Në vazhdën e përgatitjeve për finalet e Kampionatit Europian U-17, një delegacion i UEFA-s zhvilloi një inspektim katërditor në Shqipëri, duke vlerësuar nga afër gjendjen e stadiumeve dhe fushave stërvitore ku do të luajnë dhe përgatiten ekipet pjesëmarrëse.

I shoqëruar nga përfaqësues të FSHF-së, delegacioni inspektoi stadiumin “Egnatia Arena”, duke u njohur me transformimin e tij të fundit, si dhe fushat stërvitore në “Shtëpinë e Futbollit”, “Selman Stërmasi”, “Tofik Jashari”, “Sol Tropikal”, “Skënder Halili”, aneksin e stadiumit “Roza Haxhiu” dhe stadiumin “Luzi”.

Gjithashtu, delegacioni i UEFA-s inspektoi edhe tre stadiumet e tjera ku do të luhen ndeshjet finale të Evropianit: “Arena Kombëtare”, “Elbasan Arena” dhe “Niko Dovana”.

“Me afrimin e turneut, vizitat e UEFA-s do të bëhen më të shpeshta, ndërsa puna për përmirësimin e infrastrukturës po vijon me ritme të shpejta. Vetëm pak ditë më parë, Komiteti Ekzekutiv i FSHF miratoi një plan rinovimi për disa terrene sportive, duke përfshirë investime të plota në “Selman Stërmasi”, “Skënder Halili”, “Tofik Jashari” dhe “Roza Haxhiu”, si dhe ndërhyrje të pjesshme në “Niko Dovana”, “Tropikal Sol”, “Luzi” dhe “Egnatia Arena.”, thuhet në njoftimin e FSHF-së.

Këto investime pritet të rrisin cilësinë e kushteve për lojtarët dhe të lënë një trashëgimi të rëndësishme për futbollin shqiptar pas përfundimit të turneut.

Nicolo Zaniolo është zyrtarisht futbollist i Fiorentinës. Klubi vjollcë ka njoftuar se ka marrë sulmuesin italian në huazim të përkohshëm nga Galatasaray, me mundësi blerje. Zaniolo, i lindur në Massa dhe i rritur në Akademinë e Fiorentinës, ka një karrierë të pasur me ekipe të tjera si Roma, Aston Villa dhe Atalanta.

Gjatë karrierës së tij, ai ka luajtur pothuajse 200 ndeshje në ligat më të rëndësishme, duke shënuar 34 gola dhe 19 asistime. Ai do të mbajë fanellën me numrin 17 në Fiorentina.