Magazinë

Angelina Jolie në krizë financiare? Zbulohen detajet e reja nga beteja me Brad Pitt

Published

3 weeks ago

on

Konflikti mes ish-çiftit të famshëm të Hollivudit, Angelina Jolie dhe Brad Pitt, po bëhet gjithnjë e më i ashpër, ndërsa dokumentet e fundit gjyqësore zbulojnë detaje të reja për vështirësitë financiare të aktores pas divorcit.

Vështirësitë pas ndarjes dhe kujtimet e dhimbshme në Miraval

Në dosjet e paraqitura në gjykatë, fituesja e “Oscar”-it rrëfen se periudha pas ndarjes ka qenë emocionalisht e vështirë për të dhe gjashtë fëmijët – Maddox, Pax, Zahara, Shiloh, Knox dhe Vivienne. Pas divorcit, Jolie i dorëzoi Pitt-it kontrollin mbi shtëpitë familjare në Los Angeles dhe mbi Château Miraval, pronën luksoze në Francë ku çifti u martua dhe kaloi disa nga momentet më të lumtura të familjes.

“Shpresoja që kjo do ta qetësonte pas një periudhe të vështirë dhe traumatike”, ka shkruar ajo në dokumentet gjyqësore, duke shtuar se as ajo dhe as fëmijët nuk janë kthyer më kurrë në Miraval, pasi ajo shtëpi u kujton kujtime tepër të dhimbshme.

Probleme financiare dhe hua nga Pitt

Aktorja tregon se pas divorcit, iu desh të kërkonte vend të ri për të jetuar me fëmijët, fillimisht me qira, ndërsa për dy vite kishte hequr dorë nga puna për t’u përqendruar tek mirëqenia e tyre emocionale. Kjo periudhë e la Jolie-n në vështirësi financiare, saqë – sipas saj – u detyrua të kërkonte hua para nga Pitt, e madje me interes.

“Isha e shqetësuar për fëmijët e vendosa të mos punoja për disa vite. Por kjo më vuri në një situatë të rëndë financiare,” ka deklaruar ajo.

Përplasja për Miraval

Çështja kryesore që i mban ende të lidhur në gjykatë është prona Miraval dhe kompania e verërave që e shoqëron atë.

Pitt ka paditur ish-bashkëshorten, duke pretenduar se shiti aksionet e saj pa miratimin e tij, ndërsa Jolie mbron qëndrimin se kishte të drejtë ligjore ta bënte shitjen e nuk kishte pse të kërkonte lejen e tij. Aktorja shton se kursimet ishin të lidhura me Miraval dhe se nuk kishte kërkuar alimentacion apo ndihmë financiare nga Pitt, gjë që e detyroi të përdorte fondet e përbashkëta për të mbuluar shpenzimet e saj.

Nga simbol dashurie në burim konflikti

Dikur vendi ku u kurorëzua dashuria e tyre, Miraval është kthyer sot në një mollë sherri.

“Miraval ishte një nga investimet tona më të mëdha. U martuam atje, kalova një pjesë të shtatzënisë e solla binjakët tanë në atë shtëpi. Ishte e dhimbshme të ndahesha nga këto kujtime, veçanërisht për fëmijët,” ka shkruar Jolie.

Çfarë kërkon Jolie tani?

Aktorja po kërkon nga Pitt 33,000 dollarë për të mbuluar shpenzimet ligjore, beteja për Miraval vazhdon pa një zgjidhje përfundimtare. /A.Z/UBT News/

Related Topics:
Continue Reading

Magazinë

Ja pse Selena Gomez zhduket herë pas here nga interneti

Published

2 days ago

on

October 31, 2025

By

Selena Gomez ishte organizatore e galës së tretë vjetore të bamirësisë së Rare Impact Fund, një event që kishte në qendër shëndetin mendor – kauzën më të rëndësishme për këngëtaren dhe aktoren.

Në fjalën e saj, ajo theksoi rëndësinë e pushimeve nga mediat sociale, duke theksuar ndikimin që ato kanë në mirëqenien emocionale.

Eventi u mbajt në Los Angeles, në mbështetje të fondacionit që Gomez themeloi në vitin 2020 me qëllimin për të mbledhur 100 milionë dollarë për organizata që zgjerojnë aksesin global në shërbimet dhe arsimin mbi shëndetin mendor për të rinjtë.

Mbrëmjen e moderoi Jimmy Kimmel, ndërsa performuan Laufey dhe The Marías. Në hapje të aktivitetit, Gomez tha se, edhe pse ka folur hapur për përvojën e saj me shëndetin mendor prej vitesh, “kjo mbetet ende një temë e vështirë dhe e pazakontë për shumë njerëz”.

“Sonte do të tregojmë se progresi është i mundur,” – theksoi ajo.

Ajo u shpreh krenare për punën e bërë përmes organizatës: “Asgjë nuk më ka bërë më krenare sesa ajo që kemi arritur me këtë fond. Jetojmë në një kohë kur presioni, sidomos tek të rinjtë, është më i madh se kurrë. Nga ngacmimi në internet deri te vetëvrasja, shëndeti mendor nuk është çështje dytësore – është themeli i gjithçkaje: kreativitetit, lidhjes, të nxënit, sigurisë dhe shpresës. Kur të rinjtë kërkojnë ndihmë, ata duhet ta dinë se ndihma ekziston.”

Në një intervistë për The Hollywood Reporter, Gomez foli më gjerësisht për ndikimin e mediave sociale: “Mendoj se është e rëndësishme të bësh pushime prej tyre. Edhe një ditë, madje edhe një orë larg, mund të bëjë ndryshim. E di që ndonjëherë duket sikur gjithë bota ndodhet në ekranin e telefonit, por në fakt ka një botë të tërë jashtë që ia vlen ta përjetosh.” /A.Z/UBT News/

 

Continue Reading

Magazinë

Fansat mbeten pa fjalë, Cardi B pranon se nuk i ka larë flokët për muaj të tërë

Published

2 days ago

on

October 31, 2025

By

Cardi B ka bërë një rrëfim të pazakontë lidhur me kujdesin ndaj flokëve gjatë një transmetimi të drejtpërdrejtë në rrjetet sociale.

Reperja u paraqit në një “Instagram Live”, me një kapelë elastike që përdoret nën paruke, ndërsa pranoi se kishte kaluar shumë kohë pa i larë flokët natyralë.

“Nuk i kam larë për rreth dy muaj”, u tha ajo ndjekësve, deklaratë që më pas u bë virale edhe në platformën X. “Në fakt, po gënjej – ndoshta kanë kaluar tre muaj, nuk e di as vetë”, shtoi ajo me humor.

Cardi B, 33 vjeç, madje bëri shaka duke thënë: “Ka gjasa që të kem të gjitha llojet e vezëve të insekteve në flokë – të gjarpërinjve, të mushkonjave, gjithçka mund të jetë këtu brenda”, duke treguar nga koka e saj.

Më pas, ajo ndau edhe planet për kujdesin ndaj flokëve: “Duhet të vajos skalpin, sepse nesër do të merrem me flokët e mi të vërtetë. Do t’i laj dhe deri të mërkurën do t’i bëj gërsheta.”

Deklarata e saj shkaktoi reagime të shumta, disa përdorues u shokuan nga zbulimi i reperes, ndërsa të tjerë e morën me humor. /A.Z/UBT News/

Continue Reading

Magazinë

Ana de Armas dhe Tom Cruise i japin fund romancës së shkurtër

Published

2 days ago

on

October 31, 2025

By

Romanca mes Ana de Armas dhe Tom Cruise duket se ka përfunduar po aq shpejt sa nisi. Sipas revistës Us Weekly, aktorja kubano-spanjolle ka qenë ajo që ka marrë nismën për ndarje, pasi është ndier e parehatshme me ritmin e marrëdhënies.

“Ishte vendimi i Anës,” ka thënë një burim i afërt për median amerikane.

“Ajo filloi të ndihej në siklet me shpejtësinë me të cilën po ecnin gjërat.” Edhe pse kimia mes tyre ishte e pamohueshme, de Armas vendosi të bënte një hap prapa dhe të vendoste kufij më të qartë.

Dyshja ndezi thashethemet për një lidhje në shkurt, gjatë xhirimeve të “Deeper”, ku luajnë krah njëri-tjetrit. Marrëdhënia sipas burimeve, lindi gjatë seancave intensive të stërvitjeve nënujore për filmin, ku ata kaluan kohë së bashku.

“Filloi si një respekt i thellë profesional dhe më pas u shndërrua në diçka më shumë,” ka treguar burimi.

“Tom u magjeps plotësisht nga Ana,” thuhet më tej. Nga ana e saj, de Armas e ka përshkruar Cruise si një person “të këndshëm dhe mbështetës”, duke vlerësuar përkushtimin e tij ndaj karrierës dhe disiplinën e tij profesionale.

Megjithëse romanca e tyre ishte e shkurtër, de Armas, 37 vjeçe, ruan vlerësim të madh për Cruise, 63 vjeç.

“Ajo ende e pëlqen shumë Tom-in,” ka theksuar burimi, duke shtuar se të dy kanë rënë dakord të mbeten miq dhe të fokusohen në bashkëpunimin e tyre në film.

Sipas Daily Mail, vendimi për t’u ndarë u mor me mirëkuptim të ndërsjellë, pasi të dy kuptuan se ruajtja e profesionalizmit ishte thelbësore si për miqësinë e tyre, ashtu edhe për suksesin e projektit kinematografik që po realizojnë së bashku. /A.Z/UBT News/

Continue Reading

Magazinë

Jesse Eisenberg dhuron veshkën për një të panjohur

Published

2 days ago

on

October 31, 2025

By

Aktori i njohur Jesse Eisenberg, i famshëm për rolet e tij në filmat The Social Network dhe Now You See Me, ka marrë një vendim që po frymëzon shumë njerëz.

Ai ka zbuluar se do të dhurojë një nga veshkat e tij për një person të panjohur – një akt altruist që vetë aktori e quan “një vendim i thjeshtë”.

Në një intervistë për emisionin Today, Eisenberg tha: “Në fakt, do ta dhuroj veshkën time pas gjashtë javësh… është një dhurim altruist. Jam i emocionuar ta bëj këtë.”

Ai shpjegoi se dhurimi altruist do të thotë t’i japësh një organ një personi që nuk e njeh, thjesht për ta ndihmuar të mbijetojë. Eisenberg theksoi se procesi është “thelbësisht pa rrezik dhe i domosdoshëm” dhe shumë njerëz nuk e kuptojnë se sa shumë mund të ndryshojnë jetë me një gjest të tillë.

“Mendoj se njerëzit do ta kuptojnë që është një vendim i thjeshtë, nëse ke kohën dhe dëshirën për ta bërë,” shtoi ai.

Sipas të dhënave të HRSA, në Shtetet e Bashkuara ka rreth 90,000 persona që presin një transplant veshke, gjë që e bën këtë akt bujar edhe më të rëndësishëm dhe frymëzues. /A.Z/UBT News/

 

Continue Reading

Të kërkuara