Lajmet

Arrestimi i një bosi të dyshuar të drogës shkakton përleshje të dhunshme në Meksikë

Juan Treviño u arrestua në shtetin Tamaulipas, një nga rajonet më të dhunshme të Meksikës.

Published

on

Një bos i dyshuar droge, arrestimi i të cilit shkaktoi përleshje në veri-lindje të Meksikës, është deportuar në SHBA, përcjell UBT News.

Juan Gerardo Treviño, i njohur gjithashtu si “El Huevo”, u kap në agimin e së hënës nga autoritetet meksikane. Një përleshje e dhunshme midis ushtrisë dhe anëtarëve të bandës pasoi në Nuevo Laredo.

Një shtetas amerikan dhe në listën e të “kërkuarve”, ai përballet me akuza për trafik droge dhe pastrim parash atje.

Ai akuzohet gjithashtu për vrasje, terrorizëm, zhvatje dhe shoqërim kriminal në Meksikë, tha qeveria për agjencinë e lajmeve Reuters.

Kapja e liderit të profilit të lartë të kartelit është “një nga arrestimet më të rëndësishme të dekadës së fundit”, tha Sekretari Meksikan për Punët e Jashtme, Marcelo Ebrard për CB Televisión.

Juan Treviño u arrestua në shtetin Tamaulipas, një nga rajonet më të dhunshme të Meksikës. Disa ditë më parë, autoritetet lokale kishin shpallur një shpërblim prej 100,000 dollarësh për kapjen e tij.

Ai akuzohet për drejtimin e një organizate të fuqishme kriminale, Kartelin Verilindor, dhe bandën e saj të armatosur, Troops from Hell.

Familja e z. Treviño është gjithashtu e lidhur me grupet e krimit të organizuar në Meksikë. Xhaxhai i tij është Miguel Ángel Treviño Morales, dikur udhëheqësi i kartelit famëkeq të drogës Los Zetas. I njëjti tani është duke vuajtur një dënim të përjetshëm, pasi u akuzua për urdhërimin e masakrave dhe përdorimin e drogës në shkallë globale.

Anëtarët e Los Zetas u bënë veçanërisht famëkeq për brutalitetin e tyre, shpesh duke torturuar dhe prerë kokat e viktimave të tyre. Banda tani është shpërndarë kryesisht dhe është ndarë në disa grupe, duke përfshirë Kartelin Verilindor.

Arrestimi i Juan Treviño shkaktoi një përleshje hakmarrëse me armë nga anëtarët e kartelit të tij. Rreth 700 trupa ushtarake dhe katër helikopterë ishin të nevojshëm për të siguruar zonën.

Videot e shpërndara në mediat sociale treguan kamionë të mëdhenj në flakë dhe rrugë të bllokuara. Për shkak të trazirave u mbyllën disa ura ndërkombëtare midis SHBA-së dhe Meksikës.

Konsullata e SHBA-së në qytet gjithashtu konfirmoi se ishte dëmtuar dhe u detyrua të mbyllej përkohësisht.

Shteti i Tamaulipas është i njohur për vrasjet dhe zhdukjet e dhunshme, shpesh të lidhura me kartelet e fuqishme të drogës që luftojnë për territor./UBTNews/

Aktualitet

Tentimvrasja në Pejë, i dyshuari në arrati

Published

on

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.

Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.

“VRASJE NË TENTATIVË. Rr. Vëllezërit Gërvalla, Pejë  22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.

Continue Reading

Aktualitet

Seanca konstituive vazhdon të premten në ora 10:00

Published

on

Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.

Ai tha se seanca do të vazhdojë sërish më 25 prill në ora 10:00.

“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.

 

Continue Reading

Aktualitet

Burimet e Vatikanit zbulojnë detaje të momenteve të fundit të Papës

Published

on

Burime nga Vatikani kanë dhënë më shumë detaje për momentet e fundit të Papës.

Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.

Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.

Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.

Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.

Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.

Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.

Continue Reading

Lajmet

Si të ngrini produktet e qumështit pa humbur shijen?

Published

on

Edhe produktet e qumështit mund të ngrihen, dhe kryesisht të mos e ndryshojnë teksturën dhe shijen. Zbuloni se cilat janë truket për ngrirje të duhur të produkteve të qumështit.

Në këtë mënyrë do ta zgjasni afatin e qumështit, djathit dhe produkteve të tjera, por disa prej tyre nuk ka kuptim të ngrihen, sepse pas shkrirjes nuk do ta kenë të njëjtën shije.

Truket që funksionojnë:

Ai reagon mjaft mirë ndaj ngrirjes. Atë mund ta “paketoni” në shishe plastike dhe ta vendosni në ngrirës.

E shkrini në frigorifer. Nëse e keni ngrirë qumështin e papërpunuar të pavluar, më së miri është ta vendosni (të shkrirë) në një tigan në shporet (në temperaturë mesatare) dhe të lihet të vlojë. (Bëni kujdes, qumështi është “mashtrues”, – ai mund të vlojë shpejt).

Mos e pini qumështin derisa të shkrihet, yndyrat dhe pjesa e lëngshme nuk shkrihen në të njëjtën kohë, po të shkrihej qumështi do mbetej vetëm një përzierje e bardhë e holluar me ujë. Vetëm lëreni të shkrihet ngadalë dhe përzieni para se ta përdorni. Ai do ta ketë të njëjtën shije sikurse kur e keni blerë.

Djathërat

Edhe djathërat mund t’i ngrini lehtë, bëni kujdes me shkrirjen. Në qoftë se përdorni djathë të fortë e doni ta përdorni në ushqimin ku duhet të shkrihet, vetëm vendoseni të ngrirë, në salca dhe supa. Atë mund ta imtësoni edhe të ngrirë mbi pica a ndonjë ushqim tjetër dhe vetëm e lini në furrë për disa minuta.

Nuk do duhej ta shkrini në frigorifer, sidomos djathërat e forta, se fillojnë të shpërbëhen, nëse e shkrini në temperaturë dhome, e vendosni në frigorifer për një orë ose dy para se ta përdorni. Ai do të jetë pothuajse i njëjtë si kur e keni blerë. Djathërat tjerë do t’i shkrini në frigorifer, si djathi i dhisë, krem djathi.

Ato mund t’i konsumoni pa ndonjë përgatitje të veçantë kur të shkrihen. Djathi i shtëpisë reagon në mënyrë të ngjashme me qumështin. Duhet ta keni parasysh që shtrihet kur ngrihet, bëni kujdes në çfarë do ta vendosni kur ta vendosni në frigorifer, opsioni më i mirë janë enët plastike.

Lëreni atë të shkrihet në frigorifer.

Gjalpi

Nuk ka asgjë më të thjeshtë. Vetëm vendoseni në ngrirës, dhe më pas nxirreni të shkrihet në frigorifer apo vetëm përdoreni një pjesë (sikurse në gjendje të shkrirë), dhe pjesën tjetër kthejeni në frigorifer. (Nëse gjalpi është në ulje çmimi, blijeni në sasi më të madhe dhe ngrijeni).

Ajka

Për këtë produkt të qumështit nuk rekomandohet ngrirja. Kur e shkrini në frigorifer mund ta hani pa ndonjë rrezik, por ajo do të jetë e shpërbërë dhe krejtësisht ndryshe. Më së miri është që ngrirjen e ajkës ta anashkaloni dhe atë ta përdorni të freskët.

Continue Reading

Të kërkuara