Sport

Arteta shpjegon pse Arsenali humbi nga Lens

Lens e mposhti Arsenalin si vendas me rezultat të ngushtë 2:1.

Published

on

Arsenali pësoi humbje mbrëmë nga skuadra franceze Lens, ndeshje kjo e cila ishte e vlefshme për xhiron e dytë të fazës së grupeve të Ligës së Kampionëve.

Lens e mposhti Arsenalin si vendas me rezultat të ngushtë 2:1, ku fitoren skuadrës franceze ia siguruan golat nga Adrien Thomasson dhe Elye Wahi, kurse golin e nderit te Arsenali e shënoi Gabriel Jesus.

Pas ndeshjes, trajneri i Arsenalit, Mikel Arteta ka shpjeguar se pse skuadra e tij pësoi humbje sot, në një ndeshje ku “Topçinjtë” ishin favoritë të padiskutueshëm.

“Sigurisht që ishte e vështirë dhe urime Lens. Si e pamë të gjithë, ata janë një skuadër e mirë dhe atmosfera ishte fantastike. Ne e bëmë gjënë më të vështirë, duke shënuar golin e parë, dhe kishim kontroll të plotë të ndeshjeve, por në momente, ata arritën të shënojnë”, tha Arteta.

“Është e vërtetë që ne nuk ishim shumë të rrezikshëm në sulm, në shumë raste. Ne nuk sulmuam kur duhej. Diferenca nga ndeshja me PSV ishte brenda zonës së 16-metërshit, humbëm disa shanse të mëdha dhe nuk u mbrojtëm mirë te golat e tyre”, shtoi më tej Arteta.

Pas dy xhirove, Arsenali zë vendin e dytë në Grupin B me tre pikë të arkëtuara, krahas Lens që renditet në vendin e parë në kuotën e katër pikëve.

Sport

KV Ferizaj kërkon përmbysjen evropiane ndaj Volejbal Brno

Published

on

By

KV Ferizaj zhvillon sonte ndeshjen e kthimit ndaj skuadrës çeke Volejbal Brno, në kuadër të 1/32 së finales së CEV Challenge Cup.

Pas humbjes 3:0 në ndeshjen e parë, të zhvilluar më 10 nëntor në Çeki, skuadra ferizajase synon të bëjë përmbysjen para tifozëve të saj dhe të vazhdojë rrugëtimin në garat evropiane.

Misioni nuk do të jetë i lehtë, pasi Ferizajt i duhet fillimisht një fitore 3:0 për ta barazuar rezultatin e përgjithshëm dhe për ta dërguar çështjen e kualifikimit në “Golden Set”.

Në rast të çdo rezultati tjetër, skuadra kosovare do të eliminohej nga gara.

Përballja zhvillohet nga ora 19:00, në palestrën sportive “Bill Clinton” në Ferizaj, ku vendasit do të kërkojnë përkrahjen e tifozëve për ta realizuar një përmbysje të madhe evropiane.

D.L

Continue Reading

Sport

Milot Rashica në listën e largimeve të Beshiktashit për afatin kalimtar të janarit

Published

on

By

Beshiktashi pritet të bëjë ndryshime në skuadër gjatë afatit kalimtar të janarit, ndërsa në mesin e lojtarëve që mund të largohen është edhe futbollisti i Kombëtares së Kosovës, Milot Rashica.

Sipas mediumit turk “Yeni Mesaj”, Rashica është emri i parë në listën e tre lojtarëve të huaj me të cilët klubi nga Stambolli planifikon të ndahet gjatë afatit kalimtar të dimrit.

Beshiktashi synon të përforcohet në tri pozicione, përkatësisht në qendër të mbrojtjes, në krahun e djathtë dhe në mesfushë. Për të krijuar hapësirë për transferimin e tre futbollistëve të rinj të huaj, klubi duhet të lirojë po aq vende në skuadrën aktuale.

Rashica, i cili ka kontratë me klubin turk deri në fund të këtij edicioni, nuk ka arritur të sigurojë hapësirën e dëshiruar këtë sezon, duke u aktivizuar kryesisht si rezervist.

Mbetet të shihet nëse Beshiktashi do të vendosë përfundimisht për largimin e reprezentuesit kosovar gjatë janarit.

D.L

Continue Reading

Sport

Trepça dhe Bashkimi vazhdojnë aventurën evropiane në FIBA Europe Cup

Published

on

By

Dy skuadrat kosovare, Trepça dhe Bashkimi, zbresin sonte në parket për të zhvilluar ndeshjet e radhës në FIBA Europe Cup, ku do të kërkojnë rezultate pozitive përballë kundërshtarëve të tyre.

Trepça do të përballet me skuadrën kroate Split, me fillim nga ora 18:30, në palestrën “Minatori” në Mitrovicë.

Ndërkohë, Bashkimi do të luajë kundër Manchester Basketball, në orën 19:00, në palestrën “Sezai Surroi” në Prizren.

Të dyja skuadrat do të kenë përkrahjen e tifozëve vendas, në përpjekje për të përfaqësuar sa më mirë basketbollin kosovar në arenën evropiane.

D.L

Continue Reading

Sport

Kreshnik Hajrizi kërkon falje publike: “Një nga momentet më të dhimbshme të karrierës sime”

Published

on

By

Mbrojtësi i Kosovës, Kreshnik Hajrizi, ka reaguar përmes një mesazhi emocionues pas kartonit të kuq të marrë në përballjen ndaj Irlandës, ku la “Dardanët” me një lojtar më pak në një moment vendimtar të ndeshjes.

Pas humbjes 3-0 në Dublin, Hajrizi ka marrë përgjegjësinë për veprimin e tij, duke shprehur zhgënjimin e thellë dhe duke kërkuar falje publike ndaj tifozëve, bashkëlojtarëve dhe gjithë popullit të Kosovës.

Përmes një postimi në rrjetet sociale, ai e ka cilësuar këtë si një nga momentet më të vështira të karrierës së tij, duke pranuar peshën e gabimit dhe pasojat që pati për ekipin.

“Një moment jashtëzakonisht i vështirë për t’u përjetuar, pa dyshim një nga momentet më të dhimbshme të karrierës sime. Sot ndiej një zhgënjim të madh dhe një dëshpërim të thellë. Kam bërë një gabim që pati pasoja të rënda dhe që lëndoi një vend të tërë, një komb të tërë. Jam plotësisht i vetëdijshëm për përgjegjësinë që mbaj dhe dua të kërkoj falje me gjithë zemër”, ka shkruar Hajrizi.

Ai gjithashtu u ka kërkuar falje tifozëve që ishin të pranishëm në stadium, të gjithë atyre që mbështetën Kosovën, si dhe bashkëlojtarëve të tij.

“Faleminderit të gjithëve që vazhdojnë të na mbështesin, edhe në momentet më të vështira. Forca Kosovë! Dashuri dhe respekt i pafund për këtë fanellë dhe për gjithë kombin tonë”, përfundoi mesazhin mbrojtësi kosovar.

Kujtojmë se Hajrizi u ndëshkua me karton të kuq në pjesën e parë të ndeshjes ndaj Irlandës, pas një prekjeje me dorë të topit në vijën e portës. Ky episod u pasua me penallti për vendasit, të cilët më pas shënuan edhe dy gola të tjerë për të vulosur fitoren 3-0.

D.L

Continue Reading

Të kërkuara