Elon Musk ka shprehur mbështetje të fuqishme për Alice Weidel, kandidatin për kancelare të partisë AfD në Gjermani, duke deklaruar se vetëm AfD-ja mund të shpëtojë vendin. Pas këtij komenti, Musk dhe Weidel do të zhvillojnë një bisedë të drejtpërdrejtë të enjten në mbrëmje në platformën X (ish-Twitter), për të diskutuar situatën politike në Gjermani, në prag të zgjedhjeve parlamentare të 23 shkurtit. Biseda do të fokusohet edhe në çështjen e lirisë së shprehjes dhe do të mund të ndiqet drejtpërdrejt nga audienca virtuale.

Musk, që është këshilltar i ngushtë i presidentit të ardhshëm të SHBA-së, Donald Trump, ka shprehur hapur mbështetje për AfD-në dhe politikat e saj populiste të djathta. Ai theksoi se “Alternativa për Gjermaninë” është e vetmja mundësi për të nxjerrë vendin nga gjendja e tij aktuale mesatare, duke shtuar se është koha për “ndryshime të guximshme”. Sipas Musk, AfD-ja mund të jetë forcë e nevojshme për të ndryshuar rrugën e Gjermanisë dhe për t’i dhënë fund ndikimit të së kaluarës.

Takimi i Musk dhe Weidel do të zhvillohet në anglisht, dhe do të lejojë gjithashtu pyetje nga audienca./UBTNews/

Pierre Poilievre, udhëheqësi i Partisë Konservatore të Kanadasë, është një figurë e fuqishme dhe ambicioze që mund të jetë lideri i ardhshëm i vendit. Tani 45 vjeç, Poilievre ka ndjekur një rrugë të ngjeshur politike që nga moshat e reja, duke shfaqur një vizion të qartë për një Kanada me taksa të ulëta dhe një ekonomi më të fortë. Ai beson se “një dollar i lënë në duar të konsumatorëve dhe investitorëve është më produktiv se një dollar i shpenzuar nga politikanët”, një filozofi që ka theksuar edhe në intervistat e tij të fundit.

Poilievre është një lider i Partisë Konservatore që ka udhëhequr partinë drejt një epërsie të madhe në sondazhet kombëtare, duke krijuar pritshmëri të larta për një fitore të mundshme në zgjedhjet e ardhshme. Me dorëheqjen e kryeministrit Justin Trudeau, Poilievre po ofron një alternativë për ata kanadezë që janë të frustruar nga një ekonomi e ngadaltë dhe një krizë strehimi. Ai e ka kritikuar ashpër politikën e Trudeau, duke e etiketuar si “socializëm autoritar” dhe duke u përpjekur të ofrojë një rrugë të ndryshme, më të arsyeshme për të ardhmen e vendit.

Historia e Poilievres është një histori ngjitjeje nga një fëmijëri e thjeshtë, si i birë i një nënë 16-vjeçare, deri në politikën e lartë kanadeze. Me një angazhim të thellë për vlerat konservatore, ai ka ndjekur një karrierë që ka kaluar përmes studimeve dhe takimeve kyçe me politikanë të njohur, duke u pozicionuar si një lider popullor i cili është gati për të marrë drejtimin e vendit. Poilievre është i njohur për qëndrimet e tij të drejtpërdrejta dhe për angazhimin në çështje si ekonomia dhe energjia, dhe po pret me padurim mundësinë për të udhëhequr një qeveri që do të ndryshojë kursin e Kanadasë./UBTNews/

I zgjedhuri nga Donald Trump për postin e të dërguarit për Ukrainën dhe Rusinë, tha se presidenti i zgjedhur amerikan do të ketë parasysh interesat e Kievit kur ai të nisë punën për arritjen e një marrëveshjeje për dhënien fund të luftës dhe do të synojë që zgjidhja të jetë e drejtë.

“Njerëzit kanë nevojë ta kuptojë se ai nuk po tenton t’i japë diçka [presidentit rus, Vladimir] Putin apo rusëve”, tha Keith Kellogg, gjenerallejtënant në pension, të cilin Trumpi e ka zgjedhur në postin e të dërguarit të tij për Ukrainën dhe Rusinë dhe e ka ngarkuar me udhëheqjen e negociatave për t’i dhënë fund luftës.

“Ai po tenton të shpëtojë Ukrainën dhe të shpëtojë sovranitetin e saj”, tha Kellogg gjatë një interviste për Fox News më 8 janar. “Ai do të sigurohet që të jetë i drejtë dhe këtë e ka thënë vazhdimisht”, përfshirë edhe presidentit ukrainas, Volodymyr Zelensky.

Trump gjatë fushatës presidenciale vitin e kaluar tha se ai do t’i jepte fund konfliktit në Ukrainë brenda 24 orësh pasi të merrte detyrën e presidentit. Tani ai shpreson që t’u japë fund luftimeve brenda gjashtë muajve.

“Shpresoj që të ndodhë para se të kalojnë gjashtë muaj”, tha Trump gjatë një konference për media më 7 janar kur u pyet nëse do të mund të zgjidhte konfliktin për gjysmë viti.

Kellogg tha se ai preferon një periudhë më të shkurtër kohore, në një periudhë prej 100 ditësh nga inaugurimi i Trumpit si presidenti më 20 janar. Sipas emisarit, ai dhe Trumpi dëshirojnë që t’i japin fund luftës sa më shpejt të jetë e mundur.

Kellogg nuk pranoi të zbulonte përmbajtjen e ndonjë nga bisedat e tij me Trumpin mbi luftën, duke thënë se Trump “flet vetë” dhe më shumë informacione për këtë temë do të bëhen publike pas inaugurimit.

Ai la të kuptohet se po punohet që Trump dhe Putin të bisedojnë.

“Ne do të vendosim kushtet… dhe ai më pas do të jetë në pozitë që të bisedojë me Putinin dhe po ashtu me presidentin Zelensky dhe mendoj se do të arrijmë deri te një zgjidhje në një periudhë të shkurtër kohore”, tha Kellogg.

Megjithatë, ai nuk u pyet lidhur me shtyrjen e një vizite që ai pritej të zhvillonte gjatë këtij muaji në Kiev dhe në kryeqytete të tjera evropiane. Ministri i Jashtëm ukrainas, Andriy Sybiha, njoftoi më 7 janar se kjo vizitë do të riplanifikohet.

Gjatë intervistës, Kellogg kritikoi presidentin amerikan, Joe Biden, për moskomunikim me Putinin, duke thënë se kanë kaluar më shumë se dy vjet që kur ata kanë biseduar. Trump, në anën tjetër, flet si me kundërshtarët ashtu edhe me aleatët, tha ai.

“Ai e di se duhet të flitet me njerëz për të arritur te një zgjidhje përfundimtare dhe kjo është ajo çfarë ne do të bëjmë”, tha Kellogg./REL/