Lajmet

Kuvendi voton të hënën deklaratën për Specialen, në rend dite edhe zgjedhja e nënkryetarit

Published

7 hours ago

on

September 25, 2026

By

Kuvendi i Republikës së Kosovës do të mbajë të hënën, më 28 shtator, seancë plenare, e cila do të nisë në orën 11:00.

Sipas rendit të ditës, deputetët do të shqyrtojnë disa çështje, përfshirë miratimin e një deklarate lidhur me aktgjykimin e Dhomave të Specializuara të Kosovës të 16 shtatorit 2026.

Në rendin e ditës janë përfshirë këto pika:

Miratimi i procesverbaleve nga seancat e mëparshme.

Betimi i deputetëve.

Miratimi i Deklaratës lidhur me Aktgjykimin e Dhomave të Specializuara të Kosovës, të datës 16 shtator 2026.

Zgjedhja e nënkryetarit të Kuvendit të Republikës së Kosovës nga Grupi Parlamentar i Partisë Demokratike të Kosovës (PDK).

Formimi i komisioneve parlamentare./A.K/

Continue Reading

Lajmet

Përmbyllet gara ushtarake “Ujku Garues 2026”: Regjimenti i Dytë i Këmbësorisë fiton vendin e parë

Published

8 hours ago

on

September 25, 2026

By

Në kazermën “Ushtarët e NATO-s” në Istog është përmbyllur gara tradicionale “Ujku Garues 2026”, e organizuar nga Komanda e Forcave Tokësore (KFT), ku morën pjesë 20 ekipe nga njësitet e ndryshme të Forcës së Sigurisë së Kosovës.

Vendi i parë në këtë garë ushtarake i takoi Regjimentit të Dytë të Këmbësorisë (K2B2), vendi i dytë u fitua nga Policia Ushtarake e FSK-së, ndërsa vendin e tretë e zuri Regjimenti i Dytë i Këmbësorisë (K2MB).

Gara “Ujku Garues”, e cila mbahet që nga viti 2015 si rezultat i bashkëpunimit mes nënoficerëve të FSK-së dhe kontingjentit slloven, testoi pjesëmarrësit në disiplina të rënda taktike e fizike. Pjesë e sfidave ishin vrapimi, kalimi i poligonit taktik, shtyrja e autoblindës HMMWV, bartja e municionit dhe e të lënduarve, si dhe qitja me armë e hedhja e granatës.

Aktiviteti u shqua për profesionalizëm të lartë, përgatitje intensive fizike dhe shpirt garues mes ekipeve të FSK-së.

 

Continue Reading

Lajmet

Universitetet britanike u konsultuan me kompaninë e armëve BAE Systems për protestat pro-Palestinës

Published

8 hours ago

on

September 25, 2026

By

Së paku 13 universitete britanike kanë diskutuar me prodhuesin më të madh të armëve në Mbretërinë e Bashkuar, BAE Systems, se si t’i menaxhojnë protestat pro-palestineze në kampuset e tyre. Kjo përfshinte rritjen e masave të sigurisë në ngjarje zyrtare dhe koordinimin e përgjigjeve ndaj kritikave.

Korrespondenca mes universiteteve dhe kompanisë ushtarake u zbulua përmes email-eve dhe dokumenteve të brendshme nga një hetim i përbashkët i “Liberty Investigates” dhe “Al Jazeera”.

Sipas dokumenteve, universitete të tilla si ai i Manchesterit, Nottinghamit, Southamptonit, Birminghamit, Strathclyde dhe Cranfield konsiderohen “partnerë strategjikë” të BAE Systems dhe marrin së bashku deri në 15 milionë funte (rreth 20 milionë dollarë) në vit nga kjo kompani.

Në gusht të vitit 2024, BAE Systems duket se u ka kërkuar universiteteve të hartojnë mesazhe për të kundërshtuar atë që e quante “një narrativë shpesh të deformuar nga protestuesit”. Kjo periudhë përkonte me reagimet e mëdha studentore kundër bashkëpunimit me kompanitë që furnizojnë me armë ushtrinë izraelite gjatë luftës në Gazë.

Në një rast në Universitetin e Sheffieldit, zyrtarët e hetimit të brendshëm u konsultuan me BAE Systems përpara se të dënonin katër studentë që protestuan në një ngjarje online me slloganet “BAE vret fëmijë”. Studentëve u kërkua të paguanin një gjobë prej 75 funtesh ose të nënshkruanin një zotim se nuk do të merrnin pjesë në protesta të paautorizuara.

Ndërsa studentët e ndëshkuar e cilësuan këtë si ndikim të drejtpërdrejtë të kompanisë së armëve mbi drejtuesit e universitetit, zëdhënësi i Universitetit të Sheffieldit i hodhi poshtë pretendimet, duke deklaruar se procedurat disiplinore janë të pavarura dhe bazohen vetëm në rregulloren e sjelljes së studentëve. /Al Jazzera/

 

Continue Reading

Të kërkuara