Kronika e zezë

Arrest shtëpiak ndaj të akuzuarës se mori mbi 61 mijë euro nga 29 persona për rregullimin e vizave

E akuzuara Peci ngarkohet se gjatë vitit 2020 dhe 2021, nga 29 persona ka pranuar 61 mijë e 600 euro.

Publikuar

2 vjet më parë

më

Gjykata Themelore në Mitrovicë të akuzuarës për mashtrim me viza, Valbonë Peci, ia ka zëvendësuar masën e paraburgimit me masën e arrestit shtëpiak.

E akuzuara Peci ngarkohet se gjatë vitit 2020 dhe 2021, nga 29 persona ka pranuar 61 mijë e 600 euro, të cilëve iu kishte premtuar rregullimin e vizave suedeze, raporton “Betimi për Drejtësi”.

Në seancën e së mërkurës mbrojtësi i të akuzuarës Peci, avokati Armend Krasniqi i propozoi gjykatës që masa e paraburgimit ndaj të mbrojturës së tij të zëvendësohet me ndonjë masë tjetër alternative të sigurimit të pranisë së të pandehurës në procedurë.

Ndërsa, këtë propozim nuk e kundërshtoi prokurori i rastit Sllobodan Bakiq, i cili i propozoi gjykatës që masën e paraburgimit ndaj të akuzuarës Peci ta zëvendësojë me masën e arrestit shtëpiak.

Propozimet e palëve janë aprovuar nga gjyqtari i rastit Rrahman Beqiri.

Gjyqtari Beqiri në vendimin për zëvendësimin e masës së paraburgimit me masën e arrestit shtëpiak ka ardhur duke vlerësuar se kjo masë është e mjaftueshme për pengimin e përsëritjes së veprës penale nga e akuzuara, si dhe për sigurimin e pranisë së të njëjtës në procedurë.

Tutje, shqyrtimi gjyqësor i rradhës pritet të mbahet më 8 korrik 2022.

Ndryshe, Prokuroria Themelore në Mitrovicë, më 11 shkurt 2022, ka ngritur aktakuzë ndaj Valbonë Pecit sepse ekziston dyshimi i bazuar mirë se në Mitrovicë në raste dhe periudha të ndryshme kohore ka sjellë në lajthitje disa persona, me fshehjen e fakteve e me qëllim që vetes t’i sjell përfitim pasuror, e vetëdijshme për veprën dhe për pasojat e të njëjtës.

Sipas aktakuzës, disa persona në dëm të pasurisë së vet të pandehurës i kanë dorëzuar shuma monetare në mënyrë që e njëjta t’ju sigurojë vizën e punës në Suedi, gjë që nuk e ka bërë në afatet e dakorduara, sepse për një veprim të tillë nuk ka pasur bazë, mundësi dhe as autorizim.

Kështu, aktakuza thotë se nga 29 persona në intervale të ndryshme kohore gjatë vitit 2020 e 2021, sipas kësaj baze ka pranuar shuma monetare, në shumë kumulative prej 61 mijë e 600 euro.

Etiketa
Vazhdo të lexosh

Kronika e zezë

​28-vjeçari kapet duke vjedhur në Ferizaj

Publikuar

2 ditë më parë

më

25 Maj, 2024

nga

Sot rreth orës 03:55 policia e stacionit në Ferizaj ka pranuar një informatë, se në rrugën “Gjon Serreqi ” në një lokal afarist një person kishte depërtuar me forcë dhe ishte në proces të vjedhjes.

Policia e Kosovës ka rrethuar zonën dhe lokalin, ndërsa në flagrancë ka kapur të dyshuarin E.D., shtetas i Shqipërisë, i moshës 28-vjeçar dhe e kanë shoqëruar në stacionin e policisë në Ferizaj.

Rreth orës 09:00 në stacionin e policisë në Ferizaj nga disa qytetarë janë raportuar edhe katër raste të vjedhjeve të rënda në lokale të ndryshme afariste, të cilat kanë ndodhur gjatë natës në rrugët “Enver Topalli”, ” 12 Qershori” dhe ” Gjon Serreqi” dhe të cilat dyshohet se i ka kryer i dyshuari i arrestuar E.D.

Hetuesit dhe krimteknikët e stacionit të policisë dhe hetuesit e Sektorit Rajonal të Hetimeve kanë ekzaminuar vendet e ngjarjeve dhe janë duke bashkëpunuar dhe duke i verifikuar të dhënat tjera, nën dyshimin se ka qenë i përfshirë edhe në disa raste tjera të vjedhjeve të rënda në Ferizaj.

I dyshuari në prani të avokatit mbrojtës është intervistuar nga hetuesit policorë, ndërsa me vendim të prokurorit të shtetit është ndaluar në mbajtje për 48 orë për procedura tjera hetimore.

Vazhdo të lexosh

Kronika e zezë

Policia shqipton mbi 2 mijë gjoba në trafik brenda 24 orëve

Publikuar

4 ditë më parë

më

24 Maj, 2024

nga

Policia e Kosovës ka njoftuar se gjatë 24 orëve të fundit ka shqiptuar 2 mijë e 2 gjoba në trafik.

Sipas policisë, gjatë kësaj periudhe kohore janë evidentuar disa aksidente në trafikun rrugor, ku 21 aksidente kanë qenë me lëndime, ndërsa 32 me dëme materiale.

Po ashtu, policia njofton se janë arrestuar dhjetë persona.

Vazhdo të lexosh

Kronika e zezë

Policia arreston personin që ka kërcënuar Përparim Ramën

Publikuar

4 ditë më parë

më

24 Maj, 2024

nga

Policia e Kosovës ka arrestuar një person në Prishtinë, nën dyshimin se ka kanosur kryetarin dhe kryesuesin e Kuvendit Komunal të Prishtinës.

Sipas raportit 24-orësh, rasti ka ndodhur gjatë zhvillimit të një diskutimi lidhur me planin rregullues të një lagjeje në kryeqytet.

“KANOSJE NDAJ PERSONIT ZYRTAR Komuna e Prishtinë 08.05.2024 – 15:00. Më 23.05.2024 pas hetimeve të zhvilluara është arrestuar i dyshuari mashkull kosovar me dyshimin se i njëjti gjatë zhvillimit të një diskutimi lidhur me planin rregullues të një lagjeje të kryeqytetit, kishte kanosur dy zyrtarë të KK Prishtinë (kryetarin dhe kryesuesin e Kuvendit Komunal). I dyshuari pas intervistimit me vendim të prokurorit është dërguar në mbajtje”, thuhet në raport.

Vazhdo të lexosh

Kronika e zezë

Arrestohet një i dyshuar për plagosjen e trefishtë në Pejë

Publikuar

5 ditë më parë

më

23 Maj, 2024

nga

Një i dyshuar është arrestuar pas mesnatës lidhur me rastin e plagosjes së tre personave mbrëmë në Pejë.

Prokurori që po e trajton këtë rast, Ersan Qavolli ka konfirmuar se i pandehuri i arrestuar dyshohet për dhënie të ndihmës pas kryerjes së veprës penale.

Prokurori bëri të ditur se tre të plagosurit që po trajtohen në Qendrën Klinike Universitare të Kosovës (QKUK) iu janë nënshtruar operimeve. Ndërsa lidhur me motivin e rastit, ai tha se nuk mund të deklarohet për shkak të ndjeshmërisë së rastit.

Qavolli tha se i dyshuari kryesor Agron Gashi është ende në arrati dhe se janë lëshuar masa për kapjen e tij. Këtë të fundit, Policia po e kërkon edhe përmes publikimit të fotografisë.

Ndryshe, Policia mbrëmë konfirmoi se tre persona janë plagosur si pasojë e të shtënave me armë zjarri sonte në Pejë në rrugën “Bekim Berisha-Abeja”./BetimipërDrejtësi

Vazhdo të lexosh

Të kërkuara