Mjekët, infermierët dhe një shofer ambulance janë midis 47 personave të akuzuar për vdekjen e 10 foshnjave në një skemë të dyshuar për të mashtruar sistemin e sigurimeve shoqërore të Turqisë.

Të pandehurit akuzohen për transferimin e foshnjave në njësitë neonatale në 19 spitale private, ku dyshohet se mbaheshin për trajtime të zgjatura dhe ndonjëherë të panevojshme, raporton AP.

Të paktën 10 foshnja thuhet se kanë vdekur vitin e kaluar për shkak të neglizhencës ose gabimeve mjekësore në objektet që nuk ishin të pajisura për t’u ofruar atyre trajtimin e duhur mjekësor.

Në gjyqin në Stamboll, prokurorët pretendojnë se të pandehurit gjithashtu falsifikuan raportet për t’i bërë foshnjat të dukeshin se kishin kushte më të rënda shëndetësore sesa kishin në të vërtetë për të marrë pagesa nga shërbimi shtetëror i sigurimeve shoqërore.

Të pandehurit kryesorë kanë mohuar çdo akuzë, duke pretenduar se kanë marrë vendimet më të mira të mundshme dhe përballen me dënimin për pasoja të padëshiruara.

Rasti, i cili doli në dritë muajin e kaluar, shkaktoi zemërim publik dhe nxiti thirrje për të forcuar mbikëqyrjen e sistemit të kujdesit shëndetësor të Turqisë, ndërsa autoritetet turke që atëherë kanë hequr licencat dhe kanë mbyllur nëntë nga 19 spitalet e implikuar në skandal.

Dr. Firat Sari, i pandehuri kryesor që drejtonte njësitë e kujdesit intensiv neonatal në disa spitale private në Stamboll, përballet me një dënim të mundshëm deri në 583 vjet burg.

Vendimi i presidentit amerikan Joe Biden për të lejuar Ukrainën të përdorë raketa me rreze të gjatë veprimi, të furnizuara nga SHBA-ja, për të sulmuar brenda territorit rus ka shkaktuar një reagim të ashpër në Rusi, duke rritur shqetësimet për përshkallëzimin e mëtejshëm të konfliktit me Ukrainën.

Ky vendim është përshkruar nga media ruse si një “hap i paprecedentë”, i cili mund të çojë në pasoja katastrofike. Gazeta qeveritare ruse Rossiyskaya Gazeta e ka cilësuar atë si një nga vendimet më provokuese të administratës Biden, ndërsa deputeti i njohur rus Leonid Slutsky dhe senatori Vladimir Dzhabarov kanë paralajmëruar se ky veprim mund të çojë në një përshkallëzim serioz të luftës, madje duke e konsideruar si një hap të mundshëm drejt Luftës së Tretë Botërore.

Përveç kritikave të tjera të zyrtarëve rusë, që e kanë cilësuar këtë vendim si një “përshkallëzim të parashikueshëm”, mungon një reagim direkt nga presidenti Vladimir Putin. Zëdhënësi i Kremlinit, Dmitry Peskov, tha se një vendim i tillë do të përshkallëzonte tensionet dhe do të krijonte një situatë të re përfshirjeje të SHBA-së në konfliktin me Ukrainën. Peskov e akuzoi administratën Biden se po “hedh benzinë në zjarr”, duke vazhduar të nxisë tensionin rreth konfliktit.

Në anën tjetër, liderët perëndimorë kanë theksuar se Rusia është ajo që po e nxit luftën, duke përfshirë trupa nga Koreja e Veriut për të luftuar përkrah forcave ruse dhe duke vazhduar sulmet ndaj Ukrainës. Kjo ka krijuar një hendek të thellë mes këndvështrimeve të Perëndimit dhe Kremlinit, që vazhdon të kërcënojë se do të shohë çdo përpjekje për të lejuar Ukrainën të përdorë raketa me rreze të gjatë si pjesëmarrje të drejtpërdrejtë të vendeve të NATO-s në luftën kundër Rusisë.

Në përgjigje të kërcënimeve të mundshme, Putin ka paralajmëruar në të kaluarën se një përshkallëzim i tillë do të sillte pasoja të rënda, duke përfshirë mundësinë e përdorimit të armëve bërthamore nga Rusia. Ai gjithashtu ka theksuar se nëse Ukraina mund të furnizohet me raketa për të goditur territorin rus, Rusia mund të bëjë të njëjtën gjë duke furnizuar kundërshtarët perëndimorë me armë të ngjashme që do të mund të sulmonin objektivat në vende të tjera.

Ndërkohë, reagimet në Rusi janë të përziera. Disa ekspertë ushtarakë kanë sugjeruar se këto raketa, si ato ATACMS, janë parë tashmë nga forcat ruse gjatë sulmeve në Krime dhe se vendimi i Biden mund të ketë ndikim më të madh në politikën e ardhshme amerikane, kur presidenti i zgjedhur Donald Trump të marrë detyrën. Trump ka shprehur disa herë skepticizëm ndaj ndihmës ushtarake për Ukrainën, dhe kjo mund të ndikojë në llogaritjet e Kremlinit./UBTNews/

Aktivistët e ‘Demokracisë serbe’ kanë zhvilluar një aksion simbolik të hënën para selisë së EULEX -it në jug të Mitrovicës.

Motoja e këtij aksioni ishte ‘Drejtësi për punëtorin e EULEX -it’.

Ata kërkuan drejtësi për njërin prej punëtorëve të EULEX -it, për të cilin thanë se është rrahur nga Policia e Kosovës më 31 tetor të këtij viti derisa ishte në vendin e punës në Prishtinë.

Në dyert e selisë së këtij Misioni vendosën afishe në gjuhën angleze ‘Drejtësi për punëtorin e EULEX-it’.

Lideri i ‘Demokracisë serbe’, Aleksandar Arsenijeviq, tha se EULEX -i duhet të ndalojë të sillet sikur partner koalicioni i Vetëvendosjes duke heshtur gjërat, dhe duhet të sqarojë publikisht çka ka ndodhur në të vërtetë me punëtorin e tyre më 31 tetor kur është rrahur nga policia në vendin e tij të punës.

Sipas tij, iniciativa të cilën e udhëheqë ai, është për bashkëjetesë me shqiptarët dhe se aksionet e tyre mbrojnë jo vetëm serbët, por edhe komunitetet tjera.

Ai theksoi se aktivitetet e iniciativës së tij nuk bien ndesh me ligjet e Kosovës dhe assesi nuk bëjnë dallime në mes të grupeve etnike, fetare apo të ngjashme.

“Kemi ardhur sot këtu që publikisht ta mbështesim punëtorin e EULEX -it, i cili është rrahur nga ana e Policisë së Kosovës… EULEX-i duhet të reagoj publikisht të paktën për punëtorin e vet, derisa nuk reagon për bashkëqytetarët tanë të cilët janë rrahur njëjtë sikur punëtori i tyre. Gjërat nuk guxojnë të lihen nën tepih, dhe si të ndihemi të sigurtë ne qytetarët kur vetë EULEX-i sulmohet nga Policia e Kosovës… EULEX- i të ndalojë të sillet si partner i koalicionit me VV-në dhe të dalë publikisht të sqarojë para publikut çka ka ndodhur, sepse punëtori i tyre, pjesëtar i EULEX -it, vazhdon të jetë i shtrirë dhe i palëvizshëm edhe pas njëzet ditësh… Absolutisht (veprimet tona) nuk janë të kundërligjshme. Ne punojmë në kuadër të ligjeve të Kosovës…Ne nuk bëjnë ndasi mes grupeve etnike, fetare etj, dhe ne absolutisht mbështesim bashkëjetesën. Ne jemi ata të cilët duam të jetojmë së bashku, dhe konsideroj se aksionet tona mbrojnë jo vetëm serbët, por mbrojnë edhe pjesët tjera të shoqërisë”, ka thënë Arsenijeviq.