Kronika e zezë

Arrestohet avokati, përhapi dezinformata rreth Covid-19

Ai akuzohet gjithashtu për nxitje të mosbindjes.

Published

3 years ago

November 18, 2021

UBT news

Një avokat grek i cili ishte në krye të fushatave online kundër vaksinimit u arrestua të mërkurën për përhapjen e lajmeve të rreme për pandeminë në mediat sociale, në aplikimin e parë të ligjit të ri të miratuar në parlament më 12 nëntor.

Nikos Antoniadis akuzohet gjithashtu për nxitje të mosbindjes – të dyja akuzat janë kundërvajtje, përcjell UBT News.

Dosja ndaj tij u formua nga divizioni i policisë për krimin kibernetik pas një denoncimi që përmbante prova ku dyshohet se avokati deklaronte se nuk ka koronavirus, se intubimi i pacientëve është bërë pa ndonjë arsye të mirë dhe se vaksinat kundër Covid- 19 kanë efekte anësore.

Arrestimi i tij është urdhëruar nga Prokuroria e Athinës, e cila prej kohësh po kryen hetimet përkatëse për veprimtarinë e personave që janë kundër vaksinave.

Pas intervistimit avokati është lënë i lirë, megjithatë prokurori do të vendosë nëse do të vazhdojë ndjekjen apo do të vazhdojë hetimet paraprake./UBTNews/

Related Topics:avokat dezinformim greqi vaksina antiCOVID

Up Next

Kërkohet varja e vrasësit të 8-vjeçarit në Fier

Don't Miss

Arrestohen dy të dyshuarit për tentim plaçkitjen e argjendarisë në Prizren ku u plagosën babë e bir

Kronika e zezë

Arrestohen tre persona për fajde në Prizren

Published

5 months ago

October 2, 2024

UBTnews

Policia e Kosovës ka arrestuar sot tre persona në Prizren nën dyshimet se janë të përfshirë në veprat penale fajde dhe detyrim.

Në vendbanimet e personave të dyshuar janë sekuestruar dy automjete, para dhe dëshmi të rëndësishme, të cilat do të përdorën si dëshmi në procedura të mëtutjeshme.

Dyshohet se këta persona duke kanosur viktimën, në vazhdimësi kanë tentuar ta detyrojnë që të veprojë kundër pasurisë së tij.

Të dyshuarit pas intervistimit, me aktvendim të prokurorit ndalohen për 48 orë.

Kronika e zezë

Një qytetar në veri të Mitrovicës sulmohet, fyhet në gjuhën shqipe dhe serbe

Published

5 months ago

October 1, 2024

UBTnews

Policia e Kosovës ka njoftuar se në Mitrovicë të Veriut është raportuar një rast sulm dhe fyerje.

Sipas policisë, ankuesi ka njoftuar se derisa ishte duke ecur në trotuar me tre persona, dy motorë skuter me nga dy persona të cilët kanë qenë duke lëvizur në rrugë i kanë fyer në gjuhen shqipe dhe në gjuhen serbe dhe të njëjtit i kanë gjuajtur me një shportë plastike duke e goditur viktimën.

“Viktima nuk ka pësuar lëndime trupore, ndërsa të dyshuarit janë larguar në drejtim të urës lindore”, thuhet në njoftim.

Kronika e zezë

Aksident i rëndë trafiku në Lipjan, lëndohet një këmbësor

Published

5 months ago

October 1, 2024

UBTnews

Një këmbësor ka pësuar lëndime të rënda dje si pasojë e një aksidenti në Lipjan. Deri tek aksidenti ka ardhur pasi një burrë duke e drejtuar një motoçikletë e ka goditur këmbësorin viktimën mashkull kosovar.

“Rr. Avdi Kelmendi, Lipjan 30.09.2024-15:20. Raportohet se i dyshuari mashkull kosovar derisa ishte duke drejtuar një motoçikletë e ka goditur këmbësorin viktimën mashkull kosovar. Si pasojë e aksidentit viktima ka pësuar lëndime të rënda trupore. I dyshuari është arrestuar dhe me vendim të prokurorit dërgohet në mbajtje”, thuhet në njoftim.

Kronika e zezë

Shpërthim në Podujevë, policia po e heton rastin

Published

5 months ago

September 30, 2024

UBTnews

Policia e Kosovës ka njoftuar se një shpërthim ka ndodhur në Podujevë në orët e para të së dielës. Rasti është trajtuar si shkaktim i rrezikut të përgjithshëm dhe është duke u hetuar.

“Ankuesi mashkull kosovar ka raportuar se ka dëgjuar një shpërthim. Në vendin e ngjarjes ku dyshohet se ka ndodhur shpërthimi kanë dalë njësitet përkatëse policore, me ç’rast është njoftuar edhe njësia për deminim dhe hetuesia”, thuhet në raportin 24-orësh të Policisë.

Lidhur me rastin thuhet se është njoftuar edhe prokurori dhe hetimet janë duke vazhduar.