Lajmet

Atraksionet turistike më të rrezikshme në botë

Published

2 years ago

October 26, 2023

UBT news

Disa preferojnë një pushim relaksues në plazh, të tjerë kërkojnë një aventurë me një emocion të rrezikshëm. Nga liqenet e nxehtë deri te majat e larta dhe zhytjet vdekjeprurëse, këto vende do t’ju bëjnë zemrën të rrahë.

Krateri i gazit Darvaza, Turkmenistan – E njohur gjithashtu si “Portat e Ferrit”, kjo gropë e zjarrtë u formua në vitet 1970 kur gjeologët shpuan në një shpellë për naftë, duke shkaktuar shembjen e fushës së saj të gazit natyror. Për të djegur gazin toksik, ata i vunë flakën. Dekada më vonë, ajo ende digjet në shkretëtirën e largët të Karakumit.

Lugina e Vdekjes, SHBA – Lugina e Vdekjes në Kaliforni i josh vizitorët me peizazhin e saj surreal të dunave të rërës, majave me kripëra shkëmbore dhe kripe. Megjithatë, me një temperaturë rekord nxehtësia e saj ekstreme mund të jetë fatale.

Mali Huashan, Kinë – I vendosur në provincën Shaanxi të Kinës, mali Huashan ka qenë prej kohësh një vend pelegrinazhi falë pesë majave të tij të shenjta dhe tempujve taoistë. Është gjithashtu i famshëm për rrjetin e tij të shtigjeve të pjerrëta dhe të rrezikshme që gjarpërojnë rreth malit.

Mount Everest, Nepal – Ngjitja në malin më të lartë në botë është në listën e shumë njerëzve. Me mbi 8,850 m, mali Everest tërheq rreth 1,200 alpinistë çdo vit. Megjithatë, vetëm rreth gjysma arrijnë majën dhe disa të tjerë vdesin duke u përpjekur. Shkaqet kryesore të vdekjes në Everest përfshijnë temperaturat nën ngrirje dhe ndryshimin e lartësive. Në vitin 2019, 11 persona vdiqën në kulm.

Lumi Kolorado, SHBA – Duke kaluar nëpër pesë shtete, lumi Kolorado i gjatë 1450 milje (mbi 2330 km) është një vend i njohur noti për pushuesit. Megjithatë, ajo që njerëzit nuk e kuptojnë është se sa të rrezikshme mund të jenë ujërat, veçanërisht pas shirave të dendur dhe rritjes së borës së shkrirë. Në fakt, viti 2014 kishte një rekord prej 15 vdekjesh në shtatë muajt e parë për shkak të këtyre kushteve.

Liqeni i vluar, Dominika – Një nga vendet më piktoreske në Karaibe, Dominika është gjithashtu shtëpia e liqenit intrigues dhe potencialisht vdekjeprurës, Boiling. I përmbytur me fumarole, një çarje në koren e Tokës, mund të nxjerrë ujë të nxehtë dhe flluska në momentin më të nxehtë./syri.net/

Lajmet

Ahmeti reagon pas bllokadës në Trafikun Urban

Published

3 hours ago

November 25, 2025

UBTnews

Ish kryetari i Prishtinës, Shpend Ahmeti ka reaguar pas bllokadës financiare që e la të bllokuar transportin publik në kryeqytet.

Ahmeti përmes një postimi në Facebook tha se transporti publik falas për shumë kategori është barrë financiare për Komunën e Prishtinës duke thënë se “nuk mundesh me liru nga pagesa në fushatë e mas tre ditëve me met pa pare”.

“Kur dikush nga komuna thotë lirimi nga pagesa nuk ka ndikim – rren. Ti mundesh me liru kategori nga pagesa por dikush duhet të paguajë. Ne kemi liru nga pagesa penzionerë, por si komunë kemi paguar për secilin penzionist që kemi liruar, sepse modeli e kërkon. Nuk mundesh me liru nga pagesa në fushatë e mas tre ditëve me met pa pare“, ka shkruar Ahmeti.

Kujtojmë se Komuna e Prishtinës dhe Qeveria në detyrë përkatësisht Ministria e Financave i kanë vënë fajin njëra-tjetrës për alokimin e buxhetit të kryeqytetit./KP

Lajmet

Rahovec: Vajza e mitur largohet nga shtëpia, raportohet e zhdukur në polici

Published

3 hours ago

November 25, 2025

UBTnews

Një qytetar nga Rahoveci ka raportuar në polici se vajza e tij e mitur është larguar nga shtëpia dhe aktualisht nuk dihet vendndodhja e saj.

Rasti është paraqitur më 20 nëntor 2025, rreth orës 13:30, në stacionin policor në rrugën “Xhelal Hajda”. Sipas ankuesit, vajza është larguar nga shtëpia dhe deri tani nuk ka informacione se ku mund të ndodhet.

“Ankuesi mashkull kosovar, ka raportuar se vajza e tij e mitur është larguar nga shtëpia dhe nuk dihet asgjë për vendndodhjen e saj“, thuhet në raportin e Policisë së Kosovës.

Lajmet

Leposaviq: Arrestohet një person pasi sulmoi babanë e tij nën ndikim të alkoolit

Published

3 hours ago

November 25, 2025

UBTnews

Një rasti i dhunës në familje ka ndodhur mbrëmjen e 23 nëntorit në Leposaviq, ku një mashkull kosovar është arrestuar nga Policia e Kosovës pasi dyshohet se ka sulmuar fizikisht babanë e tij.

Sipas njoftimit zyrtar, sulmi ka ndodhur rreth orës 23:00, në momentin kur i dyshuari ishte nën ndikim të alkoolit. Pavarësisht incidentit, viktima – babai i tij – ka refuzuar që të marrë trajtim mjekësor.

Me vendim të prokurorit, i dyshuari është dërguar në mbajtje në stacionin policor deri në këndellje.

“Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet“, thuhet në raportin e Policisë së Kosovës./KP

Lajmet

Dhjetë raste të dhunës në familje raportohen brenda një dite, viktimë gratë

Published

3 hours ago

November 25, 2025

UBTnews

Gratë vazhdojnë të përjetojnë dhunën nga bashkëshortët e tyre. Një rast i rëndë u raportua të hënën ku në fshatin Gadime të Lipjanit një grua u sulmua me sëpatë nga ish-bashkëshorti, për çka policia ka njoftuar si rasti “vrasje në tentativë”.

Mirëpo në raportin 24 orësh, policia ka njoftuar edhe për dhjetë (10) raste të dhunës në familje e ku në shumë prej nëntë prej tyre viktimë janë gratë, në një rast tjetër që raportohet në Leposaviq viktimë ishte babai.

Në tri prej rasteve, të dyshuarit janë liruar në procedurë të rregullt

Rastet e dhunës në familje të raportuara vetëm brenda një dite

· Prishtinë 24.11.2025-02:00. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

· Prishtinë 24.11.2025-05:00. Raportohet se viktima femër kosovare, ka pësuar dhunë nga bashkëshorti i saj. Me vendim të prokurorit, pas intervistimit palët janë liruar dhe rasti shkon në procedurë të rregullt.

· Fushë Kosovë 24.11.2025-16:00. Është arrestuar i dyshuari mashkull kosovar, pasi që i njëjti ka ushtruar dhunë fizike ndaj bashkëshortes se tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt.

· Prishtinë 23.09.2025-NN. Me 24.11.2025 ankuesi mashkull kosovar, ka raportuar se ka dhunë psikike të vazhdueshme nga ish bashkëshortja e tij edhe pse ka urdhër mbrojtës. E dyshuara është arrestuar dhe pas intervistimit me vendim të prokurorit është liruar në procedurë të rregullt.

· Podujevë 24.11.2025-20:00 . Është arrestuar i dyshuari mashkull kosovar, pasi që kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

DHUNË NË FAMILJE

· Gjilan 24.11.2025-09:15. Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Nuk raportohet për të lënduar, ndërsa me vendim të prokurorit, i dyshuari është dërguar në mbajtje.

· Gjilan 24.11.2025-14:30. Është arrestuar i dyshuari mashkull kosovar, pasi që kishte ushtruar dhunë ndaj bashkëshortes së tij. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje.

DHUNË NË FAMILJE

· Pejë 24.11.2025 – 07:30. Ankuesja femër kosovare, ka informuar se djali i saj i dyshuari mashkull kosovar, ka ushtruar dhunë psikike ndaj saj. Pas intervistimit me vendim të prokurorit palët janë liruar dhe rasti shkon në procedurë të rregullt.

· Pejë 24.11.2025-22:00. Është arrestuar i dyshuari mashkull kosovar, pasi që i njëjti nën ndikim të alkoolit ka kanosur bashkëshorten e tij, duke shkelur edhe urdhrin mbrojtës. Me vendim të prokurorit, i dyshuari është dërguar në mbajtje.

DHUNË NË FAMILJE

Leposaviq 23.11.2025-23:00. Është arrestuar i dyshuari mashkull kosovar, pasi që nën ndikim të alkoolit kishte sulmuar fizikisht babanë e tij viktimën. Viktima ka refuzuar tretmanin mjekësor. Me vendim të prokurorit, i dyshuari do të ndalet në stacionin policor deri në këndellje dhe pastaj të intervistohet.