Prokuroria e Tiranës i ka kaluar për kompetencë SPAK hetimet mbi atentatin që ndodhi në rreth-rrotullimin e Rinasit, ku humbën jetën dy persona, për shkak të dyshimeve se ngjarja lidhet me një grup të strukturuar kriminal.

Pas verifikimeve, Prokuroria e Tiranës arriti në përfundimin se organi më i përshtatshëm për të hetuar ngjarjen është struktura e posaçme kundër krimit të organizuar.

Në atentatin që ndodhi mesditën e së kaluarës, humbën jetën Gilmando Dani, i njohur si krahu i djathtë i Emiljano Shullazit, dhe Muçi Shaljani, alias Sheqeri, agjent i AMP, njofton Euronews

Një incident i rëndë ka ndodhur dje në fshatin Kllokot, ku një person dyshohet për sulm fizik ndaj katër personave, përfshirë dy zyrtarë policorë.

Sipas njoftimit zyrtar të Policisë së Kosovës, i dyshuari, ka sulmuar fizikisht katër  burra.

Në mesin e të lënduarve ishin edhe dy zyrtarë policorë, të cilët kanë pranuar tretman mjekësor pas incidentit.
Burime policore bëjnë të ditur se rasti po hetohet si “Sulm ndaj personit zyrtar” dhe “Asgjësim apo dëmtim i pasurisë”.

I dyshuari është arrestuar në vendin e ngjarjes dhe, pas intervistimit, me vendim të prokurorit është dërguar në mbajtje.

Policia ka bërë të ditur se hetimet janë duke vazhduar për të sqaruar plotësisht rrethanat e ngjarjes dhe motivet që çuan në këtë incident.

Në Pikë Kalimin Kufitar Vërmicë, zyrtarët e Dogana e Kosovës kanë sekuestruar mallra në vlerë mbi 33 mijë euro dhe kanë ndaluar një person të dyshuar për shmangie nga detyrimet doganore.

Sipas njoftimit të Doganës, gjatë ushtrimit të detyrës, Njësia e Antikontrabandës ka identifikuar një automjet që nuk i është bindur urdhrit për ndalim dhe është larguar nga pika e kontrollit.

Pas reagimit të menjëhershëm operacional, zyrtarët doganorë i janë vënë në ndjekje automjetit dhe kanë arritur ta ndalojnë atë në autostradë. Më pas, automjeti është kthyer nën përcjellje në PKK Vërmicë për kontroll të detajuar.

Gjatë kontrollit është konstatuar se automjeti transportonte dërgesa postare të destinuara për blerës në Kosovë dhe në Maqedonia e Veriut.

Pas numërimit dhe verifikimit, është konstatuar se në automjet ndodheshin: 233 pako, 1,376 njësi mallrash të ndryshme, vlera e përgjithshme e mallit: 33,810.98 euro, shmangie nga detyrimet doganore: 10,075.67 euro.

Malli i sekuestruar përfshinte artikuj tekstili, këpucë, produkte kozmetike, aksesorë, produkte ushqimore dhe mallra të tjera konsumi.

Në vendngjarje kanë dalë njësitë hetimore të Doganës së Kosovës dhe, me urdhër të Prokurorit kompetent, është iniciuar rast për vepër penale.

I gjithë malli është sekuestruar dhe evidentuar sipas procedurave ligjore, ndërsa automjeti është konfiskuar përkohësisht dhe dërguar në hapësirat zyrtare të Doganës.

Me urdhër të Prokurorit kujdestar, i dyshuari është dërguar në mbajtje për 48 orë.

Dogana e Kosovës ka theksuar se mbetet e përkushtuar në luftimin e kontrabandës dhe shmangies së detyrimeve doganore, me qëllim mbrojtjen e rendit ekonomik dhe sigurisë së tregut.

Një grua është shoqëruar në stacion policor në fshatin Milloshevë të Obiliqit, pasi gjatë kontrollit tek ajo janë gjetur dhe sekuestruar 3.6 gram marihuanë.

Sipas Policisë së Kosovës, ngjarja ka ndodhur më 12.02.2026 rreth orës 23:22, ndërsa pas intervistimit dhe me vendim të prokurorit, rasti ndaj të dyshuarës femër kosovare ka shkuar në procedurë të rregullt.

“E dyshuara është intervistuar dhe ndaj saj është iniciuar procedurë e rregullt me vendim të prokurorit.”

Rasti është raportuar në raportin njëditor të Policisë së Kosovës.