Sport

Ancelotti sfidon La Ligan, kërkon të arrihet niveli i Premier Ligës

Këtë fundjavë Reali do të synojë të vazhdojë formën pa humbje në La Liga, ku do të përballet me Real Betisin

Published

4 years ago

September 2, 2022

UBT.News

Trajneri italian, Carlo Ancelotti mposhti tri skuadrat të cilat janë ndër më të mirat në Premier Ligë në rrugën për të fituar Ligën e Kampionëve me Real Madridin sezonin e kaluar.

Megjithatë, trajneri italian beson se La Liga dhe ligat e tjera evropiane duhet të bëjnë më shumë në mënyrë që të arrijnë nivelin e kampionatit anglez.

Këtë fundjavë Reali do të synojë të vazhdojë formën pa humbje në La Liga, ku do të përballet me Real Betisin, të dy këto skuadra që momentalisht kryesojnë tabelën me bilanc të 100% të fitoreve.

Duke folur për “Marca” përpara ndeshjes me Betisin, Ancelotti u pyet për pabarazinë financiare midis La Ligës dhe Premier Ligës.

“Nuk e di se kur do të ndalet kjo. Objektivi për të gjitha ligat, jo vetëm për ligën spanjolle, është afrimi me të, përmirësimi i cilësisë së lojës, atmosfera, stadiumet e reja, mungesa e dhunës”, tha Ancelotti.

“Premier Liga është shumë përpara me shitjen e të drejtave televizive, ata kanë mposhtur ligat e tjera, ka një atmosferë të mirë, pa dhunë, me stadiume plot, stadiume që funksionojnë. Ata kanë një avantazh dhe objektivi i pjesës tjetër duhet të jetë përmirësimi i këtyre aspekteve mbi të gjitha”, shtoi më tej trajneri italian.

Ndërsa ka pasur një pabarazi mes Premier Ligës dhe La Ligas për sa i përket financave për disa kohë, dallimi mes dy kampionateve po arrin nivele të papara më parë. Tashmë duket se po e kërcënon edhe ekuilibrin e futbollit evropian.

Related Topics:Real Madrid Premier League La Liga Carlo Ancelotti

Up Next

Cili është roli i Tiger Woods në rikthimin e Serena Williams?

Don't Miss

Atentati në zëvendës-presidenten, Argjentina pezullon aktivitetet e futbollit

Vendi

Akil Gjakova mbyll garën pa medalje në Abu Dhabi

Published

17 minutes ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

45 minutes ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/