Sport

​Asllani: Inzaghi më kërkoi që të futem dhe ta ndryshojë lojën

Published

on

Kristjan Asllani luajti vetëm 15 minuta në fitoren e Interit me rezultat 1-0 ndaj Romës, por ai la shenjën e tij duke qenë protagonist në aksionin e golit të realizuar nga Marcus Thuram.

Një pasim fenomenal i reprezentuesit shqiptar drejt Dimarcos bëri që italiani pastaj të pasonte tek sulmuesi francez për golin që pati vlerën e tri pikëve.

Pas ndeshjes, ai falënderoi trajnerin Simone Inzaghi për besimin e dhënë, por edhe turkun Hakan Calhanoglu për të cilin thotë se po e ndihmon shumë që të rritet.

“Falënderoj trajnerin për mundësitë që më jep. Dua të vazhdoj të punoj shumë. Ai më kërkoi të bëja skuadrën të kthehej. Jam me fat që punoj me Calhanoglu. E shoh dhe e admiroj, ai është një nga më të mirët në botë. Ai më thotë se thotë se po përmirësohem në fazën e mbrojtjes dhe është e vërtetë”, ka thënë Asllani.

Ai më tutje foli edhe për pasimin fantastik drejt Dimarcos.

“Pasimi për Dimarcon? Më pëlqen të ndryshoj lojën, pastaj ata e bënë punën e tyre për mrekulli. Të gjithë duam të luajmë, por kemi një mesfushë të fortë. A isha afër largimit në verë? Kishte një gjysmë mundësie para fillimit të kampionatit, por unë fola me klubin dhe ndjeva besimin, kështu që mendova se ishte e drejtë të qëndroja. Jam i lumtur që luaj me këta djem. Lojërat me Shqipërinë po më ndihmojnë. Lukaku? Nuk folëm për gjatë javës, ai bëri zgjedhjet e tij dhe ne e respektojmë këtë”, tha në fund Kristjan Asllani.

Sport

Fabrizio Romano e konfirmon, Arsenali transferon një yll të Chelseat

Published

on

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

on

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

on

Continue Reading

Sport

Darwin Nunez jep sinjale pozitive për kalimin te Napoli

Published

on

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara