Kulturë

Angelina Jolie në Pakistan për mbështetje të viktimave të përmbytjeve

Ajo kishte vizituar edhe viktimat e përmbytjeve të vitit 2010 dhe tërmetit të vitit 2005 në Pakistan.

Published

4 years ago

on

Ylli i Hollivudit dhe humanitarja ndërkombëtare Angelina Jolie mbërriti në Pakistan të martën në shenjë mbështetjeje për më shumë se 33 milionë personat e prekur nga përmbytjet katastrofike.

Jolie do të vizitojë zonat e shkatërruara nga uji dhe do të theksojë nevojën për mbështetje urgjente, si dhe zgjidhje afatgjata për të adresuar krizat e shumëfishuara të ndryshimeve klimatike, tha Komiteti Ndërkombëtar i Shpëtimit në një deklaratë.

Një video që tregon Jolie në një aeroport pakistanez u bë virale në mediat sociale menjëherë pasi ajo u ul dhe lajmi u transmetua gjithashtu nga mediat lokale.

Ajo kishte vizituar edhe viktimat e përmbytjeve të vitit 2010 dhe tërmetit të vitit 2005 në Pakistan.

Më parë, qeveria i bëri thirrje kombit për donacione bujare duke thënë se i mungojnë burimet për t’u përballur me një fatkeqësi kaq të madhe.

“Ta kthejmë këtë fatkeqësi në një mundësi“, tha në një konferencë shtypi Ministri i Planifikimit Ahsan Iqbal, i cili gjithashtu drejton Qendrën Kombëtare të Koordinimit të Përgjigjes ndaj Përmbytjeve (NFRCC).

Apeli është bërë pasi vendi ka marrë një përgjigje të vakët nga komuniteti ndërkombëtar.

OKB-ja nisi një apel të shpejtë prej 160 milionë dollarësh për të ndihmuar Pakistanin të trajtojë përmbytjet shkatërruese që kanë vrarë më shumë se një mijë e 500 njerëz, përfshirë mbi 550 fëmijë, deri më tani.

Sipas Fondit të Kombeve të Bashkuara për Popullsinë, rreth 650 mijë gra shtatzëna në zonat e goditura nga përmbytjet kanë nevojë për shërbime të shëndetit të nënës. Deri në 73 mijë gra pritet të lindin muajin e ardhshëm do të kenë nevojë për mjekë të aftë të lindjes, kujdes dhe mbështetje për të porsalindurit.

Sipas të dhënave zyrtare, të paktën 318 vdekje janë shkaktuar nga ethet e dengës, malarja, kolera, diarreja dhe infeksionet e lëkurës. /UBTNews/

Related Topics:
Continue Reading

Lajmet

Dita e dytë e “Javës së Kulturës së Kosovës në Berlin”

Published

43 minutes ago

on

June 18, 2026

By

Në kuadër të “Javës së Kulturës së Kosovës në Berlin”, më 16 qershor është shfaqur filmi “The Beauty of the Donkey” i regjisores Dea Gjinovci.

Filmi dhe mesazhi i tij kanë përcjellë emocione të forta te publiku, duke trajtuar plagët e luftës në Kosovë dhe përjetimet e familjeve që kanë humbur të dashurit e tyre, si dhe çështjen e personave të zhdukur gjatë luftës.

Në shfaqje kanë marrë pjesë përfaqësues të institucioneve gjermane, ambasadorë, trupi diplomatik, gazetarë, artdashës dhe bashkatdhetarë nga diaspora, duke krijuar një atmosferë të veçantë dhe emocionale.

Ky aktivitet është organizuar në bashkëpunim me Qendrën Kinematografike të Kosovës dhe Albanian Film Festival Berlin.

/A.K/

Continue Reading

Lajmet

Në SHBA hapet ekspozita “Liria” e fotografit kosovar Hazir Reka

Published

1 hour ago

on

June 18, 2026

By

Në kuadër të aktiviteteve për shënimin e Ditës së Çlirimit të Kosovës, Ambasada e Republikës së Kosovës në Shtetet e Bashkuara të Amerikës ka organizuar ekspozitën fotografike “Liria” të fotografit kosovar Hazir Reka.

Ekspozita sjell një përmbledhje fotografish që dokumentojnë sakrificën, qëndresën dhe shpresën e popullit të Kosovës në periudha të ndryshme historike, duke pasqyruar edhe rolin e SHBA-së në rrugëtimin e Kosovës drejt lirisë dhe pavarësisë.

Ambasadori i Kosovës në SHBA, Ilir Dugolli, e ka cilësuar Rekën si “kronistin jozyrtar të historisë moderne të Kosovës”, duke theksuar se fotografitë e tij dokumentojnë periudhën e represionit, rezistencës paqësore, luftës, çlirimit dhe shtetndërtimit.

Ai ka veçuar edhe një fotografi të vitit 1990 në Prishtinë, gjatë vizitës së delegacionit të Kongresit amerikan të udhëhequr nga senatori Bob Dole, si simbol të shpresës dhe mbështetjes ndërkombëtare për Kosovën.

Sipas ambasadorit, ekspozita përbën një dëshmi vizuale të historisë së Kosovës dhe marrëdhënieve të saj të veçanta me Shtetet e Bashkuara të Amerikës.

/A.K/

Continue Reading

Lajmet

Hapet në Prishtinë ekspozita performuese “Në Ikje” mbi përvojat e zhvendosjes gjatë luftës

Published

1 hour ago

on

June 18, 2026

By

Më 19 qershor 2026, nga ora 18:00, në Barabar Centre në Hotel Grand Prishtina, hapet ekspozita e gjallë performuese “Në Ikje”, e organizuar nga YIHR-KS.

Ekspozita sjell rrëfime të drejtpërdrejta mbi përvojat e zhvendosjes së detyruar gjatë luftës në Kosovë, duke u fokusuar në historitë e personave që kanë përjetuar largimin nga shtëpitë e tyre, pasigurinë e rrugëtimit dhe jetën në kushte të përkohshme.

Përmes materialeve nga Muzeu Virtual i Refugjatëve, këto rrëfime paraqiten në formë performative, me qëllim afrimin e publikut me përvojat njerëzore të luftës dhe zhvendosjes.

Sipas organizatorëve, ekspozita synon të krijojë një hapësirë reflektimi mbi kujtesën kolektive, duke trajtuar temat e humbjes, qëndrueshmërisë dhe dinjitetit njerëzor në kohë krize.

Ekspozita “Në Ikje” është kuruar nga Çlirimtare Januzaj, ndërsa dizajni i posterit është realizuar nga Aurora Bytyçi.

/A.K/

Continue Reading

Lajmet

Shqipëria zgjidhet anëtare e Komitetit të UNESCO-s për Trashëgiminë Kulturore Jomateriale

Published

6 hours ago

on

June 18, 2026

By

Shqipëria është zgjedhur anëtare e Komitetit Ndërqeveritar të UNESCO-s për Ruajtjen e Trashëgimisë Kulturore Jomateriale, duke shënuar një vlerësim të rëndësishëm ndërkombëtar për angazhimin e saj në mbrojtjen dhe promovimin e trashëgimisë kulturore.

Lajmin e ka bërë të ditur ministri i Jashtëm, Ferit Hoxha, i cili theksoi se zgjedhja përfaqëson njohje të rolit aktiv të vendit brenda UNESCO-s.

Sipas tij, Shqipëria ka dëshmuar përkushtim të vazhdueshëm në ruajtjen, promovimin dhe transmetimin e trashëgimisë kulturore tek brezat e ardhshëm, duke kontribuar në mbrojtjen e identitetit dhe diversitetit kulturor.

Hoxha rikujtoi se disa prej vlerave më të njohura të trashëgimisë shqiptare tashmë janë pjesë e Listës Përfaqësuese të Trashëgimisë Kulturore Jomateriale të Njerëzimit, përfshirë Iso-polifoninë shqiptare, Xhubletën, K’cimin e Tropojës dhe Transhumancën.

Ai falënderoi shtetet anëtare të UNESCO-s për mbështetjen dhe besimin e dhënë ndaj Shqipërisë, duke theksuar se vendi do të bashkëpunojë me partnerët ndërkombëtarë për avancimin e mbrojtjes së trashëgimisë kulturore jomateriale.

Përmes këtij mandati, Shqipëria pritet të luajë një rol më të madh në promovimin dhe ruajtjen e vlerave kulturore në nivel ndërkombëtar gjatë viteve të ardhshme.

/A.K/

Continue Reading

Të kërkuara