Kulturë

Art, gazetari dhe histori: Vizita studimore e studentëve të UBT-së në Reporting House!

Published

on

Në kuadër të aktiviteteve edukative të vitit akademik 2024-2025, studentët e vitit të parë të Departamentit të Artit dhe Mediave Digjitale në UBT, zhvilluan një vizitë studimore në Reporting House. Ky aktivitet ishte një mundësi për t’u njohur nga afër me një platformë unikale që bashkon gazetarinë dhe artin bashkëkohor, duke shërbyer si një hapësirë reflektimi mbi ndikimin e luftës në Kosovë dhe shoqëritë e ndryshme të botës.

Reporting House, një vend i njohur për përkushtimin ndaj edukimit dhe kulturës, ofron një ekspozitë të veçantë që përmban materiale gazetare të kuruara, bashkë me vepra arti që i japin një pamje të plotë ndikimeve të luftës dhe pasojave që ajo ka lënë pas. Kjo platformë ka një rol të rëndësishëm në formimin e brezave të rinj të gazetarëve dhe artivistëve, duke i inkurajuar ata të eksplorojnë dhe të kuptojnë më thellë ndikimin e ngjarjeve historike dhe shoqërore përmes mediumeve të ndryshme.

Në këtë vizitë, studentët e UBT-së patën mundësinë të bashkëbisedojnë me ekspertët dhe profesionistët që drejtojnë Reporting House, duke diskutuar mbi përdorimin e artit dhe gazetarisë si mjete për të trajtuar tema të ndjeshme dhe për të pasuruar diskursin publik. U ofruan gjithashtu eksponate të shumta që lidhin të kaluarën dhe të tashmen e Kosovës me dimensionet ndërkombëtare të ndikimit të luftës në shoqëri, ku studentët mund të shohin sesi mediumet dhe arti mund të bashkëjetojnë dhe të komunikojnë me njëri-tjetrin për të sjellë mesazhe të fuqishme.

Kjo vizitë ishte e fokusuar veçanërisht në përvojën praktike që ofrojnë lëndët “Praktika Studimore” dhe “Vizatim Kreativ” në UBT, ku studentët patën mundësinë të shihnin se si teoritë dhe teknikat që ata mësojnë në auditor mund të përdoren në botën reale të gazetarisë dhe artit vizual.

Ndër të tjera, Reporting House shërben si një hapësirë ku konceptet e përgjegjësisë sociale dhe etika profesionale lidhen ngushtë me aftësinë për të pasqyruar realitetet sociale dhe historike nëpërmjet artit dhe mediave, duke i frymëzuar të rinjtë që të mendojnë thellë për rolin që ata mund të luajnë në shoqërinë e sotme.

Kjo vizitë studimore jo vetëm që ofroi një mundësi për të mësuar në mënyrë të drejtpërdrejtë, por gjithashtu forcoi lidhjet ndërmjet teorisë dhe praktikës për studentët që janë në fillimet e karrierës së tyre profesionale. Aktivitetet e tilla, të mbështetura nga UBT, janë një mundësi e shkëlqyer për zhvillimin e aftësive praktike dhe krijimin e një perspektive më të gjerë mbi ndikimet që mund të ketë media dhe arti në jetën e përditshme.

Reporting House mbetet një platformë e rëndësishme dhe e pazëvendësueshme për të rinjtë që duan të kuptojnë dhe përvetësojnë vlerat e komunikimit dhe artit si mjete për ndryshim social dhe reflektim historik./UBTNews/D.E.

Kulturë

“Ëndrra pa kufi, Opera pa mure” – publikohen datat e Ramë Lahaj International Opera Festival

Published

on

Festivali Ndërkombëtar i Operës Rame Lahaj (RLIOF), do mbahet nga 23 korriku deri më 2 gusht 2025, duke sjellë edicionin e tij të pestë, me temën “Ëndrra pa kufi, Opera pa mure” një thirrje për tejkalimin e barrierave dhe për fuqinë transformuese të artit.

Festivali konsiderohet jo vetëm si një festë e muzikës por një dëshmi e forcës së ëndrrave dhe vizionit për Kosovën.

Më poshtë gjeni njoftimin e plotë të festivalit:

Në një vend ku mungon një shtëpi opere, ne nuk pamë një pengesë, por një mundësi për të ndërtuar diçka më të madhe. Me pasion dhe përkushtim, kemi kthyer çdo hapësirë në një skenë tingujsh që përkëdhelin zemrat e publikut.

“Ëndrra pa kufi, Opera pa mure” është më shumë se një moto, është fryma që do të na udhëheq në këtë edicion. Artistë nga çdo cep i botës na janë bashkuar, duke treguar se muzika është gjuha universale. Ajo nuk njeh barriera, nuk njeh kufi. Kosova është gati. Është e denjë, dhe ka nevojë për një shtëpi ku arti të marrë frymë, ku talenti të lulëzojë, ku brezat e ardhshëm të besojnë se ëndrrat bëhen realitet.

Në këtë 5-vjetor, ne nuk ndalemi. Ne ëndërrojmë më fort, krijojmë më lart dhe ndërtojmë themelet e së ardhmes.

Arti nuk ka nevojë për kufi, ai ka nevojë për zemra që besojnë.  Në këtë edicion jubilar, një rrugëtim që ka shënjuar historinë e artit operistik në vend, RLIOF ka ndërtuar tashmë një traditë, duke vendosur çdo vit një tullë më shumë për shtëpinë e ardhshme të artit muzikor në Kosovë.

Continue Reading

Magazinë

Dua Lipa në mesin e 300 personaliteteve që kërkojnë të mos përkrahet Izraeli

Published

on

Këngëtarja shqiptare me famë botërore, është në mesin e 300 figurave publike që i kanë bërë thirrje kryeministrit britanik, Keir Starmer, të ndërpresë bashkëpunimin me Izraelin, për sulmet e kryera ndaj civilëve në Gaza.

Në letrën drejtuar kryeministrit, ka raportuar Sky News, emra të famshëm nga bota e medias, artit, mjekësisë, akademikë, kanë akuzuar qeverinë se po vazhdon të lejojë shitjen e armëve nga Britania e Madhe në Izrael, e ofron licenca për armë.

Letra, e iniciuar nga organizata bamirëse për refugjatë, “Choose Love”, ka kërkuar të pezullojë menjëherë shitjen e armëve për Izraelin, si dhe të ketë qasje të menjëhershme humanitare në Gaza.

“Ju bëjmë thirrje të ndërmerrni veprime të menjëhershme për t’i dhënë fund bashkëfajësisë së Mbretërisë së Bashkuar në tmerret në Gaza”, thuhet në letër.

Aty u potencua edhe që “fëmijët në Gaza po vdesin nga uria, ndërsa ushqimi e ilaçet janë vetëm pak minuta larg”, duke iu referuar bllokadës 11-javore të Izraelit për ushqimin dhe furnizimet e tjera.

Kryeministri Keir iu bashkua udhëheqësve francezë dhe kanadezë, duke paralajmëruar Izraelin se do ndërmarrin “veprime konkrete” nëse kryeministri izraelit, Benjamin Netanyahu, vazhdon zgjerimin e operacioneve ushtarake në Gaza.

Continue Reading

Magazinë

30 vite “Mission: Impossible”, Tom Cruise ndan emocionet para finales së madhe

Published

on

Filmi ikonik Mission Impossible, i cila kulmon këtë vit me të shumëpriturin The Final Reckoning, ka qenë një aventurë jetësore për Tom Cruise.

Në një postim emocionues në rrjetet sociale, aktori 62-vjeçar bëri një reflektim të ndjerë mbi rrugëtimin e tij si yll dhe producent i serisë së suksesshme filmike. Ai shprehu mirënjohjen për të gjithë ata që kanë qenë pjesë e këtij rrugëtimi.

“Më shumë se 30 vjet më parë, fillova udhëtimin e prodhimit të filmit tim të parë, Mission: Impossible,” shkruan Cruise.
“Që atëherë, këto tetë filma më kanë udhëhequr në aventurën e jetës. Faleminderit regjisorëve, aktorëve, artistëve dhe teknikëve të jashtëzakonshëm nga e gjithë bota që ndihmuan t’i jepnim jetë këtyre historive. Ishte një privilegj të punoja me ju. Më e rëndësishmja, dua të falënderoj publikun. Jemi të emocionuar të ndajmë Llogarinë Finale me ju.”

Me këtë mesazh të ngrohtë dhe personal, Cruise ndan jo vetëm historinë e një suksesi kinematografik, por edhe ndjeshmërinë e një artisti që vlerëson çdo hap të këtij udhëtimi 30-vjeçar.

Continue Reading

Magazinë

Bebe Rexha thyen rekord në Billboard – “Meant To Be” shpallet kënga më e dëgjuar ‘country’ e shekullit 21

Published

on

Bebe Rexha, ka shënuar një tjetër sukses të madh në karrierën e saj ndërkombëtare. Këngëtarja, e cila ka pushtuar skenat më të mëdha të muzikës në botë, ka ndarë me ndjekësit në Instagram një arritje historike.

Gjiganti muzikor Billboard ka publikuar në rrjet istën e 100 këngëve më të dëgjuara në historinë e muzikës country në shekullin 21 – dhe në krye të kësaj liste renditet pikërisht kënga e Bebe Rexhës, “Meant To Be”.

“Grafikët country të shekullit 21. Hidhni një sy listës së Billboard për këngët më të mira country të shekullit 21 në @billboardcharts, bazuar në 25 vitet e para të këtij shekulli. Renditja me 100 pozicione është përpiluar sipas performancës në tabelën javore Top Country Songs, nga fillimi i 2000 deri në fund të vitit 2024. Lëvizni fotot për të parë renditjen e plotë e klikoni linkun në bio për më shumë detaje” – shkruhet në njoftimin zyrtar të Billboard.

“Meant To Be”, e publikuar më 2017 në bashkëpunim me Florida Georgia Line, ka njohur sukses të jashtëzakonshëm në mbarë botën. Ajo numëron mbi një miliard dëgjime në Spotify, mbi një miliard shikime në YouTube dhe ka marrë nominime për çmime prestigjioze si Grammy, MTV VMA, MTV EMA dhe CMA.

Ky hit është i certifikuar me çmimin “Diamond” në Shtetet e Bashkuara, një arritje që pak këngë kanë mundur ta prekin.

 

 

Continue Reading

Të kërkuara