Lajmet

Avokati i Mustafës: Prokuroria po përpiqet t’i ndryshojë dëshmitë, për t’i përshtatur me argumentet e tyre

Sipas tij, kjo zyrë po përpiqet të ndryshojë numrin e ndërtesave në të cilat pretendohet të jenë mbajtur persona.

Published

3 years ago

on

Avokati i Salih Mustafës ka paraqitur pretendimet e mbrojtjes lidhur me mos besueshmërinë e deklaratave të dëshmitarëve të Zyrës së Prokurorit të Specializuar.

Julius von Bone ka thënë se kjo zyrë po përpiqet të ndryshojë numrin e ndërtesave në të cilat pretendohet të jenë mbajtur persona dhe sipas tij po përpiqet të ndryshojë dëshmitë në mënyrë që ato të përshtaten me argumentet e prokurorisë. Sipas mbrojtjes, nëse trupi gjykues e shqyrton që ZPS ka ndryshuar qëndrimin e saj atëherë mbrojtja kërkon të dëgjojë përsëri dëshmitarët e prokurorisë.

Mbrojtja e Salih Mustafës ka thënë se aktakuza e konfirmuar në këtë çështje është e bazuar mbi faktin që ka qenë vetëm një ndërtesë në të cilën janë ndaluar njerëzit në Zllash, ndërsa në dëshmitë e dëshmitarëve të ZPS-së, ai ka thënë se përmenden disa ndërtesa dhe sipas tij nuk është e qartë kush në cilin objekt ka qëndruar.

“Nëse trupi gjykues është në gjendje të shqyrtojë që ZPS ka ndryshuar qëndrimin e saj atëherë pala mbrojtëse dëshiron të dëgjojë dëshmitarët e ZPS-së edhe njëherë dhe duam të na jepet koha për të hetuar dhe për të gjetur persona të tjerë që mund të gjejmë që kanë qenë në atë vend në atë kohë, dhe që mund të na tregojnë lidhur me përdorimin e ndërtesave 4a dhe 5, qëndrimi ynë është që ne nuk mund të ndryshojmë rregullat e lojës kur loja është në mes të saj dhe ZPS nuk mund të ndryshojë qëndrimin e saj apo faktet bazë mbi të cilat e kemi bazuar punën tonë që në fillim. Më lejoni të shtoj që edhe gjykatësi i procedurës paraprake është mashtruar ose kështu duket, nga ZPS, po t’i hedhim një sy vendimit të tij për konfirmimin e aktakuzës, ideja e tij dhe këtë mund ta shohim në citimet e vendimit të tij është që bëhet fjalë për vetëm një ndërtesë dhe jo për shumë ndërtesa”, ka thënë avokati i Mustafës.

Mbrojtja e Mustafës ka thënë se ZPS duhet të sigurojë gjyq të barabartë dhe në bazë të standardeve të të drejtave të njeriut dhe jo të bëjë deklarata të pasakta para trupit gjykues.

“Dëshmitari W1679 nuk po tregon të vërtetën apo 4669 nuk po e tregon të vërtetën pasi rrëfimet e tyre nuk pajtohen lidhur me të njëjtën çështje, ZPS thotë që 04669 ishte në ndërtesën 5, 01679 thotë që ishte në ndërtesën Oda, me kënd ishte 1679 dhe si mund të jetë e mundur siç thotë ZPS që 4669 të ndodhej në një ndërtesë tjetër, 4669 ka thënë vet që ai ka qenë së bashku me viktimën e supozuar të vrasjes. 03495 nuk ka thënë që të ketë qenë së bashku me 04669. A nënkupton kjo thjesht që 01679 nuk tregon të vërtetën që ka qenë së bashku me 04669”, ka thënë avokati.

Sipas tij, nëse ZPS ka pasur parasysh një numër më të madh të ndërtesave atëherë pala mbrojtëse do të kishte pasur mundësinë të marrë në pyetje njerëz të tjerë të cilët do të mund t’i kishin shfrytëzuar ato ndërtesa.

“Po të marrim rrëfimin e 1679, 3594 apo 3593 apo 4669 nuk mund të kuptojmë se kush ka qëndruar me kë. Të nderuar gjykatës si mund të arrijmë në një përfundim bazuar mbi faktet dhe dëshminë se kush ka qëndruar me kë dhe në cilën ndërtesë. ZPS është përpjekur ta bëjë që të përshtatet me argumentet e tyre. Të gjitha këto rrëfime nuk mund të jenë të vërteta në të gjitha pikat, ZPS përpiqet që në momentin e fundit të ndryshojë numrin e ndërtesave në të cilat janë mbajtur njerëzit. Ata po përpiqen që t’i ndryshojnë dëshmitë në mënyrë që të përshtaten me argumentet e tyre. Si mund të shpjegojë ZPS, që 1679 është në ahur dhe shikon viktimën e supozuar të vrasjes, viktima e supozuar e vrasjes ka arritur shumë më vonë se 1679”, ka thënë Julius von Bone.

Mbrojtja ka deklaruar që Salih Mustafa nuk mund të shpallet fajtor.

“Prokuroria pretendon se për provat e paraqitura viktima është vrarë nga anëtarët e njësisë BIA. Megjithatë prokuroria nuk na ka dhënë ndonjë provë materiale për të provuar se viktima është vrarë apo se shkaku i vdekjes së viktimës ka qenë ai. Prokuroria nuk ka dhënë asnjë provë për të vërtetuar kohën e vdekjes dhe vendin e vdekjes. E vetmja provë që ka ofruar prokuroria për deponimin e vdekjes së viktimës janë fotot ERN me numër 00209313 deri në 00209320. Që viktima 4676 i ka marrë në vendin e krimit në kohën kur viktima është varrosur”, ka thënë ai.

Një pjesë e seancës ka qenë e redaktuar për publikun.

Related Topics:
Continue Reading

Lajmet

Përditësohen të dhënat në pikat kufitare të Kosovës

Published

18 minutes ago

on

December 22, 2025

By

Janë përditësuar të dhënat nga Qendra Kombëtare për Menaxhim Kufitar lidhur me kolonat në pikat kufitare në Kosovë.

Sipas të dhënave të fundit, pritjet për hyrje dhe dalje nga Kosova janë të shkurta.

Raportohen pritje deri në 5 minuta në hyrje në Muçibabë, Bërnjak, Dheu i Bardhë, Glloboqicë, Stançiq, Mutivodë dhe Vërmicë.

/S.K/KP/

Continue Reading

Lajmet

122 vjet nga lindja e Odhise Paskalit

Published

20 minutes ago

on

December 22, 2025

By

Odhise Paskali, njëri ndër themeluesit e skulpturës shqiptare dhe personalitetet më të rëndësishme të artit shqiptar, u lind në Përmet më 22 dhjetor 1903.

Hapat e para të karrierës së Odhisesë, janë në fushën e publicistikës, si dhe u shqua në estetikë dhe kritikë arti.

Më 1919 ai shkoi në Itali, ku kreu Liceun më 1923 dhe u regjistrua në Fakultetin e Letërsisë e të Filozofisë në Torino, më 1927 mbrojti diplomën në fushën e historisë së artit.

Skulptori i Popullit është i njohur për rreth 600 vepra në skulpturë, por mbi të gjitha në krijimtarinë e vet të larmishme janë të njohura veprat: “Monumenti i Skënderbeut në Tiranë” me bashkautorë, 1968, “Naum Veqilharxhi”, bust në bronz, në Korçë, “Partizani fitimtar” (Mathauzen, Austri) 1968 etj.

Veprat e tjera të Odhise Paskalit ndodhen në Galerinë Kombëtare të Arteve, në Muzeun Historik Kombëtar, si dhe në disa muze dhe institucione qendrore të Shqipërisë.

Pas vdekjes, studioja e tij u kthye në studio-muze, ku ishin vendosur vepra origjinale, si dhe variante dhe replika në gips të disa monumenteve, statujave dhe busteve, origjinalet e të cilave ndodheshin në ambiente të tjera, në rrugë e sheshe të Tiranës dhe qyteteve të tjerë.

Në studion-muze ruhej edhe arkivi i pasur i Odhise Paskalit me shënime, dokumente dhe materiale të tjera me interes për historinë e zhvillimeve artistike në Shqipëri. Nga trazirat pas vitit 1990, studioja u dëmtua bashkë me pjesën më të madhe të veprave.

Një pjesë e arkivit tani ruhet nga fondacioni “Paskali”, që u krijua nga vajza e skulptorit, studiuesja e spikatur e artit, Floriana Paskali.

Pas titujve Skulptor i Popullit dhe Akademik, Odhise Paskali është vlerësuar edhe me titullin Nderi i Kombit. Emrin e tij e mban sot një shkollë arti në Pejë dhe sheshi i qytetit në Përmet.

Ai ndërroi jetë në Tiranë, më 13 shtator 1985, i nderuar dhe i përcjellë me një ceremoni madhështore nga mijëra bashkatdhetarë e adhurues të veprës së tij të pavdekshme./S.K/KP/

Continue Reading

Lajmet

Maqedonia e Veriut ndalon importin e kivit nga Serbia

Published

24 minutes ago

on

December 22, 2025

By

Agjencia e Ushqimit dhe Veterinarisë e Maqedonisë së Veriut njoftoi se ka ndaluar importin e më shumë se 20 tonë kivi nga Serbia pasi në fruta u gjetën larva dhe insekte.

“Për shkak të vetive të ndryshuara dhe pranisë së larvave dhe insekteve, një inspektor ushqimi nga Agjencia e Ushqimit dhe Veterinarisë këtë javë ndaloi importin e 22.3 tonë kivi të destinuar për përpunim industrial dhe lëshoi një vendim që urdhëronte shkatërrimin e tyre të sigurt”, thuhet në deklaratë.

Kjo ka të bëjë me 22 mijë e 340 kilogramë fruta agrume të importuara nga Serbia, për të cilat një ekzaminim nga një inspektor ushqimi përcaktoi se ishin të pasigurta për import dhe përpunim të mëtejshëm.

“Importuesit iu dha një vendim me urdhër për shkatërrimin e padëmshëm të sasive të diskutueshme të kivit, pasi u njoftua se dërgesa nuk mund të kthehej në vendin eksportues”, thuhet në deklaratë./S.K/KP/

Continue Reading

Lajmet

​Rutte: Putin, pengesa kryesore për paqen në Ukrainë

Published

25 minutes ago

on

December 22, 2025

By

Shefi i NATO-s Mark Rutte, akuzoi presidentin rus Vladimir Putin se është pengesa kryesore për paqen në Ukrainë.

I pyetur pse është kaq e vështirë të përfundojë lufta në Ukrainë, Rutte tha se arsyeja është Putin, i cili është gati të sakrifikojë 1.1 milion qytetarë të tij.

“Këtë vit, përparimi i tij (i Putin) ka qenë minimal: fitime territoriale të papërfillshme, më pak se një për qind e territorit ukrainas që nga fillimi i vitit, dhe, sipas vlerësimeve tona, deri në 1.1 milion njerëz janë vrarë ose plagosur në anën ruse”, tha Rutte duke shtuar se disa vende evropiane kanë deklaruar se janë gati të ofrojnë forca, nëse është e nevojshme.

“Po punohet për të përcaktuar strukturën e saktë të Koalicionit të Gatshëm: Si do të ndodhte vendosja? Çfarë do të ndodhte në tokë, në det, në ajër? Të gjithë këta elementë janë ende duke u përpunuar”, shtoi Rutte.

Ai tha se respekton shumë presidentin e SHBA-së Donald Trump pasi ai është i vetmi që ka arritur ta sjellë Putin në tryezën e negociatave dhe i vetmi që mund ta detyrojë të bëjë paqe.

“Edhe pse Trump e ka humbur durimin disa herë, kreu i NATO-s nuk pret që SHBA-ja të tërheqë mbështetjen për Ukrainën”, tha ai në gazetën gjermane Bild./S.K/KP/

Continue Reading

Të kërkuara