Kronika e zezë

Arrestohet për vrasje – kishte përplasur gruan e tij shtatzënë me kamion

Publikuar

Një burrë nga Teksasi akuzohet për vrasje pasi pretendohet se ka përplasur gruan e tij shtatzënë, duke vrarë foshnjën e palindur.

Christopher Gonzales, 26 vjeç, është arrestuar dhe akuzuar për vrasje të shkallës së parë dhe sulm të rëndë të shkallës së dytë.

Ai është arrestuar dhe akuzuar për vrasje pasi dyshohet se ka përplasur gruan e tij shtatzënë me një kamion pas një grindjeje, duke vrarë foshnjen e saj të palindur.

Kur u intervistua nga policia, Gonzales thuhet se rrëfeu se po ngiste kamionin ndërsa e dinte që gruaja e tij ishte duke qëndruar para. Ai gjithashtu dyshohet se pranoi para hetuesve se e dinte se ai kishte vozitur mbi gruan e tij kur ndjeu një përplasje dhe e dëgjoi atë të bërtiste.

Gruaja thuhet se u dërgua menjëherë në një njësi të kujdesit intensiv në Lubbock, Texas, ku foshnja e palindur u shpall e vdekur pasi mjekët kryen kontrollin./UBTNews

(Drin Ismajli, student në Shkenca Politike në UBT)

Kronika e zezë

Rrahje masive në Prizren, theret një person e lëndohen disa të tjerë

Publikuar

nga

Shtatë persona janë arrestuar sot gjatë orëve të para të mëngjesit në fshatin Nebregosht të Komunës së Prizrenit, për shkak të një rrahjeje masive që kishte ndodhur në një lokal.

Nga kjo rrahje masive, i therur me thikë ka mbetur një person, ndërsa disa të tjerë kanë marrë lëndime më të lehta.

“Ku të dyshuarit me automjete private janë sjell në emergjencën e spitalit rajonal ne Prizren për tretman mjekësor, i dyshuari S A ka pësuar lëndime më serioze, ku ka lëndime ne pjesët e Abdomenit (në bark) lëndimet janë shkaktuar nga një mjet i mprehët thikë, ndërsa të tjerë kanë lëndime te lehta e te cilëve ju është afruar ndihma mjekësore. Në vendin e ngjarjes njësitet policore kanë gjetur dhe konfiskuar një thikë ne cilësinë e provave materiale. Ku gjate përleshjes mes tyre është përdor thika”, thuhet në komunikatën e Policisë.

Policia ka njoftuar edhe për moshën dhe inicialet e të dyshuarve.

“A.SH i datëlindjes 1997, S.A i datëlindjes 1992. R.F i datëlindjes 1970, A.Z i datëlindjes 1991, H.Z i datëlindjes 2000, A.H i datëlindjes 1976 dhe E.R i datëlindjes 1995”, thuhet në komunikimin e Policisë.

Po ashtu është njoftuar prokurori kujdestar, i cili urdhëron që personat të ndalohen për 6 orë.

“Pas gjashte orëve te njëjtit janë intervistuar ne prezence te avokateve mbrojtës. Ngjarja ka rrjedh si pasojë e ndikimit te alkoolit dhe rasti ka ndodh i çastit. Me vendim të prokurorit të shtetit , te dyshuarit ndalet në qendrën e ndalimit për 48 orë. Rasti është duke u hetuar nga hetuesit e stacionit policor ne Prizren!”.

Vazhdo të lexosh

Kronika e zezë

Policia gjen shtatë qese najloni me marihuanë në pikën kufitare Qafë Prush

Publikuar

nga

Policia e Kosovës ka njoftuar se në pikën kufitare Qafë Prush, kanë hasur në shtatë qese najloni të mbushura me substancë narkotike të llojit marihuanë.

Rasti ka ndodhur rreth orës 01:00.

“Me datën 30.07.2021 rreth orës 01:00, patrulla policore e pikës kufitare Qafë Prush, gjatë patrullimit në fshatin Zhub, përkatësisht në skaj të rrugës Bernard Komani, rrugë kjo e cila të
dërgon në drejtim të pikës kufitare Qafë Prush, kanë hasur në shtatë (7) qese najloni të mbushura me substancë narkotike që dyshohet të jetë e llojit marihuanë, me peshë totale
prej (7 kg e 507 gram.)”, thuhet në njoftim.

Tutje në njoftim thuhet se nga zyrtarët policorë janë ndërmarrë veprime konkrete policore, të realizuara në bashkëpunim edhe me njësitet përgjegjëse të Drejtorisë Rajonale të policisë kufitare
“Perëndimi” Gjakovë.

Sipas procedurave të parapara janë njoftuar edhe njësia kompetente nga Drejtoria për Hetimin e Trafikimit me Narkotik si dhe Prokurori i Shtetit pranë Prokurorisë Themelore në
Gjakovë, Departamenti për Krime të Rënda, i cila ka udhëzuar që të iniciohet rasti për veprën penale “Blerja, posedimi, shpërndarja dhe shitja e paautorizuar e narkotikëve,
substancave psikotrope dhe analoge” nga neni 267 i KPRK-së.

“Policia e Kosovës, Drejtoria Rajonale e Policisë Kufitare ‘Perëndimi’ Gjakovë mbetet të përkushtuara në luftimin dhe parandalimin e te gjitha dukurive negative”, thuhet njoftimi.

Vazhdo të lexosh

Kronika e zezë

E theri gruan me thikë kuzhine derisa ishte në gjumë, Gjykata merr vendim për burrin nga Mitrovica

Publikuar

nga

Me 7 vite burgim është dënuar F.R, i akuzuar se theri disa herë me thikë kuzhine bashkëshorten derisa ajo ishte duke fjetur me fëmijë.

Aktgjykimi është shpallur të premten, nga gjykatësi i Gjykatës Themelore në Mitrovicë, Sinisha Mandushiq.

Po ashtu, i akuzuari F.R u ngarkua edhe me shpenzimet procedurale në shumën prej 150 euro, paushallin gjyqësor në shumën prej 20 euro, si dhe shumën prej 50 euro për fondin për kompensimin e viktimave të krimit. Të gjitha këto pagesa duhet t’ i kryejë në afatin prej 15 ditë nga dita e plotfuqishmërisë së vendimit.

Kurse, pala e dëmtuar për kërkesën pasurore juridike u udhëzua në kontest civil.

Ndryshe, në shqyrtimin fillestar të mbajtur më 28 korrik, pas leximit të aktakuzës nga prokurori Njazi Rexha, i akuzuari F.R është deklaruar fajtor dhe i penduar.

Prokuroria Themelore në Mitrovicë, më 2 prill 2021, kishte ngritur aktakuzë ndaj F.R.

Sipas aktakuzës, me 9 shtator 2020, rreth orës 05:00 në shtëpinë e prindërve të tij, me dashje kishte filluar kryerjen e veprës penale të vrasjes ndaj viktimës – Q.Q e të cilën nuk e kishte përfunduar, në atë mënyrë pas mosmarrëveshjeve mes veti deri sa viktima kishte qenë duke fjetur në shtrat në dhomën e fjetjes me fëmijët e kishte goditur disa herë me thikë kuzhine nëpër trup.

Siç thuhet në aktakuzë, i kishte shkaktuar plagë prerëse shpuese të shumta duke i shkaktuar dëmtime të rënda trupore. Më këtë, Rama po akuzohet se ka kryer veprën penale “vrasje e rëndë në tentativë”, nga neni 173 par.1 pika 1.3 lidhur, ku dënimi parashihet prej 10 deri në burgim të përjetshëm. Kjo vepër është lidhur edhe me nenin 28 të Kodit Penal, ku flitet për veprat që mbesin në tentativë dhe nuk realizohen. Aty parashihet dënim sikur vepra të jetë kryer po lihet edhe mundësia që dënimi të zbutet. /BetimipërDrejtësi.

Vazhdo të lexosh

Kronika e zezë

Dy vjet burgim dhe 1000 euro gjobë pasi u kap me drogë

Publikuar

nga

M.B nga Gjakova është dënuar me dy vjet burgim dhe me 1000 euro gjobë për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Kryetari i Trupit gjykues i Departamentit për Krime të Rënda, Drilon Haraçia, e shpalli fajtor për këtë vepër penale dhe i shqiptoi dënimin pasi i pandehuri paraprakisht kishte pranuar fajësinë sipas aktakuzës, njofton Klan Kosova.

I pandehuri M.B., akuzohet se “me datën 24 qershor 2021, gjatë bastisjes nga ana e policisë në shtëpinë e tij në katin e dytë të shtëpisë tek dhoma e tij, janë gjetur tetë (8) qese të mbushura me substancë të llojit Marihuanë, një (1) kavanoz i mbushur me substancë të llojit Marihuanë, një qese të mbushur me substancë narkotike të llojit Kokainë në peshë rreth 1.36 gram, dy peshore digjitale të cilat shërbejnë për matjen e narkotikut, ndërsa brenda në një aneks të shtëpisë (shupë) janë gjetur njëzet (20) qese të paketuara dhe të mbushura me substancë narkotike të llojit Marihuanë, e gjithë kjo sasi e substancës narkotike-kanabis (Marihuanë) në peshë prej 986,76 gramë”, thuhet në komunikatë.

Gjykata ka urdhëruar që ndaj të pandehurit M. B., të konfiskohen mjetet monetare në shumën prej pesëqind e tridhjetë (530) € , si mjete te përfituar nëpërmjet kryerjes se veprës penale dhe të bëhet shkatërrimi i substancës narkotike.

Vazhdo të lexosh

Të kërkuara