Lajmet
Arrestohet një grua në aeroport, fshehu kokainën në thembra të këpucëve
Një 21-vjeçare u arrestua në Aeroportin Ndërkombëtar Hartsfield-Jackson të Atlantës nën përpjekjen për të kontrabanduar tre paund kokainë të fshehur në thembra të shtatë palë këpucëve, thanë zyrtarët e doganave të martën.
“Këpucët janë bërë për të ecur dhe jo për të kontrabanduar lëndë narkotike”, tha Dogana dhe Mbrojtja e Kufirit të SHBA (CBP), në një njoftim për shtyp.
Gruaja nga Xhorxhia, emri i së cilës nuk u bë i ditur, po kthehej nga Xhamajka të dielën kur agjentët e tërhoqën atë për inspektim të mëtejshëm.
Pas ekzaminimit të çantave të saj, oficerët gjetën një substancë me pluhur të bardhë të fshehur në fund të shtatë palë këpucëve. Substanca e testuar në terren rezultoi pozitive për kokainë, thuhet në njoftim.
Në imazhet e shpërndara, këpucët, duke filluar nga atlete te sandalet dhe madje edhe një palë pykë, janë vendosur në një tryezë pasi oficerët i kanë ndarë ato. Në tabanin e secilës këpucë dhe të futur në thembra të pykës, mund të shihet një pako kokainë.
Kjo nuk është hera e parë që kontrabandistët përpiqen të fshehin drogën në thembra të këpucëve të tyre. Në dhjetor, CBP tha se një qen që nuhat drogë në pikën e kontrollit në Yuma ka nuhatur më shumë se një kile fentanil që ishte ngjitur me kasetë brenda këpucëve të një burri nga Arizona.
Në një ditë tipike, agjentët kufitarë kapin më shumë se 3 mijë e 600 paund të drogës, sipas CBP.
“Kontrabandistët bëjnë shumë përpjekje për të fshehur drogën nga oficerët tanë. Ndalimi i narkotikëve mbetet një mision prioritar i zbatimit të CBP, një që ne e marrim shumë seriozisht”, tha Paula Rivera, drejtoresha e CBP për Portin Zonal të Atlantës.
Zyrtarët vlerësojnë se tre paund kokainë që gjetën në këpucët e gruas kanë një vlerë prej 40 mijë dollarësh. Gruaja u dorëzua në Departamentin e Policisë së Qarkut Clayton për ndjekje penale.
“Akuzat penale janë thjesht akuza. Të pandehurit prezumohen të pafajshëm derisa të provohet fajësia në gjykatë”, thuhet në njoftim./UBTNews
(Arjeta Ibishi, studente në Media dhe Komunikim në UBT)
Sot prezantohen rezultatet e çmimeve të pronave banesore
Aksidentohen 8 vetura në Gjermani, dëmet mbi 100 mijë euro
Kupa e Italisë, në çerekfinale përballja shqiptare Gjimshiti – Zhegrova
Parashikimi i motit
Bebe Rexha surprizon me vargje në shqip, ndan pamje ekskluzive nga studioja
Në Prishtinë nis sot “FRAGMENTA 2025, edicioni debutues për artistët e rinj
Reperi i njohur ndahet nga jeta në moshën 26-vjeçare, rrethanat ende të paqarta
Me shumicë votash, Vesa Shatri zgjidhet Kryetare e re e Këshillit Studentor të UBT-së
Dhimbja e shpatullave, nga shkaqet deri tek trajtimi
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoUBT shpall thirrjen për Konferencën Ndërkombëtare të Gjuhës dhe Kulturës 2025