Lajmet

Murati për regjistrimin e popullsisë: Do të jetë më cilësor

Published

5 years ago

on

Në debatin publik të organizuar nga Agjencia e Statistikave të Kosovës (ASK), lidhur me projektligjin e Regjistrimit të Popullsisë, Ekonomive Familjare dhe Banesave në Kosovë, u tha se regjistrimi për vitin 2022 do të jetë më cilësor.

Ministri i Financave, Punës dhe Transfereve, Hekuran Murati, tha se regjistrimi i popullsisë do të shkurtojë kohën dhe do të ofrojë siguri në mbrojtjen e të dhënave.

“Regjistrimi i popullsisë do t’iu ofrojë një pasqyrë për përgatitjen e analizave, apo përpilimin e projekteve kapitale. Regjistrimi po ashtu do të ndikojë në hartimin e politikave. Ky do të jetë më cilësor, teknologjia që do të aplikohet do të jetë më i mirë, do ta shkurtojë kohën, do të ofrojë siguri në mbrojtjen e të dhënave”.

“Ne do të angazhohemi në rritjen e besueshmërisë, në garantimin e përdorimit të këtij informacionit në gjëra të mira”.

Zv. kryeshef ekzekutiv i Agjencisë së Statistikave të Kosovës, Ilir Berisha, tha se projektligji në sigurimin e të dhënave do të mundësojnë planifikim dhe zbatim të politikave zhvillimore, krijimin e bazës për të dhëna statistikore mbi karakteristikat demografike dhe socio-ekonomike në vend, hulumtime shkencore etj.

Tutje, Berisha tha se përfshirja e shfrytëzueseve në hartimin e Ligjit është e rëndësishme për të fuqizuar tërë projektin e Regjistrimit.

Ndërsa, menaxheri i Regjistrimit të Popullsisë, ASK, Avni Kastrati, tha se pasi të vendoset data për fillimin e regjistrimit do të bëhet një fushatë intensive për këtë çështje.

Related Topics:
Continue Reading

Lajmet

Arrestohet një person në Podujevë, dyshohet se shtyu zyrtaren policore

Published

17 minutes ago

on

September 22, 2026

By

Një person është arrestuar në Podujevë pasi dyshohet se ka përdorur fjalë fyese dhe ka shtyrë një zyrtare policore.

Rasti ka ndodhur më 21 shtator, rreth orës 15:08.

I dyshuari është intervistuar dhe, me vendim të prokurorit, është liruar në procedurë të rregullt./A.K/

Continue Reading

Lajmet

Dyshohet për kontrabandim me migrantë në Vërmicë, ndalohet një person

Published

20 minutes ago

on

September 22, 2026

By

Policia ka ndaluar një automjet me targa vendore në Vërmicë, ku janë gjetur katër migrantë, shtetas të huaj.

Rasti ka ndodhur më 21 shtator, rreth orës 04:00. Automjeti drejtohej nga një i dyshuar mashkull kosovar.

I dyshuari është intervistuar dhe, me vendim të prokurorit, është liruar në procedurë të rregullt.

Ndërkohë, migrantët janë trajtuar nga institucionet përkatëse dhe më pas janë dërguar në qendrën strehimore./A.K/

Continue Reading

Lajmet

Dy persona sulmojnë me kaçavidë një burrë në Ferizaj

Published

22 minutes ago

on

September 22, 2026

By

Një burrë në Ferizaj ka kërkuar ndihmë mjekësore pasi dyshohet se është therur me një mjet të mprehtë, konkretisht kaçavidë, nga dy persona të panjohur.

Rasti është raportuar më 21 shtator, rreth orës 22:30.

Viktima ka marrë tretman mjekësor dhe më pas është liruar.

Policia ka bërë të ditur se rasti po hetohet./A.K/

Continue Reading

Lajmet

Tre të dyshuar për materiale të shfrytëzimit seksual të fëmijëve në Prizren dhe Drenas

Published

25 minutes ago

on

September 22, 2026

By

Policia e Kosovës ka identifikuar tre persona të dyshuar për veprën penale “Materiale me përmbajtje të shfrytëzimit dhe keqpërdorimit seksual të fëmijëve”.

Rasti është raportuar më 21 shtator në Prizren dhe Drenas. Si prova materiale janë sekuestruar tre telefona celularë.

Njëri nga të dyshuarit është arrestuar dhe, pas intervistimit, është liruar në procedurë të rregullt, ndërsa dy të dyshuarit e tjerë janë ftuar për intervistim.

Rasti mbetet në procedurë hetimore, njofton Policia e Kosovës./A.K/

Continue Reading

Të kërkuara