

Sport
Anton Cena vazhdon ta bëjë krenare Kosovën, i fiton dy medalje në Amerikë
Published
3 months agoon
By
UBT NewsAnton Cena po vazhdon ta bëjë krenare Policinë e Kosovës, por edhe vetë shtetin e Kosovës dhe shqiptarët në përgjithësi.
Pasi e fitoi medaljen e artë në xhudo, veterani i këtij sporti ia solli një tjetër medalje atdheut të tij, të argjendtë në Lojërat Botërore për Policë, Doganierë, Korrektues dhe Zjarrfikës. Përkundër lëndimit në krahëror e dhimbjeve që i ndjeu, Cena nuk u dorëzua.
Ky lëndim mund t’ia pamundësojë pjesëmarrjen në garë, por që e ka ndërmend ta provojë e ta sfidojë trupin në Birmingham, Alabama, në Shtetet e Bashkuara të Amerikës, atje ku po mbahen garat. Anton Cena ia ka sjell dhjetëra medalje Kosovës, duke qenë po ashtu lobues dhe ambasador i vendit tonë.
Më poshtë mund ta lexoni postimin në rrjetet sociale të kampionit Anton Cena.
“Në Birmingham, Alabama, në Lojërat Botërore për Policë, Doganierë, Korrektues dhe Zjarrfikës – një arenë ku guximi takon përkushtimin, dhe forca shpërthen në artin e disiplinës.
Në këtë skenë madhështore, përveç medaljes së artë në Judo, arrita të prek edhe një tjetër yll – medaljen e argjendtë në BJJ-Jujitsu, duke shkruar një kapitull tjetër krenarie për Policinë e Kosovës.
Megjithëse krahërori më dhimbte dhe zëri i lëndimit më paralajmëronte të tërhiqesha, unë zgjodha të luftoj me çdo atom të qenies sime, sepse fitoret e mëdha nuk vijnë nga komoditeti, por nga sfidat që thyhen me vendosmëri.
Noti, ku ëndërroja të shkëlqej, po duket u la pas, edhe pse neser do e bëjë të pamunduren, po duket do ngelë një ëndërr e përkohshme e ndërprerë nga dhimbja, por flaka e ambicies mbeti e ndezur.
Që nga viti 2012 në Irlanden e Veriut , unë kam hedhur gurët e parë të një ure krenarie, ura që lidh Policinë e Kosovës me botën, përmes medaljeve dhe rezultateve
që dëshmojnë se jemi më shumë se një emër në hartë.
Në këtë rrugë sfidash, edhe rrëzimi nga biçikleta, vetëm një javë para garës, u bë një motiv shtesë, një thirrje për të treguar se kur zemra është e vendosur, dhimbja bëhet një shok i heshtur.
Ne, si një forcë e re, jemi një feniks në ngritje, me flatrat e zjarrta të inteligjencës, punës dhe emancipimit, duke fluturuar mbi paragjykimet dhe kufizimet.
Këto gara janë skena ku ne shkëlqejmë, ku emri ynë bëhet simbol i forcës dhe dinjitetit.
E bëra këtë edhe për Kosovën, për atë tokë që më rriti, që më frymëzoi, dhe që kërkon nga ne të jemi drita e shpresës në errësirën e sfidave.
Faleminderit ish-kadetëve nga Shkolla Policore dhe miqve që me besuan dhe më mbështetën, duke më mundësuar qëndrimin dhe luftën për medaljet si Shkelqim Tmava, Shemsedin Balaj, Arben Kelmendi, Vedat Ademi, Jeton Shabani, Nexhmedin Laçi, Izet Peci dhe Dashmir Deda.
Tani, syri im është drejtuar nga Evropa, në Kampionatin Evropian të Policisë në Spanjë, një vend ku politika s’mund të mposhtë fuqinë e sportit dhe vlerave tona. Atje, në ato tri gara ku tashmë kam fituar shtatë medalje të arta dhe një argjendtë, do të shkoj jo për udhëtim qejfi, por për t’i dhënë një tjetër goditje krenarie Policisë së Kosovës.
Le të kujtojmë: Atdhedashuria është një zjarr që ndezet në zemër dhe shfaqet në veprat tona.
Sporti është ambasadori më i fuqishëm i identitetit tonë në botë, një gjuhë universale që i lidh zemrat e njerëzve.
Çdo njeri mund të jetë një hero në fushën ku gjendet, dhe së bashku, bashkë me pasion dhe përkushtim, ne krijojmë një shtet të fortë dhe të pathyeshëm.
Falenderimi i veçantë dhe i fundit shkon për Drejtorin e Përgjithshëm, z. Gazmend Hoxha, dhe Shoqatën Sportive të Policisë, pjesë e së cilës jam edhe unë si Kryetar i Klubut të Judos “Policia e Kosovës”.
Kjo është një mbështetje e çmuar që më fuqizon edhe më shumë në rrugën time për të bërë të dukshëm emrin e Policisë së Kosovës në skenën globale.
Ju dua dhe ju përqafoj nga zemra,
Shemsedin Balaj, Izet Peci, Negjmedin Laçi Vedat Ademi, Arben Kelmendi, Jeton Shabani dhe Dashmir Dedes e Shkelqim Tmaves.
Kampioni që nuk ndalet kurrë, që jep gjithçka nga vetja për atdheun, sepse për mua çdo fitore është një poezi e shkruar me djersë dhe zemër ! Kampioni.”
Lajmet
Ish-lojtari i Arsenalit në koma pas dëmtimit të rëndë në tru
Published
1 hour agoon
September 23, 2025By
UBT News
Futbolli anglez është tronditur nga lajmi i rëndë për ish-sulmuesin e Arsenalit, Billy Vigar, i cili është vendosur në koma të induktuar pas një incidenti gjatë ndeshjes së fundjavës në Isthmian League Premier Division.
21-vjeçari, që aktualisht luan për Chichester City, pësoi dëmtimin serioz në minutën e 13-të të sfidës kundër Wingate & Finchley, duke detyruar ndërprerjen e menjëhershme të lojës.
Klubi konfirmoi se Vigar është në kujdes intensiv, ku po merr trajtimin më të mirë të mundshëm, ndërsa gjendja e tij mbetet kritike.
“Është shumë herët për të thënë se cili do të jetë rezultati. Edhe nëse gjërat shkojnë mirë, rruga drejt rikuperimit do të jetë e gjatë,” thuhet në deklaratën e Chichester City.
Mediat britanike raportojnë se sulmuesi mund të jetë përplasur me një mur betoni, megjithatë kjo nuk është konfirmuar zyrtarisht nga klubi.
Billy Vigar iu bashkua akademisë së Arsenalit në moshën 14-vjeçare dhe luajti për ekipet U18 dhe U21 të londinezëve, përpara se të huazohej te Derby County dhe Eastbourne Borough.
Pas largimit nga “Topçinjtë” në vitin 2024, ai u bashkua me Hastings United dhe këtë sezon kishte realizuar një gol në katër paraqitje për Chichester City.
Klubi, ish-bashkëlojtarët dhe tifozët i kanë dërguar urime për shërim sa më të shpejtë sulmuesit të ri./S.K/KP/
Lajmet
Neymar për Topin e Artë: Vendi i pestë për Raphinhan është shaka
Published
2 hours agoon
September 23, 2025By
UBT News
Reagimet ndaj përzgjedhjes së Ousmane Dembele si fitues të Topit të Artë vazhdojnë të vërshojnë nga çdo cep i globit. Fakti që Dembele ka fituar këtë sezon bashkoi shumicën dërrmuese të opinioneve në mbarë botën, megjithatë, kjo nuk do të thotë se ka zëra mospajtues në lidhje me rezultatin e këtij edicioni të vitit 2025.
Pothuajse shok skuadre i Dembeles te Paris Saint-Germain, futbollisti brazilian Neymar Junior ka vënë në pikëpyetje renditjen përfundimtare të këtij edicioni të Topit të Artë.
Neymar reagoi pothuajse menjëherë kur pa renditjen finale të çmimin që e ndan France Football.
“Është shaka që Raphinha është i pesti”, u përgjigj Neymar, i cili gjithashtu mbështeti bashkatdhetarin e tij Vinicius sezonin e kaluar.
Ndryshe, Raphinha pati një sezon më shumë se madhështor vitin e kaluar dhe, siç ndodhi me Lamine Yamal, delegacioni i Barçës priste më shumë njohje në galën franceze.
Ai shënoi më shumë se tridhjetë gola sezonin e kaluar, përveç fitimit të tripletës me Barcelonën: Ligën, Kupën dhe Superkupën./S.K/EO/
Lajmet
Dembele merr urimin e veçantë nga Leo Messi
Published
4 hours agoon
September 23, 2025By
UBT News
Lionel Messi ka uruar publikisht Ousmane Dembélé-n pas triumfit të tij në “Topin e Artë 2025”.
Përmes një postimi në profilin e tij në Instagram, argjentinasi i dërgoi komplimentet ish-shokut të skuadrës te Barcelona:
“Uni i shkëlqyer! Urime, jam shumë i lumtur për ty. E meriton”, shkroi Messi.
Nga ana tjetër, gjatë fjalimit të tij në ceremoninë e ndarjes së çmimeve, Dembélé nuk harroi të falënderonte klubet ku është formuar dhe ka luajtur, duke përmendur me respekt të veçantë Barcelonën dhe lojtarët e mëdhenj me të cilët ka ndarë fushën.
“Dua gjithashtu të falënderoj të gjitha klubet për të cilat kam luajtur, nga Borussia Dortmund te Stade Rennais, ku mësova praktikisht gjithçka. Klubi për të cilin ëndërroja të luaja, Barcelona, ishte gjithashtu i jashtëzakonshëm. Mësova kaq shumë gjatë viteve, përkrah lojtarëve të mëdhenj si Andrés Iniesta, Lionel Messi… ishte vërtet e jashtëzakonshme”, tha francezi.
Ky moment tregoi lidhjen dhe respektin e ndërsjellë mes Messit dhe Dembélé-s, duke e bërë fitimin e trofeut edhe më domethënës për yllin e Francës./S.K/KP/
Lajmet
Manaj gati të blejë klubin shqiptar të futbollit
Published
5 hours agoon
September 23, 2025By
UBT News
Rey Manaj, futbollist i Kombëtares Shqiptare është pranë një marrëveshjeje për të blerë klubin e Lushnjës në Shqipëri. Ai ka nisur përpjekjet për të marrë në pronësi skuadrën nga qyteti i tij i origjinës.
“Moda e futbollistëve të suksesshëm që blejnë klube ka mbërritur edhe në Shqipëri. Rey Manaj po bën një hap të madh duke investuar te Lushnja. Ky është një model që na duhet për të ecur përpara”, u tha gjatë emisionit “Procesi Sportiv” në Top Channel.
Të ftuarit në studio pranuan se sulmuesi i Kombëtares është kandidati më i mundshëm për këtë blerje, duke marrë parasysh lidhjet e tij me Lushnjën.
Ky hap e vendos Manajn në të njëjtën linjë me emra të njohur të futbollit botëror që kanë zgjedhur të investojnë në klube.
Shembujt më të spikatur janë David Beckham, i cili zotëron Inter Miamin në SHBA, dhe Ronaldo “Fenomeni”, që prej disa vitesh është pronar i Real Valladolid në Spanjë./S.K/KP/TCh/

UBT dhe Policia e Kosovës nënshkruajnë marrëveshje bashkëpunimi për forcimin e kapaciteteve në teknologji dhe siguri publike

Ish-lojtari i Arsenalit në koma pas dëmtimit të rëndë në tru

Neymar për Topin e Artë: Vendi i pestë për Raphinhan është shaka

Camila Cabello befasoi fansen, i këndoi live në dasmën e saj

Si e përkeqëson stresi shëndetin e syve?

Dembele merr urimin e veçantë nga Leo Messi

Cardi B përqafon kulturën shqiptare: Moment i veçantë me flamurin kuqezi

Fordi zhvendos selinë kryesore për herë të parë pas 70 vitesh

Nxënësit e UBT International Smart Schools fitues të çmimit “Best Youth-Led Initiative” në Balkan International Youth Summit 2025
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës