Lajmet

“Ata janë heronjtë tanë” – Taksistët transportojnë refugjatët ukrainas në Spanjë

Pasi kaluan Evropën, shumë shoferë dhe pasagjerë të tyre u përqafuan me njëri-tjetrin.

Published

on

Pasi iku nga lufta në Ukrainë dhe mbërriti në Varshavë me makinë dhe në këmbë, 22-vjeçarja Khrystyna Trach nuk e kishte idenë se si do të arrinte në Spanjë ku jeton motra e saj.

Pastaj ajo dëgjoi për një autokolonë me taksistë të Madridit që kishin ardhur në Poloni për të ofruar ndihmë dhe për të transportuar një grup prej 135 ukrainasish nga një qendër refugjatësh në Varshavë për në Spanjë.

“Ata janë heronjtë tanë”, i tha ajo AFP-së jashtë një kishe qendrore të Madridit, ku karvani me 29 taksi mbërriti në orët e hershme të së enjtes pas një udhëtimi epik pesë-ditor.

Shumica e refugjatëve janë gra dhe fëmijë që, si Trach, tashmë kanë familje ose miq që jetojnë në Spanjë. Me ta ishin katër qen dhe një mace.

“Unë do të kërkoj punë tani për të fituar para për të ndihmuar vendin tim dhe familjen time”, tha Trach, një jetime që la gjyshërit e saj në Kiev.

Ajo foli në spanjisht, gjuhë të cilën e mësoi si fëmijë, ndërsa qëndroi me një familje në Spanjë për tre muaj.

Për shumë njerëz, si Olha Shokarieva 46-vjeçare, e cila u largua nga kryeqyteti Kiev me djalin e saj 15-vjeçar, largimi ishte një përvojë e hidhur.

“Unë jam këtu vetëm me djalin tim më të vogël. Burri im është tani në Kiev dhe djali im i madh është në (qytetin perëndimor të) Vinnytsia, ata po qëndrojnë atje dhe po luftojnë”, tha ajo në anglisht.

“Ne nuk e dimë nëse kemi më shtëpinë tonë dhe nuk e dimë se cila është e ardhmja jonë”.

Pasi kaluan Evropën së bashku, shumë shoferë dhe pasagjerë të tyre u përqafuan me njëri-tjetrin dhe qanë ndërsa thanë lamtumirë.

‘Jeta ndryshoi’

Ideja lindi nga një diskutim mes shoferëve të taksive rreth bombardimeve ruse të Ukrainës, ndërsa ata prisnin klientët në aeroportin e Madridit.

Kur njëri sugjeroi të udhëtonte për në Poloni për të ndihmuar refugjatët, disa të tjerë ranë dakord, tha Jose Miguel Funez i Federatës Profesionale të Taksisë së Madridit, i cili koordinoi operacionin.

Organizatorët vlerësojnë se operacioni kushtoi rreth 50,000 euro (55,000 dollarë), me fondet e mbledhura nëpërmjet donacioneve, kryesisht nga shokët e taksisë.

Më shumë se tre milionë njerëz janë larguar nga Ukraina që kur Rusia pushtoi më 24 shkurt, me Poloninë duke marrë pjesën më të madhe të tyre, sipas shifrave të Kombeve të Bashkuara./UBTNews/

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara