Bitcoin ka qenë i diskutueshëm që nga fillimi i tij në 2009, ashtu si edhe kriptovalutat e mëvonshme që pasuan pas tij, përcjell UBT News.
Ndërsa kritikohet për paqëndrueshmërinë e tij dhe përdorimin e tepruar të energjisë elektrike, Bitcoin po shihet nga disa si një “port” i sigurt gjatë problemeve ekonomike. Megjithatë, statusi ligjor i Bitcoin dhe kriptomonedhave tjera ndryshon nga vendi në vend.
Disa vende kanë vendosur kufizime në mënyrën se si mund të përdoret Bitcoin, të tjerat e kanë ndaluar përdorimin e tij dhe kriptomonedhave me gjoba të rënda.
Këto janë vendet që kanë një marrëdhënie veçanërisht të tensionuar me Bitcoin dhe dhe kriptovaluta të tjera:
Algjeria aktualisht ndalon përdorimin e kriptomonedhës pas miratimit të një ligji financiar në vitin 2018 që e bëri të paligjshme blerjen, shitjen, përdorimin ose mbajtjen e valutave virtuale.
Bolivia e ka ndaluar plotësisht përdorimin e Bitcoin që nga viti 2014. Banka Qendrore e vendit nxori një rezolutë që e ndalon atë dhe çdo monedhë tjetër që nuk rregullohet nga një vend apo zonë ekonomike.
Kina ka goditur kriptovalutat me intensitet të lartë gjatë vitit 2021. Zyrtarët kinezë kanë lëshuar vazhdimisht paralajmërime për njerëzit e saj që të qëndrojnë larg tregut të aseteve dixhitale.
Përpjekjet për të minuar Bitcoin -që është një monedhë jashtë kontrollit të qeverive dhe institucioneve- shihen si një përpjekje nga autoritetet kineze për të nxjerrë në qarkullim monedhën e tyre elektronike.
Kolumbia nuk lejon institucionet financiare të lehtësojnë transaksionet me Bitcoin. Superintendencia Financiera paralajmëroi institucionet financiare në vitin 2014 se ata nuk mund të “mbrojnë, investojnë, ndërmjetësojnë ose menaxhojnë operacionet e parave virtuale”.
Egjipti nxori një dekret fetar në vitin 2018, duke i klasifikuar transaksionet e Bitcoin si “haram”, diçka e ndaluar sipas ligjit islamik. Ligjet bankare të Egjiptit u shtrënguan në shtator të vitit të kaluar për të parandaluar tregtimin ose promovimin e kriptove pa licencë të Bankës Qendrore.
Indonezia nxori rregullore të reja që ndalojnë përdorimin e kriptomonedhave, duke përfshirë Bitcoin, si një mjet pagese nga 1 janari 2018.
Irani është kthyer në praktikën fitimprurëse të nxjerrjes së Bitcoin për të financuar importet.
Ndërsa Banka Qendrore ndalon tregtimin e kriptomonedhave të nxjerra jashtë shtetit, ajo ka inkurajuar minierat e Bitcoin në vend me stimuj. Rreth 4.5 për qind e minierave të Bitcoin në botë ndodhin në Iran, i cili, që sipas Elliptic, mund të përbëjë të ardhura mbi 1 miliardë dollarë ose 843 milionë euro.
Në mënyrë që industria e kriptove të lulëzojë, Irani u ka ofruar minatorëve të licencuar energji të lirë, por kërkon që të gjitha kriptot e nxjerra t’i shiten Bankës Qendrore. Megjithatë, minierat e palicencuara nxjerrin më shumë se 2 GW nga rrjeti kombëtar çdo ditë, duke shkaktuar mungesë të energjisë, transmeton UBT News.
India po bëhet gjithnjë e më armiqësore ndaj kriptomonedhave. Më 23 nëntor, qeveria njoftoi synimin e saj për të prezantuar një projekt-ligj të ri në parlamentin indian i cili do të krijonte një monedhë të re dixhitale të mbështetur nga banka qendrore, si dhe do të ndalonte pothuajse të gjitha kriptovalutat, duke përfshirë Bitcoin dhe Ethereum.
Iraku pavarësisht përpjekjeve të vazhdueshme për të bllokuar përdorimin e tyre, kriptovalutat po bëhen gjithnjë e më të njohura në vend. Banka Qendrore e vendit ka qenë veçanërisht armiqësore, më 2017 duke ndaluar përdorimin e tyre, e cila është ende në fuqi. Gjithashtu në fillim të vitit 2021, Ministria e Brendshme e qeverisë rajonale të Kurdistanit lëshoi udhëzime për të ndaluar ndërmjetësimet e parave dhe shkëmbimet me kriptovaluta.
Nepali e shpalli Bitcoin të paligjshëm që nga gushti i vitit 2017.
Maqedonia e Veriut është i vetmi vend evropian deri më tani që ka një ndalim zyrtar të kriptomonedhave, si Bitcoin, Ethereum dhe të tjera.
Rusia miratoi ligjet e saj të para për rregullimin e kriptove në korrik të vitit 2020, ku e caktoi kriptomonedhën si pronë që i nënshtrohet taksave.
Ligji, i cili hyri në fuqi në janar të këtij viti, ndalon gjithashtu nëpunësit civilë rusë të zotërojnë çdo aset kripto.
Presidenti rus Vladimir Putin e ka lidhur vazhdimisht kriptomonedhën me aktivitetin kriminal.
Turqia më 16 prill të këtij viti nxori një rregullore që ndalonte përdorimin e kriptomonedhave duke përfshirë Bitcoin për të paguar mallra dhe shërbime.
Vietnami ka deklaruar se emetimi, furnizimi dhe përdorimi i Bitcoin dhe kriptove të tjera janë të paligjshme si një mjet pagese dhe janë subjekt i dënimit me gjoba që variojnë nga 150 milion VND (5,600 €) deri në 200 milion VND (7,445 €).
Megjithatë, qeveria nuk e ndalon tregtimin e Bitcoin ose mbajtjen e tyre si asete./UBTNews/
Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.
Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.
Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.
Skuadra e FC Obiliqit do të pushojë këtë javë./S.K/KP/FFK-Futsal/
Ambasadori gjerman, Jorn Rohde, i cili po e përfundon misionin e tij në Kosovë, ka ndarë një video lamtumirëse në të cilën ka folur për përvojën e tij gjatë qëndrimit pesë vjeçar këtu. Ai ka theksuar se Gjermania do të mbetet partner i madh i Kosovës.
“Koha ime në Kosovë së shpejti do të përfundojë. Pas pesë vitesh këtu, duhet të them lamtumirë, dhe do të më mungojë Kosova. Jo vetëm moti, por edhe mirësjellja e njerëzve, shëtitjet, kur shikoj majtas drejt Parkut të Gërmisë ku shpesh përdor biçikletën malore, këto gjëra do të më mungojnë para se të kthehem në Berlin. Ka qenë një kohë e mrekullueshme këtu”, ka thënë Rohde.
Ai ka përmendur edhe pasardhësin e tij, Rainder Rudolph, të cilit ka thënë se po ia “pason topin”.
“Kemi parë shumë zhvillime – liberalizimi i vizave në vitin 2024 ishte një arritje e madhe. Ka edhe gjëra që nuk janë realizuar, si anëtarësimi i Kosovës në Këshillin e Evropës. Lidhjet mes vendeve tona janë unike – 600.000 kosovarë ose gjermanë me prejardhje kosovare jetojnë në Gjermani. Ky numër po rritet, dhe jam i sigurt që lidhjet tona do të vazhdojnë të rriten. Ne do të jemi një partner i madh i Kosovës. Ne kemi qenë një partner i madh që nga pavarësia. Dhe në këtë kuadër, do të doja t’ju kërkoja të shtrini mirësjelljen dhe miqësinë tuaj edhe ndaj pasardhësit tim, Rainer Rudolph, i cili do të mbërrijë këtu së shpejti. Dhe, duke qëndruar në gjuhën e futbollit, së shpejti do t’ia pasoj topin pasardhësit tim, Rainer Rudolph”, theksoi Rohde./D.B/KP
Futbollisti i Chichester City dhe ish-lojtari i akademisë së Arsenalit, Billy Vigar, ka ndërruar jetë në moshën 21-vjeçare pas një lëndimi të rëndë në tru të pësuar gjatë një ndeshjeje kundër Wingate & Finchley.
Sulmuesi u përplas jashtë fushës në përpjekje për ta shpëtuar topin, duke pësuar dëmtime serioze.
Ai u vendos në koma të induktuar dhe iu nënshtrua një operacioni, por nuk arriti të mbijetojë.
Klubi i Chichester City, Arsenal dhe bota e futbollit kanë shprehur ngushëllimet për humbjen e tij, ndërsa ndeshja e radhës e Chichesterit është shtyrë në shenjë respekti./S.K/KP/
Policia e Kosovës ka organizuar sot ceremoninë e shkatërrimit të armëve të vogla dhe të lehta ilegale, mbi 760 sosh, në fshatin Prelez të Ferizajt. Pas shkatërrimit, nga materiali i armëve që shkrihen do të krijohen kapak të pusetave.
Drejtori i Përgjithshëm i Policisë së Kosovës, Gazmend Hoxha tha se procesi i shkatërrimit të armëve bëhet me qëllim për të ofruar sa më shumë siguri për qytetarët. Hoxha potencoi se nuk janë të rralla rastet ku armët ilegale janë përdorur gjatë rasteve kriminale.
Ai u bëri thirrje qytetarëve të Kosovës që të përdorin sa më pak armët. Hoxha bëri të ditur se nga viti 1999 deri më tani, janë konfiskuar mbi 36 mijë armë ilegale.
Ndërkaq, nga viti 2005 deri tani janë shkatërruar rreth 16 mijë armë të gjata dhe të shkurta.
“Është një proces i vazhdueshëm që Policia e Kosovës, Ministria e Punëve të Brendshme, në mbështetje të vazhdueshme te UNDP-së, por edhe vendeve partnere mike të Kosovës po vazhdoj me shkatërrimin e armëve të vogla dhe të mesme me qëllim që të krijohet sa më shumë siguri për qytetarët dhe vendin tonë…Gjatë këtyre viteve nuk kemi pasur jo pak raste kur armët ilegale janë përdorur gjatë rasteve dhe veprave kriminale. Shumë jetë janë humbur për shkak të përdorimit të armëve ilegale. Iu bëjmë thirrje gjithë qytetarëve tonë që të qëndrojnë larg armëve ilegale…Policia e Kosovës që nga viti ‘99 e deri më sot ka konfiskuar rreth 36 mijë e 36 armë. Përafërsisht i bie rreth 1 mijë e 100 armë që janë konfiskuar çdo ditë. Që nga viti 2005 e deri më sot ka shkatërruar 15 mijë e 904 armë të shkurtra dhe të gjata”, tha Hoxha.
Përfaqësues i Përhershëm i UNDP-së në Kosovë, Nuno Queiros tha se qëllimi i shkatërrimit të armëve është promovimi i një shoqërie paqësore, të drejtë dhe gjithëpërfshirëse.
Ai potencoi se armët e vogla dhe të lehta të paligjshme shkaktojnë pasiguri, dëmtojnë civilët, minojnë institucionet dhe shpesh përdoren në dhunë bazuar në gjini dhe dhunë në familje.
“Qëllimi ynë është të promovojmë shoqëri paqësore, të drejta dhe gjithëpërfshirëse, dhe kjo kërkon një reduktim të konsiderueshëm të flukseve të paligjshme të armëve në të ardhmen tonë…Vetëm gjatë kohës që kemi qenë këtu, janë kryer dy akte dhune me armë, pa llogaritur luftërat dhe situata të tjera. Kjo tregon se armët e vogla dhe të lehta të paligjshme shkaktojnë pasiguri, dëmtojnë civilët, minojnë institucionet dhe shpesh përdoren në dhunë bazuar në gjini dhe dhunë në familje. Policia, Ministria e Punëve të Brendshme dhe autoritetet e tjera relevante kanë treguar një angazhim të jashtëzakonshëm për të luftuar trafikun e paligjshëm, posedimin dhe keqpërdorimin e armëve. Por mund të jeni të sigurt se ne, si UNDP, dhe ekipi im i pranishëm sot, do të vazhdojmë t’ju mbështesim dhe jemi shumë krenarë që jemi partneri juaj i besuar në këto përpjekje”, tha Queiros.
Ky aktivitet mbështetet nga Programi i Kombeve të Bashkuara për Zhvillim (UNDP) përmes Programit për Siguri dhe Siguri në Kosovë (KSSP), me mbështetje financiare nga Gjermania, Suedia, Mbretëria e Bashkuar, Franca, Holanda dhe Norvegjia, si dhe përmes Vendimit të Këshillit (PESK) 2024/3006 të datës 2 dhjetor 2024, në mbështetje të aktiviteteve të çarmatimit dhe kontrollit të armëve të SEESAC në Evropën Juglindore, me qëllim zvogëlimin e kërcënimit nga armët e vogla dhe armët e lehta (SALW) të paligjshme dhe municionit të tyre./D.B/KP
Aktualitet1 month ago
Aktualitet2 months ago
Kërkime3 months ago
Lajmet nga UBT3 months ago