Kulturë

Avokatët e Johnny Depp iu gëzohen “gabimit” të Amber Heard gjatë dëshmisë së saj

Reagimi nga Johnny dhe ekipi i tij ligjor i ka hutuar shumë njerëz.

Published

4 years ago

on

Avokatët e Johnny Depp “festuan” ndërsa Amber Heard përmendi supermodelen Kate Moss gjatë gjyqit.

Një burim i afërt me Johnny Depp ka treguar pse aktori dhe avokatët e tij festuan kur ish-gruaja e tij përmendi një histori ku supozohet se ai shtyu ish të dashurën, Kate Moss, poshtë shkallëve në vitet ’90.

Incidenti ndodhi të hënën kur gjatë dëshmisë së saj në gjykatë, Amber Heard përsëriti një pretendim për Johnnyn në lidhje me Kate. Ajo përmendi se Johnny dikur e kishte shtyrë Kate poshtë shkallëve në vitet ’90 kur ata ishin bashkë. Amber e ka pretenduar këtë edhe më herët, gjatë vitit 2020.

Megjithatë, reagimi nga Johnny dhe ekipi i tij ligjor i ka hutuar shumë njerëz. New York Post ka cituar një burim të afërt me Johnny Depp, i cili thotë, “Amber përmendi një ish të Johnny-t që e ndjente qartë se nuk e mbështeste atë, gjë që nuk mund të ishte larg nga e vërteta”.

Burimi më tej pohoi se gjesti nga Johnny dhe avokati i tij Benjamin Chew ishte një “mirënjohje festive”.

Ekspertët ligjorë argumentojnë se Amber duke përmendur Kate këtu lejon ekipin e Johnny-t të thërrasë supermodelen dhe të hedh poshtë dëshminë, duke vënë kështu në pikëpyetje besueshmërinë e Amber.

“[Kate Moss] dyshohet se është ende mike me Johnny-n dhe dëshmia e saj nuk u lejua të bëhej më parë sepse nuk ishte aq e rëndësishme. Ky është një gabim që bëri [Amber], ishte përmendja e Kate Moss, e cila potencialisht i hapi derën [skuadrës së Johnny-t] për ta sjellë [Kate] si dëshmitare”, tha avokatja Mitra Ahouraian për New York Post.

Amber po rrëfente një sherr që pretendohet se ndodhi mes saj dhe Johnny-t që ndodhi në mars të vitit 2015 e që përfshinte gjithashtu motrën e saj Whitney Heard, e cila sipas saj po përpiqej ta mbronte, teksa gjindeshin afër shkallëve.

Sapo Amber tha ‘Kate Moss dhe shkallët’, Johnny dhe avokati i tij kryesor Ben Chew buzëqeshën, siç shihet në një video të shpërndarë në YouTube. Beni u kthye drejt ekipit të tij dhe filloi të buzëqeshte. Më pas ai u kthye nga Johnny që ishte ulur pranë tij dhe i tha diçka./UBTNews/

Related Topics:
Continue Reading

Lajmet

Promovohet libri “TRENI – në kufirin mes tmerrit dhe lirisë”, sjell 20 dëshmi të dëbimeve të vitit 1999

Published

2 hours ago

on

May 21, 2026

By

Më 26 maj 2026, në Qendra Barabar, do të mbahet ceremonia e promovimit të librit me kujtime “TRENI – në kufirin mes tmerrit dhe lirisë”, i cili sjell 20 dëshmi autentike të qytetarëve të dëbuar me forcë gjatë pranverës së vitit 1999.

Libri trajton përvojat e dëbimeve masive nga Kosova gjatë luftës, ku qytetarët u detyruan të largohen me trena drejt kufirit në Bllacë të Hanit të Elezit dhe më pas si refugjatë drejt Maqedonisë së Veriut. Përmes rrëfimeve personale, botimi dokumenton eksodin e asaj periudhe dhe traumat e përjetuara, duke e paraqitur trenin si simbol të zhvendosjes së dhunshme.

Sipas organizatorëve, libri synon të shërbejë si dokument historik dhe edukativ, duke nxitur kujtesën kolektive, dialogun dhe reflektimin mbi pasojat e konfliktit.

Continue Reading

Lajmet

Shqipëria dhe Kosova përfaqësohen me sukses në Marché du Film në Kanë

Published

2 hours ago

on

May 21, 2026

By

Ka përfunduar edicioni i sivjetmë i Marché du Film në Kanë, një nga ngjarjet më të rëndësishme ndërkombëtare të industrisë së filmit, ku Shqipëria dhe Kosova janë prezantuar me një stendë të përbashkët përmes Qendrës Kombëtare të Kinematografisë dhe Qendrës Kinematografike të Kosovës.

Gjatë ditëve të panairit, përfaqësuesit e të dy institucioneve kanë zhvilluar një sërë takimesh me institucione të filmit, producentë dhe përfaqësues të rëndësishëm të industrisë globale audiovizuale. Në këto takime është diskutuar edhe ligji i ri shqiptar për kinematografinë dhe audiovizualin, i cili ka ngjallur interes të konsiderueshëm tek partnerët ndërkombëtarë.

Sipas njoftimit zyrtar, pjesëmarrja e përbashkët në këtë aktivitet synon forcimin e bashkëpunimit rajonal dhe ndërkombëtar, si dhe rritjen e prezencës së Shqipërisë në hartën globale të filmit, përmes nxitjes së bashkëprodhimeve dhe projekteve të reja.

Në përmbyllje të aktivitetit, Qendra Kombëtare e Kinematografisë ka falënderuar të gjithë partnerët dhe kineastët që kanë vizituar stendën shqiptaro-kosovare gjatë zhvillimit të Marché du Film në Kanë.

Continue Reading

Lajmet

Në New York promovohet romani “Një fije shprese, Një fije shkrepëse” i Ag Apollonit

Published

4 hours ago

on

May 21, 2026

By

Në ambientet e Konsullatës së Përgjithshme të Republikës së Kosovës në New York do të mbahet promovimi i romanit “Një fije shprese, Një fije shkrepëse” të autorit Ag Apolloni.

Ngjarja organizohet nën kujdesin e ambasadorit Blerim Reka dhe do të ketë si folës profesorin David Damrosch. Promovimi do të zhvillohet sot, më 21 maj 2026, në orën 17:30, në adresën 801 2nd Ave, Suite 301, New York.

Romani “Një fije shprese, Një fije shkrepëse”, i botuar në vitin 2020, është një vepër dokumentare që trajton pasojat e luftës në Kosovë përmes historive të nënave që humbën familjarët e tyre, përfshirë Ferdonije Qerkezin nga Gjakova dhe Pashke Markun nga Zllakuqani.

Vepra sjell një reflektim të thellë mbi dhimbjen, kujtesën dhe qëndresën njerëzore, ndërsa aktiviteti pritet të mbledhë komunitetin shqiptar dhe dashamirësit e letërsisë në SHBA.

Continue Reading

Lajmet

Bogujevci: “Krenari dhe emocion i jashtëzakonshëm” për suksesin e filmit “Dua” në Kanë

Published

5 hours ago

on

May 21, 2026

By

Filmi “Dua” i regjisores Blerta Basholli është vlerësuar me çmimin “SACD” në kuadër të “Semaine de la Critique” në Festivalin e Filmit në Kanë, duke shënuar një tjetër sukses për kinemanë kosovare në arenën ndërkombëtare.

Lidhur me këtë arritje, ministrja për Kulturë dhe Turizëm, Saranda Bogujevci, ka uruar ekipin e filmit, duke e cilësuar suksesin si një moment me rëndësi të veçantë për vendin.

“Krenari dhe emocion i jashtëzakonshëm”, ka thënë Bogujevci, duke vlerësuar arritjen e filmit në një nga festivalet më prestigjioze të filmit në botë.

Ajo shtoi se ky sukses dëshmon edhe një herë cilësinë dhe potencialin krijues të kinemasë kosovare, si dhe afirmimin gjithnjë e më të madh të artistëve dhe filmbërësve në skenën ndërkombëtare.

Çmimi “SACD”, i ndarë nga Shoqata e Autorëve dhe Kompozitorëve Dramaturgjikë në Francë, vlerëson veprat me skenar origjinal dhe qasje të fuqishme autoriale, duke e renditur filmin “Dua” ndër prodhimet më të spikatura të këtij viti.

Bogujevci uroi gjithashtu bashkëskenaristen Nicole Borgeat dhe gjithë ekipin realizues për këtë arritje të rëndësishme.

Continue Reading

Të kërkuara