Lajmet

Anglia planifikon karantinim në tetor, nëse vazhdon rritja e të shtruarve në spitale

Published

5 years ago

on

Ministrat mund të marrin në konsideratë një karantinim dy-javor në tetor nëse të infektuarit me COVID-19 që shtrihen në spitale vazhdojnë të rriten në Mbretërinë e Bashkuar. Sipas një raporti në The i, Qeveria ka hartuar plane për kufizime gjatë gjysmës së procesit mësimor në shkolla.

Një anëtar i Grupit Këshillimor Shkencor për Emergjencat (Sage) i tha gazetës Mirror se Anglia do të prekë kulmin e infektimeve dhe shtrimeve në spital dhe ky shqetësim po rritet se shërbimi shëndetësor do  të përballet me mbingarkesë.

“Do të ishte e arsyeshme të kishim plane emergjente, dhe nëse kërkohet një bllokim, ta kalojmë atë në mënyrë që të ketë ndikim minimal ekonomik dhe shoqëror.” tha burimi i Sage për gazetën.

Ministri i Shëndetësisë, Nadhim Zahawi, ka thënë se nëse zyrtarët kryesorë mjekësorë të Mbretërisë së Bashkuar e miratojnë atë, Qeveria është e përgatitur të fillojë të japë vaksina për fëmijët e moshave 12 deri në 15 vjeç. Mes frikës se rastet e gripit të dimrit mund të komplikojnë presionin mbi Shërbimin Shëndetësorë Kombëtarë (NHS), ai tha se dozat shtesë të vaksinave anti-COVID-19 mund të jepen në të njëjtën kohë me ato të gripit, raporton Mirror.

Boris Johnson gjithashtu thuhet se është gati të ri-prezantojë mbajtjen e maskave dhe kufizimet e distancës sociale në hapësirat publike dhe në transport.  Rreth 43.4 milion njerëzve u janë dhënë të dyja dozat e vaksinës kundër COVID-19, tha Qeveria, por shtrimet në spitale kanë mbetur vazhdimisht mbi 900-në ditë, kohët e fundit.

Related Topics:
Continue Reading

Lajmet

Kuriozitetet e ditës

Published

2 minutes ago

on

September 9, 2026

By

Lexoni pesë kuriozitete. Mund të mos i keni ditur:

 

1.Emri “sanduiç” vjen nga një aristokrat anglez i shekullit të 18-të, i njohur si Earl of Sandwich.

 

2.Rreth 92 për qind e parave që ekzistojnë në botë janë në formë digjitale dhe jo si para fizike.

 

3.Franca është vendi më i vizituar në botë, me rreth 90 milionë turistë në vit.

 

4.Rusia është shteti me sipërfaqen më të madhe pyjore në botë, me qindra miliona hektarë pyje.

 

5.Ulërima e një tigri mund të dëgjohet deri në rreth 3 kilometra largësi.

Continue Reading

Lajmet

Sekuestrohen dy jelekë antiplumb dhe pajisje elektronike, i dyshuari në kërkim

Published

8 minutes ago

on

September 9, 2026

By

Pas hetimeve lidhur me një rast të “Shkaktimit të rrezikut të përgjithshëm”, Policia e Kosovës ka kontrolluar vendbanimin e një të dyshuari mashkull kosovar në magjistralen Prishtinë-Ferizaj.

Gjatë kontrollit, policia ka gjetur dhe sekuestruar dy jelekë antiplumb, një DVR, një USB, nëntë telefona, një laptop, një tabletë dhe pasaportën e të dyshuarit.

I dyshuari aktualisht ndodhet në kërkim policor, ndërsa rasti është duke u hetuar nga ekipet relevante policore./A.K/

Continue Reading

Lajmet

Gjashtë shtetas të huaj dyshohen për falsifikim dokumentesh në Aeroportin e Prishtinës

Published

10 minutes ago

on

September 9, 2026

By

Policia e Kosovës ka njoftuar për një rast të dyshuar të falsifikimit të dokumenteve në Aeroportin Ndërkombëtar të Prishtinës “Adem Jashari”.

Rasti është raportuar më 8 shtator, rreth orës 17:45, kur gjashtë shtetas të huaj, gjatë arritjes, kanë prezantuar dokumente të cilat dyshohet se janë të falsifikuara.

Me vendim të prokurorit, pasaportat e dyshuara janë konfiskuar, ndërsa të gjashtë personat janë dërguar në Qendrën e Azilit./A.K/

Continue Reading

Lajmet

Pesë raste të dhunës në familje raportohen në Prishtinë dhe Mitrovicë

Published

12 minutes ago

on

September 9, 2026

By

Policia e Kosovës ka raportuar për pesë raste të dhunës në familje në Prishtinë dhe Mitrovicë gjatë datës 8 shtator.

Në Prishtinë, një grua ka raportuar se është dhunuar nga një burrë, i cili aktualisht ndodhet në kërkim policor. Në një rast tjetër, një i dyshuar është arrestuar nën dyshimin për dhunë ndaj disa viktimave dhe, me vendim të prokurorit, është dërguar në mbajtje.

Po ashtu, në Prishtinë është arrestuar edhe një burrë, i dyshuar se ka ushtruar dhunë ndaj një burri tjetër. Pas intervistimit, ai është dërguar në mbajtje.

Në Mitrovicë të Jugut, një burrë është arrestuar nën dyshimin se ka sulmuar një grua. Nuk raportohet për të lënduar dhe, pas intervistimit, palët janë liruar. Rasti vazhdon në procedurë të rregullt.

Ndërkaq, në një rast tjetër në Mitrovicë të Jugut, një grua dyshohet se pas një mosmarrëveshjeje ka dëmtuar një televizor dhe ka sulmuar një grua tjetër. Edhe në këtë rast nuk raportohet për të lënduar, ndërsa procedura vazhdon në mënyrë të rregullt./A.K/

Continue Reading

Të kërkuara