Lajmet

Arrestime dhe hetime për keqpërdorimin e 19.5 milionë eurove në Bosnjë dhe Hercegovinë

Published

on

Më 18 shkurt 2025, Administrata Federale e Policisë (FUP) e Bosnjës dhe Hercegovinës, në kuadër të operacionit “Korridori”, ka realizuar një aksion të gjerë, duke arrestuar 15 persona të dyshuar për korrupsion të nivelit të lartë. Aksioni ka përfshirë kontrolle të pasurive të luajtshme dhe të paluajtshme në disa zona të Kantonit të Sarajevës, Tuzlës, dhe Hercegovinës Qendrore, si dhe në zona të tjera jashtë këtyre kantoneve.

Ky operacion u realizua nën mbikëqyrjen e Prokurorisë Kantonale të HNK-së dhe ka si qëllim dokumentimin e veprave penale të natyrës korruptive, përfshirë “Bashkimin me qëllim kryerjen e veprave penale”, “Keqpërdorimi i pozitës apo autoritetit”, dhe “Lidhja e kontratës së dëmshme të shpërlarjes”.

Aksioni ka dalë pas një kallëzimi të paraqitur në vitin 2022 nga një individ i huaj, i cili ka denoncuar paligjshmëritë gjatë ndërtimit të një nënseksioni të Korridorit Vc, konkretisht nënseksioni Vranduk – Ponirak. Dyshohet se gjatë këtij projekti janë shkaktuar dëme financiare që arrijnë në rreth 19.5 milionë euro, të cilat janë humbur për shkak të korrupsionit dhe keqpërdorimeve të mundshme gjatë ndërtimit të autostradës.

Në mesin e personave të arrestuar janë disa ish-drejtues të lartë të Autostradave të Federatës së Bosnjës dhe Hercegovinës (FBiH), përfshirë Elmedin Voloder, ish-drejtorin e Autostradave të FBiH-së, Jasmin Buço, ish-drejtorin ekzekutiv të këtij institucioni për projektim dhe ndërtim, Adnan Terziq, dhe Adem Zolj, ish-drejtorë të tjerë të kësaj kompanie. Përveç këtyre, janë arrestuar edhe anëtarë të Administratës aktuale të Autostradave të FBiH-së, përfshirë Kristijan Milas, Mirko Rogiq, dhe Ivan Brkiq, drejtor ekzekutiv për menaxhim dhe mirëmbajtje.

Personat e arrestuar janë duke u marrë në pyetje në ambientet e Administratës Federale të Policisë, dhe pritet që pas përfundimit të hetimeve, ata t’i dorëzohen Prokurorisë Kantonale të HNK-së për procedura të mëtejshme ligjore. Ky operacion vjen pas një periudhe të gjatë hetimi dhe është një hap i rëndësishëm për luftimin e korrupsionit në nivel të lartë në Bosnjë dhe Hercegovinë.

Continue Reading

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Bota

Presidenti serb Vuçiq do të jetë pjesëmarrës në paradën ushtarake në Kinë

Published

on

Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.

Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.

Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.

Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.

Continue Reading

Aktualitet

Gjykata Supreme refuzon ankesën e Korab Mushkolajt për certifikim në zgjedhjet lokale

Published

on

Gjykata Supreme e ka hedhur poshtë ankesën e kandidatit të Partisë Demokratike të Kosovës për kryetar të Deçanit, Korab Mushkolaj, paraqitur kundër vendimit të PZAP-së pasi iu refuzua certifikimi për zgjedhjet e 12 tetorit.

“Ankesa është e pa themeltë”, ka vendosur Supremja.

Zyra për Regjistrim, Certifikim dhe Kontrollin Financiar të Subjekteve Politike pas vërtetimit se Mushkolaj është i angazhuar me aktemërim të përhershëm të Ministrisë së Jashtme si zyrtar i lartë, i pati kërkuar PDK-së që ta zëvendësojë atë, por partia pati refuzuar ta bëjë këtë gjë. Zyra më pas ka rekomanduar certifikimin e të gjithë kandidatëve të tjerë të PDK-së, përveç Mushkolajt. PZAP po ashtu ia ka refuzuar ankesën Mushkolajt, siç parashihet me Ligjin për Shërbimin e Jashtëm, i cili nuk lejon kandidimin e një anëtari të shërbimit të jashtëm.

Gjykata Supreme e ka pranuar konstatimin e PZAP-së, teksa ka theksuar se moscertifikimi i Mushkolajt nuk është i kundërligjshëm.

“Prandaj, nga këtu, kjo Gjykatë, konsideron se në rastin konkret juridik, është marrë vendim i drejtë, me të cilin nuk është bërë diskriminim dhe lidhur me rastin konkret nuk është cenuar e drejta zgjedhore dhe ndonjë e drejtë themelore e paraparë me Ligj dhe me Kushtetutën e Republikës së Kosovës, nuk janë shkelur parimet themelore të procesit zgjedhor të parapara shprehimisht me dispozitat e nenit 4 të Ligjit Për Zgjedhjet e Përgjithshme në Republikën e Kosovës dhe me dispozitat përkatëse të Konventës Evropiane të Drejtave të Njeriut”, thuhet në vendim.

Continue Reading

Të kërkuara