Lajmet

Auf Wiedersehen për “makinën e kompromisit”

Homologët e BE-së u rreshtuan për t’i thënë Merkelit ”mirupafshim” – Wiedersehen.

Published

on

Homologët e BE-së të kancelares gjermane Angela Merkel u rreshtuan për t’i thënë sot asaj ”mirupafshim” (”Auf Wiedersehen” në gjermanisht – shën. i përkth.), në atë që mund të jetë samiti i fundit për konservatoren e hekurt, pas pothuajse 16 vjetësh në detyrë.

Kancelari austriak Alexander Schallenberg e përshëndeti atë si një “evropiane të madhe”, kryeministri i Luksemburgut Xavier Bettel e quajti atë një “makinë kompromisi” dhe kryeministri belg Alexander De Croo tha se ajo “e kishte shënuar me të vërtetë Evropën” për më shumë se një dekadë.

Dita e dytë e bisedimeve në Bruksel iu kushtua politikës digjitale dhe migrimit.

Por, samiti përfundimtar i Merkelit – në varësi të rezultatit të negociatave në vazhdim të koalicionit të qeverisë gjermane, pas më shumë se 100 të tillëve, u duk të ishte relativisht jospektakolar.

Një darkë vonë të enjten dështoi të prodhojë një përparim mbi çmimet e energjisë ose në një mosmarrëveshje të shtetit të së drejtës me Poloninë.

Merkel është e njohur si një negociatore e shkathët, e aftë për të marrë të 27 shtetet në bord dhe për të marrë vendime të rëndësishme përtej linjës, pavarësisht përçarjeve kokëforta.

Presidenti i Lituanisë Gitanas Nauseda tha se Merkel ishte një “politikane e madhe” që kishte ndërhyrë në “momente kritike dhe që na ndihmoi të gjenim zgjidhjen”, duke përmendur negociatat e vështira të vitit të kaluar mbi buxhetin afatgjatë të Bashkimit Evropian dhe fondin e përbashkët të rimëkëmbjes pas pandemisë.

Pavarësisht lavdërimeve, Merkel ka marrë edhe kritika serioze nga udhëheqës të tjerë.

Hungaria dhe Polonia ishin shumë kritike ndaj qëndrimit të saj relativisht liberal gjatë një fluksi të madh refugjatësh në vitin 2015.

Emri i saj është gjithashtu i lidhur ngushtë me politikat shtrënguese jopopullore të epokës së krizës së borxhit në Greqi dhe Itali./ATSH-DPA/ –

Continue Reading

Lajmet

Helmohen disa nxënës të një shkolle në Vitomiricë të Pejës, gjashtë prej tyre morën trajtim mjekësor

Published

on

By

Disa nxënës të shkollës së mesme të ulët “7 Shtatori” në fshatin Vitomiricë të Pejës, dyshohet se janë helmuar gjatë ditës së hënë në një lokal në afërsi të shkollës.

Gjashtë prej tyre kanë marrë trajtim mjekësor në Qendrën e Mjekësisë Familjare në Pejë dhe pastaj janë liruar për në shtëpi.

Rastin e ka konfirmuar zëdhënësi i Policisë në rajonin e Pejës, Fadil Gashi, i cili tha se Policia e Rajonit të Pejës menjëherë ka marrë veprimet e duhura dhe ka intervistuar drejtorin e shkollës.

Gashi ka bërë të ditur se është njoftuar edhe Prokurori i Shtetit lidhur me rastin, i cili ka udhëzuar hetuesit që të vazhdojnë hetimin e rastit.

Gjatë ditës së djeshme, policia është njoftuar rreth orës 10 të mëngjesit se disa nxënës të Shkollës së Mesme të Ulët “7 Shtatori” në Vitomiricë, dyshohet se janë helmuar nga ushqimi që kanë konsumuar në një lokal në afërsi të shkollës. Policia menjëherë ka marrë veprimet dhe është intervistuar drejtori i shkollës i cili deklaron se diku në orët e paradites disa nxënës dyshohet se janë helmuar, gjashtë prej tyre janë dërguar në Qendër të Mjekësisë Familjare për tretman mjekësor dhe pastaj janë liruar për në shtëpi. Lidhur me rastin është njoftuar Prokurori i Shtetit i cili ka udhëzuar hetuesit që të vazhdojnë me hetimin e rastit, ende nuk është cilësuar vepra si helmim’’, tha Gashi.

Kjo ngjarje sipas hulumtimeve të prokurorisë dhe policisë së vendit ende nuk është cilësuar si helmim./KP

Continue Reading

Lajmet

Dogana e Kosovës shënon rritje të sekuestrimit gjatë muajit tetor

Published

on

By

Dogana e Kosovës ka realizuar një performancë gjatë muajit tetor, duke shënuar një rritje të konsiderueshme të aktiviteteve operacionale.

Në njoftim theksohet se vetëm gjatë gjysmës së parë të tetorit, janë sekuestruar mallra me vlerë mbi 250,000 euro, përfshirë substanca narkotike, municion, monedha dhe dekorata koleksionuese prej bakri, pajisje elektronike, produkte farmaceutike, suplemente, kozmetikë, instrumente mjekësore, tekstil, pije, duhan dhe municion.

Këto veprime, sipas njoftimit, dëshmojnë angazhimin e Doganës për zbatimin e ligjit dhe mbrojtjen e interesit publik, duke parandaluar rrezikimin e ekonomisë dhe shëndetit të qytetarëve nga mallrat e paligjshme.

Po ashtu, Dogana e Kosovës ka arritur të mbledhë 1.5 miliardë euro deri në mesin e muajit tetor 2025, duke regjistruar një rritje prej 8.8% krahasuar me të njëjtën periudhë të vitit të kaluar, që përbën 122 milionë euro më shumë të hyra të inkasuara./EO

Continue Reading

Rajoni

Begaj i kërkon Vietnamit ta njoh pavarësinë e Kosovës

Published

on

By

Presidenti i Republikës së Shqipërisë, Bajram Begaj pranoi sot Letrat Kredenciale nga Ambasadorja e Republikës Socialiste të Vietnamit në Republikën e Shqipërisë, Pham Thi Thu Huong.

Kreu i Shtetit vlerësoi marrëdhëniet e mira dhe tradicionale që ekzistojnë midis dy vendeve tona prej 75 vitesh, duke nënvizuar nevojën për intensifikimin e kontakteve politike, ekonomike dhe kulturore.

Presidenti Begaj theksoi se Shqipëria do ta mirëpriste një rishikim të qëndrimit të Vietnamit lidhur me njohjen e Republikës së Kosovës dhe mbështetjen e anëtarësimit të saj në organizata ndërkombëtare, duke nënvizuar se Kosova është një realitet i pakthyeshëm në Ballkanin Perëndimor./EO

Continue Reading

Lajmet

Rektori Hajrizi, pritet zyrtarisht nga Kryetari i Komunës së Braga-s në Portugali

Published

on

Profesor Edmond Hajrizi, në Portugali, u prit zyrtarisht nga Kryetari i Komunës së Braga, zt. Ricardo Rio. Kjo vizitë shënon një hap të rëndësishëm në përpjekjet e UBT-së për ndërkombëtarizim dhe inkurajimin e bashkëpunimeve në nivele evropiane.

Braga, si një nga qytetet më të rëndësishme dhe më të vjetra në Portugali, ofron një potencial të madh për zhvillim, ku UBT mund të angazhohet drejtpërdrejt në projekte inovative për mobilitetin e së ardhmes.

Gjatë qëndrimit në Braga, Rektori Hajrizi pritet të nënshkruajë një marrëveshje bashkëpunimi me Universitetin Rajonal Minho, me theks të veçantë në akreditimet e përbashkëta në fushën e mjeksisë. Gjithashtu, programi i vizitës do të përfshijë takime në Politeknikun Braga, InvestBraga, si dhe me drejtuesit e Asociacionit të Ndërmarrësisë Minho, duke forcuar kështu lidhjet dhe mundësitë e bashkëpunimit në të gjitha nivelet.

Continue Reading

Të kërkuara