Zëvendësministrja e Ministrisë për Kulturë, Rini dhe Sport, Daulina Osmani ka thënë se vdekja e futbollistit Erjon Morina është një humbje e madhe për futbollin kosovar pasi Erjoni kishte një të ardhme të ndritur përpara.

“Me pikëllim të thellë morëm lajmin për ndarjen e parakohshme nga jeta e futbollistit të ri të klubit të Vushtrrisë, Erjon Morina. Futbolli kosovar humbi një talent premtues, i cili kishte një të ardhme të ndritur përpara. Ngushëllimet më të sinqerta familjes Morina, klubit të Vushtrrisë, miqve të tij dhe gjithë komunitetit të futbollit në Kosovë. Qoftë i përjetshëm kujtimi për të”, ka shkruar Osmani në Facebook.

Lajmin për ndarjen nga jeta të futbollistit Erjon Morina e ka dhënë të enjten në mëngjes babai i tij, Ilir Morina.

Ai ka vdekur në moshën 22 vjeçare disa javë pasi kishte pësuar sulm kardiak gjatë stërvitjeve me klubin e futbollit “Vushtrria”

Rezultatet e Anketës së Buxhetit të Hapur (OBS) tregojnë se Kosova ka shënuar rezultat total prej 50 pikëve nga 100 në Indeksin e Transparencës së Buxhetit. Në këtë aspekt, Kosova renditet e treta ndër shtetet e Ballkanit Perëndimor për nivelin e transparencës buxhetore.

Kështu thuhet në raportin rezultateve “Anketa e Buxhetit të Hapur 2023 për Kosovën” të publikuar nga Instituti GAP. Sipas raportit Shqipëria tregon performancë ma të mirë kryesisht në përmbajtjen gjithëpërfshirëse të disa dokumenteve.

Rrona Zhuri nga ky institut ka thënë se Kosova ka më shumë hapësirë për përmirësim në përfshirjen e hartimit të buxhetit dhe ekzekutimit, duke shtuar se duhet të ofrohen mundësi për më shumë komente.

Ajo tha se në këtë anketë, Kosova renditet e treta pas Shqipërisë dhe Serbisë.

Në prezantimin e kësaj ankete, , drejtori i zyrës së Rritjes Ekonomike në USAID Kosovë, Alexander Albertine, ka theksuar nevojën e përmirësimit të nivelit të transparencës buxhetore.

Në anën tjetër, Drejtori i Departamentit të Buxhetit në Ministrinë e Financave, Punës dhe Transfereve, Salvador Elmazi ka thënë se do të mundohen të jenë sa më afër realizimit të këtyre objektivave për transparencë buxhetore.

Forcat rebele siriane kanë shpallur planet për mbylljen e burgjeve famëkeqe të regjimit të Bashar al-Assadit, të cilat janë njohur për tortura dhe vrasje të shumta të të burgosurve. Udhëheqësi rebel, Ahmed al-Sharaa, i njohur gjithashtu si Abu Mohammed al-Jolani, theksoi se forcat e sigurisë që ishin nën udhëheqjen e regjimit të mëparshëm do të shpërndahen dhe ata që janë përgjegjës për keqtrajtimin e të burgosurve do të ndodhen përpara drejtësisë.

Në një deklaratë të shpërndarë nga agjencia e lajmeve Reuters, Jolani tha se për asnjë arsye nuk mund të kishte falje për ata që kishin marrë pjesë në torturimin dhe vrasjen e të burgosurve. Ai bëri thirrje për dorëzimin e atyre që ishin arratisur pas rënies së regjimit dhe premtoi se do të kërkonte drejtësi për të gjithë ata që vuajtën nën duar të egra. Pas rënies së qeverisë së Assadit, video që tregojnë lirinë e mijëra të burgosurve nga burgu Saydnaya, i cili ishte cilësuar si një “thertore njerëzore”, kanë shkaktuar reagime të forta ndërkombëtare.

Pothuajse 60,000 persona u torturuan dhe u vranë në burgjet e drejtuara nga Assad, sipas Observatorit Sirian për të Drejtat e Njeriut. Pas ofensivës së suksesshme të rebelëve që çoi në rrëzimin e sundimit 54-vjeçar të dinastisë Assad, presidenti u largua në Rusi, ku ai dhe familja e tij kërkuan azil.

Në këtë periudhë të pas-luftës, qytetarët sirianë kanë shpërthyer në kërkesa për ndihmë, duke kërkuar të dashurit e tyre që ishin të burgosur në këto kampe vdekjeje. Jolani, udhëhoqësi i grupit militant Hayat Tahrir al-Sham (HTS), që ka udhëhequr rebelët në këtë luftë, po shpall një angazhim të fortë për të mbyllur këto burgje dhe për të ndjekur ata që kanë kryer krime të tilla./UBTNews/