Kulturë

Apostulli i lirisë At Pjetër Meshkalla, i persekutuari i regjimit komunist

Published

5 months ago

on

Më 25 shtator 1901, u lind një figurë e shquar e klerit katolik shqiptar, At Pjetër Meshkalla, një njeri i përkushtuar për edukimin dhe lirinë e popullit të tij. I njohur si “Apostulli i Lirisë”, At Meshkalla shënoi një periudhë të rëndësishme në historinë e Shqipërisë, duke u bërë një simbol i qëndresës ndaj regjimit komunist.

Atë Pjetër Meshkalla mori mësimet e para në vendlindjen e tij, Shkodër, një qytet i njohur për traditat kulturore dhe arsimore. Pas përfundimit të shkollës, ai vazhdoi studimet teologjike në Linz të Austrisë, Goricë të Sllovenisë dhe në Fakultetin e Filozofisë në Napoli, ku thelloi njohuritë e tij filozofike dhe teologjike.

Gjatë karrierës së tij, At Meshkalla u dha mësim brezave të rinj në Seminarin Papnor të Shkodrës, duke përfshirë lëndët e gjuhës shqipe, letërsisë dhe filozofisë. Ai gjithashtu themeloi rrethin “Don Bosko” dhe “Shën Pjetri”, dy qendra edukimi që ndihmuan në formimin e mendjeve të rinj dhe promovimin e vlerave të përparuara në shoqëri.

Megjithatë, aktiviteti dhe angazhimi i tij për arsim dhe liri nuk kaluan pa vëmendje nga regjimi komunist. Në vitin 1947, At Meshkalla u arrestua dhe u dënua me 15 vjet burg, një dënim që pasoi me një ridënim prej 10 vjetësh në vitin 1967. Në vitin 1978, ai u internua në Vlorë, ku vazhdoi të vuante për idealet e tij.

Simboli i shquar i martirizimit vdiq më 28 korrik 1988, duke lënë pas një trashëgimi të thellë dhe të paharrueshme. Jezuitët, shoqëri së cilës i përkiste, e nderuan duke i vënë emrin e tij një shkolle të mesme në Shkodër, e cila është vazhdim i Kolegjit të famshëm Saverian.

At Pjetër Meshkalla mbetet një nga figurat më të ndritura të historisë shqiptare, një dëshmi e qëndresës ndaj tiranisë dhe një promoter i lirisë, që frymëzon brezat e rinj për të vazhduar luftën për arsim dhe drejtësi. Ai do të kujtohet gjithmonë si një apostull i vërtetë i lirisë dhe një mjeshtër i edukimit./UBTNews/

Related Topics:
Continue Reading

Lifestyle

Zyrtare: Sydney e ka kafenenë më të mirë në botë

Published

10 hours ago

on

February 28, 2025

By

Është zyrtare: Sydney e ka kafenenë më të mirë në botë.

Të paktën kështu paraqitet në listën e re të top kafeneve të botës, me qytetin australian që i ka mposhtur të gjitha të tjerat.

Kafeneja “Toby’s Estate Coffee Roasters” u kurorëzua si më e mira në botë, ndërsa më pas u rendit kafeneja “Onyx” në Arkansas, “Gota Coffee Experts” në Vjenë, “Proud Mary” në Melbourne dhe “Tim Wendelboe” në Oslo, raportoi CNN.

Në top dhjetë kafenetë më të mira u futën edhe të tjera në Singapor, Francë, Malajzi dhe Kolumbi.

Kafenetë u vlerësua në bazë të disa faktorëve, duke filluar nga kualiteti i kafesë dhe ushqimi, praktikat dhe shërbimi ndaj konsumatorëve. Vlerësimet e njerëzve dhe ekspertëve u morën parasysh dhe u futën në platformën “Top 100 kafenetë më të mira në botë”, e cila më pas nxori fituesin.

Continue Reading

Kulturë

Vdes fotoreporteri Alban Bujari

Published

11 hours ago

on

February 28, 2025

By

Ka vdekur fotoreporteri Alban Bujari, i cili dokumentoi tmerret e luftës përmes fotografive. Lajmin për vdekjen e tij e kanë bërë të ditur familjarët të cilët gjithashtu thanë se ai do të varroset të premten në varrezat e qytetit në Prishtinë.

Ai ka punuar për një kohë të gjatë për gazetën “Koha Ditore”.

Bujari përmes fotografive të tija ka dëshmuar shumë vrasje e masakra të forcave serbe gjatë luftës në Kosovës.

Ai kishte hapur edhe ekspozitën e titulluar “Erë gjaku” përmes së cilës kujtohej Masakra e Rogovës së Hasit në Gjakovë.

Ndër të tjera ekspozita të Bujarit, ishin edhe ato me fotografi nga Prekazi, Burgu i Dubravës, Reçaku e Krusha.

Continue Reading

Magazinë

E larguan nga puna në Televizionin Shtetëror, reagon ashpër gazetarja Elona Jaçellari

Published

1 day ago

on

February 27, 2025

By

Në edicionin e radhës të “N’Ritëm” me Albina Zeneli, në Campus Radio u trajtua një temë aktuale në ndodhi në Shqipëri.

Bëhet fjalë për gazetaren e njohur Elona Jaçellari e cila u bë protagonistja e një rasti specifik në Televizionin Shtetëror.

Ajo ishte bashkëautore dhe bashkëprezantuese e emisionit “Jetë Shqiptare”, Jaçellari ka bërë një reagim publik për ngjarjen aspak të këndshme që i ka ndodhur duke e pushuar nga puna pa paralajmërim.

E njëjta ka marrë pëlqime e komente për këtë situatë e madje portalet në Shqipëri publikuan edhe kontratën ku dëshmon se Elona dhe RTSH kishin marrëveshje deri në korrik të vitit 2025.

“Dua të tregojë gjithë procesin, pasi kam kaluar 2 muaj të vështirë, nuk e hapa muhabetin as me familjen time e as me shoqërinë. E gjithë gjëja ndodhi me 31 dhjetor e në vend se të festoja si të gjithë unë u shkarkova njëherë nga lotët”, kështu e nis Elona këtë rrëfim që sipas saj ishte më i rëndi në karrierën e saj 22 vjeçare në media.

Për më shumë nga kjo bisedë telefonike, dëgjoni intervistën e plotë tek linku i mëposhtëm.

/UBT News/

Linku: https://www.facebook.com/campusradio100.7/videos/2383393868691439

Continue Reading

Lifestyle

Ja si t’i eliminoni pikat e bardha përreth syve

Published

1 day ago

on

February 27, 2025

By

Pikat e bardha të cilat mund të shfaqen në gjithë fytyrën formohen duke e mbyllur keratinën nën sipërfaqe të lëkurës dhe duke krijuar fshikëz të vogël.

Gjithashtu, mund të jenë grumbullues të yndyrës dhe dhjamit.

Milia quhen topthat e vegjël që dalin në fytyrë zakonisht rreth zonës së syve. Ato shfaqen në formën e cisteve dhe mund të qëndrojnë në lëkurë për muaj të tërë apo edhe vite.

Menjëherë duhet patjetër ta dini që nuk bën t’i shtrydhni. Ato janë grumbullime tepër thellë nën lëkurë dhe në vende të ndjeshme.

Megjithatë, nëse nuk dëshironi të shkoni te mjeku mund të provoni me këtë metodë:

Nevojiten:

– sheqer
– limon
– vaj ulliri

Përgatitja:

Përzieni dy lugë çaji sheqer me lëng prej gjysmë limoni, tretjes shtoni një lugë vaj ulliri.

Aplikimi:

Bëni masazh të lehtë lëkurës dhe lëreni të veprojë 15 deri në 20 minuta.

Pastaj shpëlajeni me ujë të ngrohtë. /UBT News/

Continue Reading

Të kërkuara