Magazinë

Angelina Jolie pritet ta shesë shtëpinë historike, do të largohet nga Los Angelesi

Published

3 months ago

on

Aktorja 50-vjeçare Angelina Jolie pritet të shesë shtëpinë e saj në Los Angeles dhe të zhvendoset jashtë vendit vitin e ardhshëm, pasi binjakët Knox dhe Vivienne të mbushin 18 vjeç.

“Angelina nuk ka dashur ë jetojë me kohë të plotë në Los Angeles. Ajo nuk kishte zgjedhje për shkak të marrëveshjes së kujdestarisë me Bradin. Planifikon të zhvendoset sapo Knox dhe Viv të mbushin 18 vjeç vitin e ardhshëm. Po shikon disa vende jashtë vendit. Do të jetë e lumtur kur të mund të largohet nga Los Angelesi”, ka thënë një burim për revistën People.

Jolie dhe ish-bashkëshorti i saj, aktori, Brad Pitt, me të cilin ka gjashtë fëmijë: Maddox, 24 vjeç, Pax, 21, Zahara, 20, Shiloh, 19, dhe binjakët, arritën marrëveshjen për divorc në muajin dhjetor 2024, pas një beteje ligjore tetëvjeçare.

Jolie ka blerë vilën historike të vitit 1913 më 2017 për 24.5 milionë dollarë. Shtëpia ka mbi 1,000 metra katrorë hapësirë, me 6 dhoma gjumi dhe 10 banjo, dikur ka qenë në pronësi të regjisorit Cecil B. DeMille. Aktorja ka folur më herët për dëshirën e saj për të lënë Los Angelesin dhe për të kaluar më shumë kohë në Kamboxhia, vendi ku ka lindur djali i saj i madh, Maddox.

“Unë jam rritur në këtë qytet. Jam këtu sepse më duhet të jem këtu për shkak të divorcit, por sapo ata të bëhen 18, do të mund të largohem”, tha Jolie për The Hollywood Reporter. Ajo ka thënë tutje se kur dikush ka familje të madhe, do që ata të kenë privatësi, qetësi e siguri.

“Kam një shtëpi tani për t’i rritur fëmijët, por ndonjëherë ky vend mund të jetë… ai humanitet që e kam gjetur nëpër botë nuk është ajo me të cilën jam rritur këtu. Pas Los Angelesit, do të kaloj shumë kohë në Kamboxhia. Do të vizitoj familjarët e mi kudo që të jenë në botë”, ka thënë ajo.

Ylli ka thënë se i pëlqen të jetë me njerëzit që i do.

“Nuk jam dikush që lutet të rrijë vetëm. Nuk jam ai lloj personi që mendon, ‘Ah, do të doja të isha vetëm për të pasur kënaqësitë e mia të fshehta’. Sepse zakonisht kënaqësia ime e fshehtë është të jem me dikë. Më pëlqen të bëj diçka që i bën ata të lumtur. Kjo me të vërtetë më bën të lumtur”, ka thënë Jolie.

Related Topics:
Continue Reading

Magazinë

Ndërron jetë në moshën 89-vjeçare aktorja Diane Ladd

Published

4 minutes ago

on

November 4, 2025

By

Aktorja Diane Ladd, nëna e Laura Dern, ndërroi jetë në moshën 89-vjeçare.

Lajmin e ndau vajza e saj, Laura, e cila e përshkroi nënën si “heroinë e jashtëzakonshme dhe dhuratën më të madhe të jetës sime”.

Diane vdiq në shtëpinë e saj në Ojai, Kaliforni, më 3 nëntor.

Ladd shquhej për rolet në filma si Alice Doesn’t Live Here Anymore, Wild at Heart dhe Rambling Rose, duke marrë tri nominime për Oscar dhe tri për Emmy.

Ajo nisi karrierën në televizion në vitet ’50 dhe ’60 dhe debutoi në film me The Wild Angels (1966). Roli i saj në Alice Doesn’t Live Here Anymore i solli nominimin e parë për Oscar dhe më pas çmimin Golden Globe për serialin Alice.

Diane bashkëpunoi me vajzën Laura, duke luajtur në filma si Wild at Heart (1990) dhe Rambling Rose (1991), dhe në Citizen Ruth, Inland Empire dhe serialin Enlightened të HBO-së.

Ajo u martua tre herë, përfshirë martesën me aktorin Bruce Dern, me të cilin pati dy vajza; vajza e tyre e vogël humbi jetën në moshën 18 muajshe, një tragjedi që ndikoi thellë në jetën e familjes.

Laura Dern ka folur më vonë për vështirësitë e rritjes së saj pas humbjes së motrës së vogël dhe për përpjekjet e Diane për ta mbështetur si prind i vetëm.

Diane Ladd mbetet një ikonë e Hollywood-it e figurë e dashur për publikun për talentin dhe përkushtimin e saj në art dhe familje. /A.Z/UBT News/

Continue Reading

Magazinë

Anthony Hopkins: Gruaja ime mendon se mund të kem autizëm!

Published

32 minutes ago

on

November 4, 2025

By

Aktori i njohur Anthony Hopkins ka zbuluar së fundmi një detaj të pazakontë për shëndetin e tij. Ai tregoi se gruaja e tij, Stella Arroyave, i kishte sugjeruar të vizitonte një mjek për të kontrolluar nëse mund të vuante nga sindroma e Aspergerit.

Hopkins, 87 vjeç, pranoi se gjithmonë është i fiksuar pas numrave dhe detajeve, dhe dëshiron që gjithçka të jetë në rregull, gjë që e shtyu gruan e tij të mendojë për një mundësi të një çrregullimi neurologjik të spektrit të autizmit.

Në një intervistë të fundit, ai tha se Stella i kishte thënë: “Duhet të kesh sindromën e Aspergerit.”

Aktori pranoi se ishte i habitur dhe nuk e dinte as për çfarë po fliste. Sindroma e Aspergerit bën pjesë në spektrin e çrregullimeve të autizmit (ASD) dhe ndikon në mënyrën si njerëzit ndërveprojnë me të tjerët dhe mësojnë.

Kjo deklaratë vjen pak ditë pas njoftimit për publikimin e librit të tij më të ri, We Did OK, Kid, i cili ofron reflektime të thella mbi jetën dhe përvojat personale të aktorit. Edhe pse sindroma e Aspergerit mund të diagnostikohet në çdo moshë, simptomat zakonisht shfaqen në dy vitet e para të jetës. /A.Z/UBT News/

Continue Reading

Magazinë

Oscar 2026: Për herë të parë pas më shumë se 20 vitesh, shtohet një kategori e re

Published

1 hour ago

on

November 4, 2025

By

Ceremonia e Oscars 2026 do të mbahet më 15 mars në Los Angeles dhe do të shënojë edicionin e 98-të të çmimeve më të rëndësishme të industrisë së filmit.

Këtë vit, Akademia ka bërë një ndryshim historik: për herë të parë pas më shumë se 20 vitesh, do të prezantohet një kategori e re – “Oscar për Ansamblin më të Mirë (Best Ensemble)”, duke e çuar numrin total të çmimeve në 24.

Kategoria e fundit e re ishte shtuar në vitin 2002, kur u krijua çmimi “Filmi më i Mirë Ndërkombëtar”, të cilin atëbotë e fitoi filmi Shrek (2001).

Lista e kategorive përfshin edhe këtë vit çmimet tradicionale si ‘Aktorja më e Mirë’, ‘Aktori më i Mirë’, ‘Filmi më i Mirë’, ‘Regjisori më i Mirë’, ‘Skenari Origjinal’, ‘Filmi i Animuar më i Mirë’, ‘Efektet Vizuale më të Mira’, ‘Muzika më e Mirë Origjinale’ dhe të tjera.

Kandidatët për çmime do të bëhen publikë më 22 janar 2026. Aktori legjendar Denzel Washington ka dhënë komente për ‘Oscars’, duke shprehur pakënaqësinë e tij ndaj vlerësimeve të Akademisë.

Edhe pse është nominuar 10 herë dhe ka fituar dy herë – për Glory (1990) dhe Training Day (2002), ai tha se nuk i jep rëndësi këtyre çmimeve. Me ironi shtoi se nuk ka lidhje emocionale me statujat: “Njerëzit më pyesin ku i mbaj çmimet. Pranë njëri-tjetrit! Kur të vdes, ato nuk do të më hyjnë në punë.”

Deklaratat e tij kanë ndezur diskutime në rrjetet sociale, duke ndarë opinionet mes atyre që e mbështesin për qëndrimin e sinqertë dhe atyre që e kritikojnë për mospërfilljen ndaj çmimeve më prestigjioze të filmit. /A.Z/UBT News/

 

 

Continue Reading

Magazinë

Rita Ora dhe Yll Limani konfirmojnë bashkëpunimin e tyre muzikor

Published

2 hours ago

on

November 4, 2025

By

Këngëtarja shqiptare me famë botërore Rita Ora dhe artisti i njohur Yll Limani kanë konfirmuar se janë në përgatitje të një bashkëpunimi muzikor.

Këtë e ka bërë të ditur vetë Ylli i cili publikoi një pjesë të shkurtër nga kënga e re në Instagram duke ngjallur reagime të shumta nga fansat.

Videoja e postuar u prit me entuziazëm, duke marrë qindra komente dhe shpërndarje brenda pak minutash, ndërsa ndjekësit shprehën padurim për këtë duet mes dy prej artistëve më të dashur të muzikës shqiptare.

Ani pse data e publikimit ende nuk është zbuluar, pritjet për këngën janë të mëdha, pasi ky do të jetë bashkëpunimi i parë mes tyre. /A.Z/UBT News/

Continue Reading

Të kërkuara