Sport

Aston Villa e rikthen interesimin për Rashicën

Published

6 years ago

April 19, 2021

Betim Gashi

Aston Villa e ka rikthyer interesimin për Milot Rashicën. Klubi anglez e kërkonte yllin kosovar edhe vitin e kaluar, por marrëveshja në fund nuk ishte arritur.

E tash, mediumi “Football Insider” raporton se klubi i Premierligës e ka në listën e ngushtë të dëshirave përfaqësuesin kosovar.

Villa po planifikon të shpenzojë shuma të mëdha parash gjatë verës dhe 24 vjeçari mund të jetë njëra nga blerjet e klubit nga Birminghami.

Edhe pse vushtrriasi nuk po kalon formë të mirë në dy edicionet e fundit, Aston Villa beson në potencialin e tij, përcjell Gazeta Express. Sidoqoftë, ai është këndellur në ndeshjet e fundit kur i realizoi dy gola.

Ish-futbollisti i Vushtrrisë dhe Vitesses ka kontratë me Werderin deri në vitin 2022. Rashica i ishte bashkuar Bremenit nga Vitesse në janar të vitit 2018.

Ai deri tash i ka zhvilluar 95 ndeshje në të gjitha kompeticionet duke i realizuar 26 gola dhe i ka dhuruar 19 asistime.

Flitet se Rashicën në Angli e do edhe West Bromwich Albioni kurse në Gjermani interesim për të kanë shfaqur Leipzigu dhe Bayer Leverkuseni.

Up Next

Premier League mban takim të martën me 14 klube

Don't Miss

FIFPRO i del në mbrojtje lojtarëve

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/