Lajmet

Auditori gjen keqplanifikim të buxhetit në institucione

Published

4 years ago

on

Deri në këtë periudhë procesi i auditimit për vitin 2020 ka përfunduar për gjithsej 46 institucione kurse 78 të tjera janë thuajse në fazën finale, kështu ka bërë të ditur Auditori i Përgjithshëm i Republikës së Kosovës, Besnik Osmani.

Osmani ka njoftuar në një intervistë për Ekonomia Online se nga të gjeturat e tyre kanë kuptuar se organizatat buxhetore vazhdojnë të kenë karakteristikë keqklasifikimim në planifikim e shpenzim të buxhetit.

Po ashtu ai ka thënë se për shkak të ndikimit të pandemisë këtë vit është më e theksuar vonesa në realizimin e projekteve.

“Ne jemi në fazën intenzive të zbardhjes së raporteve. Janë 46 raporte që tashmë janë në dispozicion të publikut dhe Kuvendit. Kemi edhe 78 raport tjera për të cilat ne kemi kryer punën tonë por që janë në fazën e komenteve, kur organizatat buxhetore e kanë të garantuar me ligj të drejtën e komenteve mbi draft raportet, para se ato të bëhen finale. Sipas planit tonë shpresojmë që gjatë këtij muaji të përfundojnë me kohë dhe cilësinë e nevojshme. Janë disa karakteristika që janë pak më të veçanta në këtë vit auditues së paku deri në punën e deritanishme. Shumica e organizatave buxhetore vazhdojnë të kenë vështirësi të theksuara me regjistrimin, mirëmbajtjen dhe azhurnimin e pasurisë që kanë dispozicion. Kanë mjaftë telashe me mirëmbajtjen e shënimeve për llogari të arkëtueshme, në shumicën e rasteve po gjejmë nënvlerësime apo mbivlerësime. Vazhdon të jetë karakteristike keqklasifikimi qoftë në planifikim të buxhetit, qoftë në shpenzim të buxhetit dhe ajo që është poashtu e rëndësishme është sa i përket projekteve për shkak të ndikimit të pandemisë është pak më e theksuar vonesa në realizimin e këtyre projekteve dhe ka rënë niveli i sistemit të kontrollit për menaxhimin e kualiteteve të këtyre raporteve të cilat janë zbatuar apo janë në zbatim”, është shprehur ai.

Tutje Osmani ka njoftuar se ka raste të trajtuara nga zyra ligjore e tyre në të cilat janë evidentuar veprime që nuk kanë qenë në pajtim me normat ekzistuese në fuqi nga menaxherët, drejtuesit e organizatave dhe personat tjerë përgjegjës.

“Rastet të cilat potencialisht mund të jenë vepra penale që trajtohen në deprtamentin tonë ligjor dhe njësinë përkatëse anti-korrupsion janë informaione që ndahen me institucionet relevante në sektorinë e drejtësisë dhe pastaj ata të bëjnë vlerësime. Ajo çka është evidente në raportet tona sepse për herë të parë ne këtë vit po japin konkluzion mbi pajtueshmërinë e veprimeve që do të thotë nëse menaxherët, drejtuesit e organizatave personat përgjegjës kanë marr veprime në pajtim me rregulloret dhe kornizën ligjore. Në shumicën e rasteve në raportet e publikuara deri më tani ne kemi një varg çështjesh të evidentuara dhe të raportuara kur këto veprime nuk kanë qenë në pajtim me normat ekzistuese në fuqi”, deklaroi ai.

Auditori ka këshilluar institucionet që të marrin masa korrigjuese për shkeljet administrative me qëllim përmirësimin dhe mospërseritjen e gabimeve në të ardhmen.

“Janë dy lloje të veprimeve që duhet të ndërmerren më tutje njëra është që vet drejtuesit e institucioneve duhet t’i shohin këto veprime dhe të marrin masa korrigjuese për të përmirësuar aty ku mundet dhe për të marr masa aty ku nuk përmirësohen që dëmet të mimizohen dhe për të marr masa që këto mos të përsëriten në të ardhmen, gjithmonë kur këto janë shkelje administrative, kurse kur janë vepra të karakterit penal sigurisht që do të trajtohen nga organet përkatëse”, tha ai.

Gjithashtu Osmani ka thënë se janë në bashkëpunim të vazhdueshëm me Prokurorinë për raste të ndryshme, kur kërkohen shkëmbime mendimesh, informacionesh e dokumentacionesh.

“Vetë procesi i auditimit është një proces i pashkëputur, ne në mënyrë të vazhdueshme kemi bashkëpunim me institucionin e Prokurorisë edhe kemi raste të ndryshme kur ato kanë nevojë që të marrin mendime, informata e dokumentacione nga institucioni ynë që ka qenë subjekt i auditimit”, deklaroi Osmani.

Për fund Osmani ka thënë se procesi i auditimit të institucioneve për vitin 2020 pritet të përfundojë më 31 gusht.

“Më datë 31 gusht do të përfundojë i gjithë cikli vjetor i auditimeve mandatore të obligueshme dhe Kuvendi do të ketë në dispozicion raportin përmbledhës përfundimtar për pasqyrat e konsoliduar. Ne besojmë që ky afat përkundër sfidave që kemi për shkak të ndikimit të pandemisë dhe ndryshimeve të shpeshta në Qeveri, ndarja e bashkimi i ministrive gjë që na ka sjellë vështirësi në procesin auditues”, ka përfunduar ai për EO.

Related Topics:
Continue Reading

Lajmet

FSK pjesë e Javës Ndërkombëtare të Akademive Ushtarake në Shkollën e Oficerëve në Gjermani

Published

12 minutes ago

on

October 21, 2025

By

Në kuadër të bashkëpunimit me Republikën Federale të Gjermanisë, një ekip nga Akademia Ushtarake e FSK-së, Qendra për Studime Universitare ( QSU) morën pjesë në Javën Ndërkombëtare të Akademive Ushtarake në Shkollën e Oficerëve në Gjermani.

FSK njofton se “Gjatë kësaj jave, ata patën mundësinë të vizitojnë qytetin e Dresdenit, të njoftohen me mënyrën e shkollimit të Oficerëve të Gjermanisë, si dhe qendrat e tyre për trajnim. Ata përfaqësuan QSU-në duke prezantuar për historinë e saj dhe zhvillimin e arsimimit, si dhe duke shkëmbyer përvoja me kadetët e shteteve tjera”./EO

Continue Reading

Lajmet

Zgjedhjet lokale, PZAP-ja urdhëron rinumërimin e votave në tri komuna

Published

14 minutes ago

on

October 21, 2025

By

Komisioni Qendror i Zgjedhor (KQZ) njofton se ka nisur rinumërimi i pesë vendvotimeve me urdhër të Panelit Zgjedhor për Ankesa dhe Parashtresa (PZAP), ndërsa gjatë ditës së sotme do të vazhdohet me numërimin e fletëvotimeve me kusht dhe atyre të personave me nevoja të veçanta.

Sipas KQZ-së, numërimi i fletëvotimeve nga votimi jashtë Kosovës përfundoi të hënën rreth mesnatës. Sipas njoftimit, mbi 44.000 votues kishin të drejtë të votojnë me postë nga jashtë vendit dhe patën një muaj kohë ta bënin këtë, nga 17 shtatori deri më 11 tetor.

Paneli Zgjedhor për Ankesa dhe Parashtresa (PZAP) ka vendosur të bëhet rinumërimi i votave në tri komuna, në Mitrovicë të Jugut, Kamenicë dhe Podujevë.

“Vendvotimet të cilat do të rinumërohen i takojnë komunave të ndryshme, si: Mitrovicë e Jugut (1110/01 dhe 1110/06); Kamenicë (1019/01 dhe 1020/01) dhe Podujevë (1807/02). Në vazhdim të aktiviteteve të planifikuara, gjatë ditës së sotme në QNR do të fillohet me numërimin e fletëvotimeve që i takojnë votimit me kusht dhe atyre nga votimi i personave me nevoja të veçanta. Votimi me kusht është realizuar në 54 vendvotime speciale në 38 komuna, ndërsa votimi i personave me nevoja të veçanta është zhvilluar jashtë vendvotimeve, përmes ekipeve mobile gjatë ditës së zgjedhjeve”, thuhet në njoftimin e KQZ-së.

Nga rezutatet e deritanishme preliminare, shtatëmbëdhjetë komuna pritet të shkojnë në balotazh në zgjedhjet për kryetar 2025, pesë më pak se para katër vjetësh në Kosovë.

Prishtina, Prizreni, Gjakova, Gjilani, Dragashi, Kaçaniku, Klina, Fushë Kosova, Mitrovica e Jugut, Obiliqi, Peja, Rahoveci, Suhareka, Vitia, Vushtrria, Juniku e Kllokoti do të jenë pjesë e balotazhit më 9 nëntor./KP

Continue Reading

Lajmet

Gërmime në 24 lokacione, gjenden mbetjet mortore të 4 personave, Hoti: Serbia ka bërë krime që mendja e njeriut pak i kupton

Published

16 minutes ago

on

October 21, 2025

By

Janë gjetur mbetjet mortore të katër personave, që dyshohen të jenë të personave të vrarë gjatë luftës së fundit në Kosovë.

Kryesuesi i Komisionit Qeveritar për Personat e Zhdukur, Andin Hoti ka thënë se gërmimet janë bërë në 24 lokacione dhe se këto nuk janë të vetmet për këtë vit, për çka pati një sqarim duke thënë se jo medoemos në lokacione ku gërmohet ka persona të zhdukur.

“Brenda këtij viti kemi gërmuar apo hulumtuar 24 lokacione në territorin e Republikës së Kosovës pa e përfshi territorin e Serbisë, pasi e dini që jemi në Kozhle. Nga 24 lokacione ne kemi arritur me i gjetë mbetje mortore të personave që potencialisht mund të jenë nga lista e personave të zhdukurve në 12 lokacione. Kjo nuk do të thotë që patjetër këta persona janë persona të zhdukur. Këtë e thotë patjetër vetëm kur vjen raporti i ADN-së. Lokacioni i fundit i 24 që sot po gërmohet, nuk është i fundit për këtë vit, vjen si rezultat i disa analizave dhe raporteve edhe një bashkëpunimi të mirëfilltë që kemi me organizatat ndërkombëtare dhe Kryqin e Kuq. Në këtë lokacion kemi arrit me i gjetë, mbetjet mortore të 4 personave. Po lutem me gjetë mirëkuptimin e qytetarëve, familjarëve dhe juve (gazetarëve)sot në mëngjes pas një raportimi që ka ndodhur për këtë. Sot në mëngjes më kanë thirr dy familjarë të shqetësuar tej mase. Me pyetje a është prindi im, a është gjyshi im, apo vëllai im. Këto raportime në media, natyrisht që janë në anën tuaj profesionale por po ngrisin shqetësime te familjarët. Edhe unë jam familjarë, ju lutem së pari familjarëve, qytetarëve dhe juve, që asnjëherë në radhë të parë mos të merret gjithsesi që në atë lokacion ka persona  të zhdukur. Mbi 2500 lokacione i kemi gërmuar në Kosovë”, tha Hoti.

Hoti ka thënë edhe se Serbia ka bërë krime të shumëfishta në Kosovë aq sa mendja e njeriut nuk e kupton.

“Serbia ka ditë me bo krime të shumëfishta në Kosovë që mendja e njeriut pak i kupton. Ka vra njerëz, po e marrë shembull në Prizren i ka varros në Prishtinë e më pas i ka dërgu në Serbi. Mos të krijohet një shqetësim se ndoshta e gjetën familjarin tim. Le të presin sepse janë disa muaj në pritje që bëhen ekspertizat”, theksoi Hoti./EO

Continue Reading

Lajmet

Ndalohen barna dhe suplemente të padeklaruara në Vërmicë

Published

37 minutes ago

on

October 21, 2025

By

Zyrtarët doganorë në Vërmicë kanë ndaluar mbrëmë një automjet, ku kanë zbuluar një sasi barnash dhe suplemtentesh të padeklaruara të fshehura në bagazhin e automjetit.

Sipas Doganës, vlera e përgjithshme e mallrave të ndaluara arrin shumën mbi 1,600 euro.

“Në bazë të legjislacionit në fuqi, ndaj personit përgjegjës është iniciuar procedurë për kundërvajtje doganore, ndërsa mallrat janë ndaluar deri në përfundimin e procedurave përkatëse. Dogana e Kosovës rikujton të gjithë qytetarët dhe udhëtarët se çdo mall që bartet përtej kufirit duhet të deklarohet, dhe mosdeklarimi i tyre përbën shkelje ligjore”, thuhet në njoftimin e Doganës./EO

Continue Reading

Të kërkuara