Sport

Arsyet e rrëzimit të aeroplanit ku ishte Emiliano Sala

Gjykata e Dorset do të mbajë seanca për pesë javë, për të zbardhur të gjitha rrethanat e aksidentit.

Published

5 years ago

February 23, 2022

Betim Gashi

Emiliano Sala është një nga sportistët që ndërroi jetë në mënyrë tragjike, duke pësuar aksident me avionin e tij, teksa synonte finalizimin e transferimit te Kardif, nga skuadra franceze e Nantit.

Sulmuesi argjentinas po udhëtonte me një avion privat, që u rrëzua në Britani të Madhe, në një kanal në afërsi të Uellsit. Sipas një raporti të fundit mjekësor, vërtetohet se Emiliano Sala, avioni i të cilit u rrëzua në vitin 2019, ishte pa ndjenja në momentin e përplasjes, për shkak të helmimit me monoksid karboni. Monoksidi i karbonit thuhet të jetë shkaktuar nga sistemi i shkarkimit të avionit.

Drejtësia britanike ka qenë duke shqyrtuar shkaqet e vdekjes së lojtarit që nga java e kaluar, për të parë ku shkon përgjegjësia. Gjykata e Dorset do të mbajë seanca për pesë javë, për të zbardhur të gjitha rrethanat e aksidentit.

Niveli i helmimit në gjak të Sala ishte me mbi 58%, sipas matjeve të mjekëve. Ai ishte pa ndjenja në momentin kur aeroplani u rrëzua.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/