Kronika e zezë

Asamblisti i Malishevës pranon fajësinë për korrupsion

I akuzuari Krasniqi u deklarua fajtor për veprën penale që i vihet në barrë.

Publikuar

3 vjet më parë

më

Asamblisti i Kuvendit Komunal në Malishevë, Valon Krasniqi ka pranuar fajësinë për mos deklarim të pasurisë.

I akuzuari Krasniqi u deklarua fajtor për veprën penale që i vihet në barrë, në shqyrtimin fillestar, të mërkurën në Gjykatën Themelore në Gjakovë, dega në Malishevë, pas leximit të aktakuzës nga ana e prokurorit Enis Gashi, raporton “Betimi për Drejtësi”.

“Në aspektin ligjor unë jam i fajshëm, po edhe për vonesën sigurisht që jam i fajshëm”, tha Krasniqi.

Ai shtoi se për vonesën e mos deklarimit nuk mund të jap arsye, dhe kërkoi nga gjykata një dënim sa më minimal.

Pranimin e fajësisë nuk e kundërshtoi prokurori Gashi, i cili kërkoi nga gjykata që ndaj të akuzuarit të merret aktgjykim dënues dhe që gjatë caktimit dhe matjes së dënimit të merren parasysh rrethanat lehtësuese dhe rënduese.

Me vendim të gjykatësit, Njazi Morina, u aprovua pranimi i fajësisë nga ana e të akuzuarit.

Shpallja e aktgjykimit për këtë çështje penale do të bëhet më 22 nëntor të këtij viti.

Valon Krasniqi, akuzohet nga Prokuroria Themelore në Gjakovë, se nga 1 marsi e deri më 31 mars 2020, në cilësinë e këshilltarit në Asamblenë Komunale në Malishevë, nuk e bën deklarimin e pasurisë, të të ardhurave, të dobisë tjetër pasurore ose të detyrimeve financiare.

Sipas aktakuzës, ai nuk deklaron pasurinë e tij në afatin e rregullt vjetor që është dashur ta bëjë deri më 31 mars 2020, i cili ishte shtyrë deri më 19 qershor 2020, me vendim të Qeverisë së Republikës së Kosovës për parandalimin e pandemisë Covid-19, edhe pse përkundër asaj që i njëjti ka qenë i njoftuar nga Agjencia Kundër Korrupsionit.

Për këtë, Valon Krasniqi, akuzohet se ka kryer veprën penale “Mos raportimi ose raportimi i rremë i pasurisë, i të ardhurave, i dhuratave, i dobisë tjetër materiale ose i detyrimeve financiare” nga neni 430, paragrafi 1 të Kodit Penal të Republikës së Kosovës, vepër kjo e cila dënohet me gjobë dhe me burgim deri në tre vjet./betimiperdrejtesi

Etiketa
Vazhdo të lexosh

Kronika e zezë

​Një grua sulmohet seksualisht në Lipjan

Publikuar

4 ditë më parë

më

14 Maj, 2024

nga

Policia e Kosovës njofton se një grua ka raportuar se është sulmuar seksualisht nga një person në Lipjan. Sipas policisë, rasti ka ndodhur dje në ora 18:40, derisa i dyshuari është arrestuar.

“Lipjan 13.05.2024-18:40. Viktima femër kosovare ka raportuar se ishte sulmuar seksualisht nga i dyshuari mashkull kosovar. I dyshuari është arrestuar dhe pas intervistimit me vendim të prokurorit dërgohet në mbajtje”, thuhet në raportin 24-orësh të policisë.

Vazhdo të lexosh

Kronika e zezë

Policia konfiskon 24 patentë shoferë në Prishtinë, nuk i respektuan sinjalizimet e semaforëve

Publikuar

5 ditë më parë

më

13 Maj, 2024

nga

Njësiti Rajonal i Trafikut rrugor, po vazhdon me implementimin e planeve operative për kontrollin e shtuar në trafik. Në kuadër të këtyre angazhimeve, sot ka filluar implementimi i planit “Semafori”.

Deri më tani sipas informacioneve zyrtare janë konfiskuar 34 patentë shoferë, ngasësve që nuk kanë respektuar sinjalizimin e semaforëve.

Angazhimet për sigurinë në trafik do të kenë shtrirje në të gjitha rrugët e rajonit të Prishtinës dhe do të vazhdojnë deri sa të vlerësohet që është arritur efekti i dëshiruar.

Vazhdo të lexosh

Kronika e zezë

Dënohen me gjashtë vjet e dhjetë muaj burgim dhe mbi 30 mijë euro gjobë dhjetë të akuzuarit në rastin “Subvencionet V”

Publikuar

5 ditë më parë

më

13 Maj, 2024

nga

Gjykata Themelore në Prishtinë ka shpallur aktgjykim dënues ndaj të akuzuarve Burim Selmani, Kastriote Bajrami-Sejdiu, Adushe Ukshini, Valon Hoti, Granit Abdyli, Faruk Ymeri, Abdullah Tërstena, Blerton Ostergllava, Avdyl Sejdiu dhe Muzafer Maliqi, në rastin e njohur si “Subvencionet V”.

Në total dhjetë të akuzuarit e lartëcekur janë dënuar me gjashtë vjet e dhjetë muaj burgim dhe 30 mijë e 100 euro gjobë.

Shpallja e këtij aktgjykimi për këtë rast u bë të hënën nga gjykatësja Violeta Namani, raporton “Betimi për Drejtësi“

Sipas aktgjykimit, i akuzuari Selmani u dënua me 3 muaj burg dhe me 5 mijë euro gjobë.

Vazhdo të lexosh

Kronika e zezë

Një muaj paraburgim për vajzën që goditi babanë me mjet të mprehtë

Publikuar

1 javë më parë

më

8 Maj, 2024

nga

Gjykata Themelore në Ferizaj, ka aprovuar kërkesën e Prokurorisë Themelore të Ferizajt, për caktimin e masës së paraburgimit kundër të pandehurës L.J., pasi që dyshohet se ka goditur me mjet të mprehtë babanë e saj. Ngjarja ka ndodhur në Shtime.

Ajo dyshohet për veprën penale lëndimi i lehtë trupor nga neni 185 paragrafi 3 nën paragrafin 3.2 lidhur me paragrafin 1 të Kodit Penal të Republikës së Kosovës (KPRK).

Të martën Policia e Kosovës ka njoftuar për arrestimin e saj, p[asi siç thuhej në raportin 24-orësh, pas një mosmarrëveshje kishte sulmuar babanë e saj.

Në njoftimin e Gjykatës thuhet se pas mbajtjes së seancës dëgjimore dhe analizimit të shkresave të lëndës, gjyqtarja e procedurës paraprake, ka vlerësuar se ekziston dyshimi i bazuar, se e pandehura me datë 6 maj 2024, në Shtime.

“Saktësisht në shtëpinë e tyre të përbashkët, me dashje i shkakton lëndime të lehta trupore të dëmtuarit- prindit të saj R.J., si viktimë e ndjeshme për shkak të marrëdhënieve familjare që kanë, në atë mënyrë që pas një fjalosje verbale në mes tyre, pasi që e njëjta kishte kërkuar nga i dëmtuari ta ndërpresë telefonatën me vajzën e tij, e pandehura bëhet nervoz dhe e godet të dëmtuarin në anën e djathtë në pjesën e gjoksit, me një thikë-mjet, me të cilin mund t`i shkaktojë lëndime të rënda trupore ose dëmtim të rëndë të shëndetit, e pasi del në oborr dhe e godet me gurë në pjesë të trupit, i dëmtuari ka marrë tretman mjekësor dhe posedon raport mjekësor nga QKMF në Shtime”, thuhet në njoftimin e Prokurorisë.

Vazhdo të lexosh

Të kërkuara