Lajmet

Astrazeneca e pranuar në 119 shtete, e dyta është Pfizer dhe e treta Sputnik V!

Vaksina e Sinovac përdoret në 30 vende.

Published

on

Prestigjiozja britanike The Economist ka bërë një renditje të vaksinave që janë pranuar më shumë deri më tani nga shtete të ndryshme të botës për përdorim.  

AstraZeneca është momentalisht vaksina më e pranuar me 119 shtete në botë që e përdorin këtë vaksinë dhe kanë autorizuar përdorimin e saj. Ajo ndiqet nga vaksina Pfizer-BioNTech dhe e treta është ajo ruse Sputnik V. Vaksina, e cila është përdorur më shumë në Shqipëri, SinoVac renditet e teta, me rreth 30 vende që e kanë pranuar.

Kjo renditje merr rëndësi kur vjen puna sidomos tek turizmi.  Në vitin 2020 udhëtimet e turizmit ndërkombëtar ranë me 74% krahasuar me 2019, në vetëm 380 milion. Në muajt e fundit udhëtimi ndërkombëtar ka filluar të rimëkëmbet. Me 3.7 miliardë doza vaksine të administruara në të gjithë botën, shumë njerëz po përpiqen të paketojnë bagazhet për të vizituar një vend të huaj, por jo çdo antitrup i fituar nga vaksina automatikisht ju lejon të dilni jashtë shtetit.

Shumë vende të botës kanë kufizimet e tyre kur vjen puna tek vaksinat që njohin dhe tek të cilat lejojnë udhëtarët të hyjnë në kufijtë e vendeve të tyre.

Debatin së fundmi e ka ndezur Bashkimi Europian, e cila ka dhënë njoftimin se të gjithë personat që kanë kryer vaksinën indiane “CoviShield” nuk do të pranohen në Union edhe pse shkencëtarët thonë që është e të njëjtës cilësi me AstraZencan. Në këtë mënyrë rregullatori evropian i barnave nuk lejon udhëtarët indianë në kufijtë e saj.

Shpesh është folur se si vaksinat kundër COVID-19 janë kthyer në një armë gjeopolitike ndaj shteteve të mëdha të botës që duan të shtrijnë influencën e tyre. Nëse do të bënim një renditje të shteteve me vaksinën më të pranuar ato do të ishin, Anglia, Amerika, Gjermania dhe pesëçen e mbyll Rusia dhe Kina.

Vaksinat e pranuara

Astrazeneca                       119 shtete

Pfizer-BioNtech                 89 shtete

Sputnik V                            65 shtete

Sinopharm                         56 shtete

Moderna                              53 shtete

Johnson&Johsnon           48 shtete

Covishield                           35 shtete

Sinovac                                 30 shtete

Covaxin                                10 shtete

CanSinoBio                            5 shtete

Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara