Kulturë
Apsley House: Restaurohet maska e vdekjes e Napoleon Bonapartës
“Maska e vdekjes” e Napoleon Bonapartës është pastruar dhe konservuar për të shënuar 200-vjetorin e vdekjes së perandorit francez.
Bronza, e cila është krijuar gjatë kohës kur ai vdiq, do të shfaqet në Apsley House në Londrën qendrore.
Gjatë këtij muaji kjo maskë do të shfaqet edhe në Hyde park – shtëpinë e kundërshtarit të Napoleonit, Dukës së Uellingtonit.
Napoleoni vdiq në ekzil në moshën 51-vjeçare, 200 vjet më parë, më 5 maj 1821. Edhe statuja e Napoleonit si “Paqebërësi i marsit” është pastruar gjithashtu, edhe është gati për rihapjen më 19 maj.
Statuja 3.45m, e realizuar nga Antonio Canova, përshkruan diktatorin 1.67m si perëndinë romake mars.
Skalitur midis 1802 dhe 1806, atij iu duk si skulpturë atleti dhe nuk u shfaq kurrë në publik.
Disa data të rëndësishme të Napoleon Bonapartës:
1769 – U lind në Ajaccio, Korsikë
1785 – Diplomohet nga akademia ushtarake në Paris
1795 – Komandon trupat revolucionare franceze që mposhtin rebelët mbretëror në Paris
1796-1802 – Fiton betejat kryesore kundër Austrisë, Prusisë dhe të tjerëve
1804-05 – Kurorëzon veten si perandor pastaj mposht trupat austriake dhe ruse në Austerlitz
1812-14 – Fushata në Rusi rezulton në tërheqje katastrofike; u detyrua të abdikonte dhe u internua në ishullin Elba
1815 – Arratiset nga Elba, mposhtet nga britanikët dhe prusët në Waterloo; internohet në Shën Helena, ku vdes gjashtë vjet më vonë./UBTNews
(Arjeta Ibishi, studente në Media dhe Komunikim në UBT)
Në edicionin e radhës të programit “Në bisedë / In Conversation”, Heritage Space mirëpret për herë të parë në Prishtinë shkrimtaren dhe dramaturgen shqiptaro-amerikane Ledia Xhoga.
Ajo do të zhvillojë një diskutim me shkrimtaren dhe përkthyesen Doruntina Vinca, i cili do të fokusohet në romanin e saj të parë, “Keqkuptimi”, i nominuar në listën e gjatë për Booker Prize 2025.
Romani “Keqkuptimi” trajton trashëgimitë e errëta familjare dhe të vendlindjes, si dhe kufirin delikat mes dhembshurisë dhe vetëmbrojtjes.
Në qendër të ngjarjes është një përkthyese shqiptare në Nju Jork, qnjë përfshihet në historinë e një të mbijetuarit të torturave në Kosovë.
Duke u përballur me makthet e klientit e përpjekjet për t’i ndihmuar të tjerët, nis të përjetojë ringjalljen e kujtimeve të mohuara prej kohësh.
Ledia Xhoga, e lindur në Tiranë dhe aktualisht me banim në Bruklin dhe Catskills, ka fituar me këtë roman New York City Book Award, ndërsa është finaliste edhe për Center for Fiction First Novel Prize. Shkrimet e saj janë botuar në platforma prestigjioze si Electric Literature, Lit Hub, Brooklyn Rail, Large Hearted Boy, Intrepid Times, Hobart dhe revista të tjera letrare.
Doruntina Vinca—shkrimtare, hulumtuese dhe përkthyese nga Prishtina, me bazë në Tiranë notohet për punën e saj mbi gjuhën, letërsinë feministe dhe mënyrat se si teksti krijon forma të reja të shpërndarjes së dijes.
Ngjarja organizohet në kuadër të platformës Heritage Space, e zbatuar nga CHwB Kosova, e mbështetur nga Qeveria Suedeze, duke ofruar mundësi të veçantë për publikun me një nga zërat më të rëndësishëm të letërsisë bashkëkohore shqiptaro-amerikane. /A.Z/UBT News/
Në kuadër të temës “Personalitete të shquara” dhe në shënim të Ditës Ndërkombëtare të të Drejtave të Fëmijëve, Posta e Kosovës ka lëshuar sot në qarkullim një emision të ri pullash postare, i dedikuar dy prej figurave më të rëndësishme të letërsisë shqipe për fëmijë: Rifat Kukajt dhe Ymer Elshanit.
Rifat Kukaj (1938–2005) ishte mësues, poet dhe dramaturg, i njohur për stilin e thjeshtë, por të ngarkuar me emocione dhe simbolikë.
Ai krijoi një botë të veçantë letrare për fëmijët, duke lënë pas vepra të paharrueshme si: “Xhuxhi nga Taxhuxhi”, “Lepuri me pesë këmbë”, “Bardhi e Mirushja”, “Rrasa e zogut”, “Shkrepi i diellit”, “Vjollca magjike” dhe shumë poezi të tjera.
Ymer Elshani (1948–1999) ishte poet, prozator dhe kritik letrar, i cili krijoi edhe në fushën e letërsisë për fëmijë, duke sjellë një botë të pasur imagjinare dhe ide të ndjeshme.
Ndër veprat e tij më të njohura renditen: “Çka ëndërrojnë lulet”, “Plaku me violinë”, “Unaza magjike”, “Ndodhitë e hundëkarotës” dhe “Guri i çmueshëm”. Ai u nda nga jeta si martir gjatë luftës në Kosovë, ndërsa pas përfundimit të saj, e bija, Teuta Elshani, botoi disa nga dorëshkrimet e tij të mbetura.
Ky emision i ri i pullave postare vjen si një nderim për kontributin e tyre të jashtëzakonshëm në letërsinë për fëmijë dhe për pasurimin e kulturës shqiptare.
Ledia Xhoga sjell romanin e saj të suksesshëm pranë lexuesve kosovarë
Kevin Spacey flet për jetën pas skandaleve dhe gjendjen financiare
PDK: Data e zgjedhjeve duhet të garantojë transparencë, jo vështirësi dhe dyshime në proces
Teknologjia që rrit jetën e baterisë deri në 6 orë shtesë
Osmani pas shortit të play-off-it: E bindur në suksesin e Kosovës edhe kundër Sllovakisë
Kosova përballet me Sllovakinë në playoff-in e Botërorit 2026
28 dhjetori – dita kur do të mbahen zgjedhjet
Pas sfidave me kancerin, Kate Middleton dhe Jessie J ndajnë solidaritetin e tyre
Shpërndahet Kuvendi, Haradinaj: Propozuam 21 dhjetorin si ditë të zgjedhjeve parlamentare
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet4 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën